Jeremias 49:13

Ang Biblia 2011

Kay ako nanumpa sa akong kaugalingon, nag-ingon ang Ginoo, nga ang Bosra mahimong kahadlokan, usa ka talamayon, usa ka awaaw, ug usa ka tinunglo; ug ang tanan niyang mga siyudad mangahimong awaaw sa dayon.”

Cross References

Genesis 22:16

ug miingon, “Tungod sa akong kaugalingon nanumpa ako,” nag-ingon ang Ginoo, “nga tungod kay gibuhat nimo kini ug wala ikaw maghikaw kanako sa imong anak, sa imong bugtong nga anak,

Genesis 36:33

Namatay si Bela ug naghari puli sa iyang dapit si Jobab nga anak ni Zera sa Bosra.

1 Cronicas 1:44

Sa pagkamatay ni Bela, si Jobab nga anak ni Zera sa Bosra mao ang naghari puli kaniya.

Isaias 34:6

Ang Ginoo adunay espada; kini natumog sa dugo, kini nagsinaw tungod sa tambok, sa dugo sa mga nating karnero ug mga kanding, sa tambok sa mga amimislon sa mga laking karnero. Kay ang Ginoo adunay usa ka halad nga inihaw didto sa Bosra, usa ka dakong pag-ihaw didto sa yuta sa Edom.

Isaias 45:23

Sa akong kaugalingon ako nanumpa, gikan sa akong baba migula diha sa pagkamatarong ang pulong nga dili na mabakwi. ‘Kanako ang tanang tuhod mapiko, ang tanang mga dila manumpa.’

Isaias 63:1

Kinsa kini nga miabot gikan sa Edom, nga nagsul-ob ug bisti nga tinina ug pula gikan sa Bosra, siya nga mahimayaon sa iyang bisti, nga naglakaw diha sa kadako sa iyang kusog? “Ako mao ang nagpahibalo sa pagkamatarong, gamhanan sa pagluwas.”

Jeremias 18:16

naghimo sa ilang yuta nga kalisangan, usa ka butang nga talamayon hangtod sa kahangtoran. Ang matag usa nga moagi niini malisang ug maglingolingo sa iyang ulo.

Jeremias 19:8

Ug kining siyudara himoon nako nga usa ka makalilisang, usa ka butang nga talamayon; ang tanan nga moagi niini malisang ug magtamay tungod sa tanang mga katalagman niini.

Jeremias 44:26

Busa, pamatia ang pulong sa Ginoo, kamong tanan nga gikan sa Juda nga nagpuyo sa yuta sa Ehipto: Tan-awa, ako nanumpa pinaagi sa akong dako nga ngalan, nag-ingon ang Ginoo, aron nga ang akong ngalan dili na hisgotan sa baba ni bisan kinsa nga tawo sa Juda, sa tibuok nga yuta sa Ehipto, nga mag-ingon, ‘Ingon nga buhi ang Ginoong Dios!’

Jeremias 48:24

sa Keriot ug sa Bosra ug sa tanang mga siyudad sa yuta sa Moab, layo ug duol.

Jeremias 49:22

Tan-awa, may usa nga mopatugbaw ug tulin nga molupad sama sa agila ug mobukhad sa iyang mga pako batok sa Bosra, ug ang kasingkasing sa mga manggugubat sa Edom mahimo niadtong adlawa nga sama sa kasingkasing sa usa ka babaye nga nagbati.”

Jeremias 51:14

Ang Ginoo sa mga panon nanumpa sa iyang kaugalingon: Pun-on ko gayod ikaw sa mga tawo, sama kadaghan sa mga dulon, ug sila mopatugbaw sa singgit sa kadaogan batok kanimo.

Joel 3:19

“Ang Ehipto mahimong awaaw, ug ang Edom mahimong kamingawan nga biniyaan, tungod sa kabangis nga gibuhat ngadto sa katawhan sa Juda, kay gipaagas nila ang dugo sa walay sala diha sa ilang yuta.

Amos 1:12

Busa magpadala ako ug kalayo ngadto sa Teman, ug kini maglamoy sa mga kuta sa Bosra.”

Amos 6:8

Ang Ginoong Dios nanumpa sa iyang kaugalingon, nag-ingon ang Ginoo, ang Dios sa mga panon, “Ako nagdumot sa garbo ni Jacob, ug nagdumot sa iyang mga salipdanan; ug itugyan nako ang siyudad ug ang tanan nga anaa niini.”

Abdias 1:18

Ang balay ni Jacob mahimong kalayo, ang balay ni Jose mahimong siga, ang balay ni Esau mahimong dagami; sila magsunog kanila ug maghurot kanila, ug walay si bisan kinsa nga mahibilin sa balay ni Esau; kay ang Ginoo nagsulti niini.