Jeremias 49:10

Ang Biblia 2011

Apan gihuboan nako si Esau, akong gibuksan ang iyang mga tinago nga mga dapit ug dili siya makatago sa iyang kaugalingon. Ang iyang mga anak gilaglag ug ang iyang mga igsoon, ug ang iyang mga silingan; ug siya wala na.

Cross References

Salmo 37:28

Kay ang Ginoo nahigugma sa hustisya; siya dili mobiya sa iyang mga balaan. Ang matarong molungtad hangtod sa kahangtoran, apan ang kaliwat sa mga daotan laglagon.

Isaias 17:14

Sa panahon sa kagabhion, kalisang! Sa dili pa ang kabuntagon, sila mangahanaw! Kini mao ang bahin niadtong nanakmit kanato, ug ang palad niadtong nanulis kanato.

Isaias 45:3

Ihatag nako kanimo ang mga bahandi sa kangitngitan, ug ang natago diha sa tago nga mga dapit, aron ikaw masayod nga ako, ang Ginoo, ang Dios sa Israel, mao ang nagtawag kanimo pinaagi sa ngalan.

Jeremias 13:26

Ako gayod ang magbukas sa imong saya lapaw sa imong nawong, ug ang imong kaulawan makita.

Jeremias 23:24

Makatago ba ang usa ka tawo sa iyang kaugalingon sa mga tago nga dapit nga dili ako makakita kaniya? nag-ingon ang Ginoo. Dili ba nga akong gipuno ang langit ug ang yuta? nag-ingon ang Ginoo.

Mga Pagbangotan 4:22

Ang silot sa imong kalapasan, O anak nga babaye sa Zion, natuman na, siya dili na modala kanimo pag-usab ngadto sa pagkabinihag; apan ang imong kasal-anan, anak nga babaye sa Edom, iyang silotan, ibutyag niya ang imong mga sala.

Amos 9:3

Bisan pa ug magtago sila sa ilang kaugalingon didto sa kinatumyan sa Carmel, gikan didto pangitaon nako sila ug kuhaon; bisan pa ug motago sila gikan sa akong panan-aw sa ilalom sa dagat, didto sugoon nako ang bitin ug kini mopaak kanila.

Abdias 1:6

Ang kabtangan ni Esau gilungkab gihurot ang iyang mga bahandi!

Abdias 1:9

Ug ang imong mga gamhanang tawo mangalisang, O Teman, nga tungod niana ang matag tawo gikan sa Bukid ni Esau laglagon pinaagi sa pagpamatay.

Roma 9:13

Sumala sa nasulat, “Si Jacob akong gihigugma, apan si Esau akong gikasilagan.”