Jeremias 48:9

Ang Biblia 2011

“Hatagi ug mga pako ang Moab, kay molupad siya; ang iyang mga lungsod mahimong biniyaan, nga walay magpuyo niini.

Cross References

Salmo 11:1

Diha sa Ginoo midangop ako; unsaon ninyo pag-ingon kanako, “Palayo ngadto sa kabukiran sama sa usa ka langgam;

Salmo 55:6

Ug miingon ako, “O kon aduna pa unta akoy mga pako sama sa salampati! Unya makalupad ako sa layo ug makapahulay;

Isaias 16:2

Sama sa mga naglupadlupad nga langgam, sama sa nagkatibulaag nga mga kuyabog, mao usab ang mga anak nga babaye sa Moab diha sa mga tabokanan sa Arnon.

Jeremias 44:22

Ang Ginoo wala na makaantos sa inyong mga daotan buhat ug sa mga dulumtanan nga inyong nahimo, busa ang inyong yuta nahimong biniyaan, ug awaaw ug usa ka tunglo walay nagpuyo, ingon niining adlawa.

Jeremias 46:19

Andama alang sa inyong kaugalingon ang inyong mga butang alang sa pagkabihag O mga lumulupyo sa Ehipto! Kay ang Memphis mahimong biniyaan, guba, walay magpuyo.

Jeremias 48:28

“Biyai ninyo ang mga siyudad, ug pamuyo kamo sa pangpang, O mga lumulupyo sa Moab! Pagpakasama kamo sa salampati nga nagsalag sa kadaplinan sa baba sa pangpang.

Sofonias 2:9

Busa ingon nga ako buhi, nag-ingon ang Ginoo sa mga panon, ang Dios sa Israel, ang Moab mahimong sama sa Sodoma, ug ang mga Amonihanon sama sa Gomora, usa ka yuta nga malukop sa mga kadyapa ug sa mga gahong sa asin, biniyaan hangtod sa kahangtoran. Ang mahibilin sa akong katawhan manakmit kanila ug ang salin sa akong nasod manag-iya kanila.

Gipadayag 12:14

Apan gihatag ngadto sa babaye ang duha ka mga pako sa dakong agila aron siya makalupad gikan sa bitin ngadto sa kamingawan, sa dapit diin siya atimanon sulod sa usa ka panahon, ug sa mga panahon, ug sa katunga sa usa ka panahon.