Jeremias 49:16

Ang Biblia 2011

Ang imong pagkamalilisang naglimbong kanimo, ang garbo sa imong kasingkasing, ikaw nga nagpuyo sulod sa mga liki sa pangpang, nga naghupot sa kahitas-an sa bukid. Bisan ug gihimo nimo ang imong salag sama kahabog sa salag sa agila, gikan didto taktakon ko ikaw ngadto sa ubos, nag-ingon ang Ginoo.

Cross References

2 Mga Hari 14:7

Napulo ka libo ka Edomhanon ang iyang gipamatay didto sa Walog sa Asin, ug giilog ang Sela pinaagi sa pagsulong, ug gitawag kini ug Jokteel ug hangtod karon mao kini ang ngalan.

Job 39:27

Pinaagi ba sa imong mando nga ang agila molupad, ug maghimo sa iyang salag sa kahitas-an?

Mga Panultihon 16:18

Ang garbo mag-una sa pagkalaglag, ug ang mapahitas-ong espiritu sa dili pa ang pagkapukan.

Mga Panultihon 18:21

Ang kamatayon ug ang kinabuhi anaa sa gahom sa dila, ug kadtong mahigugma niini magkaon sa mga bunga niini.

Mga Panultihon 29:23

Ang garbo sa tawo magdala kaniya ngadto sa ubos, apan siya nga mapaubsanon sa espiritu makabaton ug kadungganan.

Awit sa mga Awit 2:14

O akong salampati nga anaa sa mga lungag sa bato, sa kinasuokan sa pangpang, patan-awa ako sa imong dagway, padungga ako sa imong tingog, kay tam-is ang imong tingog, ug ang imong panagway matahom.

Isaias 10:14

Nakaplagan sa akong kamot sama sa usa ka salag ang mga bahandi sa mga katawhan, ug sama sa mga tawo nga nanghipos sa mga itlog nga biniyaan, busa gitigom nako ang tanang kayutaan, ug walay usa nga mikapakapa o mibuka sa baba o mipiyak.”

Isaias 2:21

aron mosulod sa mga langob sa mga bato, ug sa mga liki sa mga pangpang, gikan sa atubangan sa pagkamakalilisang sa Ginoo ug gikan sa himaya sa iyang pagkahalangdon, sa diha nga siya motindog aron sa paglisang sa yuta.

Isaias 49:25

Apan mao kini ang gisulti sa Ginoo, “Bisan ang mga binihag sa gamhanan kuhaon, ug ang tukbonon sa bangis luwason, kay ako makigbisog kaniya nga nakigbisog kanimo, ug akong luwason ang imong mga anak.

Jeremias 48:14

“Unsaon ninyo pag-ingon, ‘Kami mga bayani ug mga tawong isog sa panggubatan’?

Jeremias 49:15

Kay tan-awa, ako maghimo kanimo nga gamay taliwala sa mga nasod, tinamay taliwala sa mga tawo.

Jeremias 50:29

“Ipatawag ang mga tigpana batok sa Babilonia, kadtong tanan nga nagbingat sa pana. Pagpahiluna kamo libot kaniya; walay usa nga paikyason. Balosi siya sumala sa iyang mga binuhatan, buhata kaniya sumala sa tanan nga iyang nabuhat, kay siya mapagarbohong nakigbatok sa Ginoo, ang Balaan sa Israel.

Jeremias 51:53

Bisan ug ang Babilonia mokayab ngadto sa langit, bisan ug palig-onan niya ang lig-on niyang salipdanan, ang mga tiglaglag moadto kaniya gikan kanako, nag-ingon ang Ginoo.

Amos 9:2

“Bisan pa ug magkalot sila ngadto sa Sheol, gikan didto kuhaon sila sa akong kamot; bisan pa ug mokatkat sila ngadto sa langit, gikan didto pakanaogon nako sila.

Habacuc 2:9

“Alaot kadtong nagpaganansiya sa daotang pamaagi alang sa iyang balay, aron magpahimutang sa iyang salag sa itaas, aron malingkawas siya gikan sa kadaot!”

Malaquias 1:3

apan gidumtan nako si Esau. Gihimo nako nga awaaw ang iyang kabukiran ug gipasagdan ang iyang panulundon ngadto sa mga irong ihalas sa kamingawan.”