Jeremias 48:8

Ang Biblia 2011

Ang tiglaglag moabot batok sa matag lungsod, ug walay lungsod nga makaikyas; ang walog mahanaw ug ang kapatagan malaglag, sumala sa gisulti sa Ginoo.

Cross References

Jeremias 15:8

Gipadaghan nako ang ilang mga biyuda kay sa balas sa kadagatan; sa kaudtohon gipadad-an nako ug tiglaglag ang mga inahan sa mga batan-ong lalaki; gihimo nako nga ang kasakit ug ang kalisang mahulog sa kalit kanila.

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 48:18

“Kanaog gikan sa imong himaya, ug lingkod sa uga nga yuta, O lumulupyo sa Dibon! Kay ang tiglaglag sa Moab ania na batok kanimo; iyang gilumpag ang imong mga salipdanan.

Jeremias 51:56

kay ang tiglaglag miabot kaniya, batok sa Babilonia; ang iyang mga manggugubat nakuha, ang ilang mga pana gipangdugmok; kay ang Ginoo mao ang Dios sa pagpanimalos, mobalos gayod siya.

Jeremias 6:26

O anak sa akong katawhan, pagsul-ob ug sako ug ligid sa abo; pagsubo nga daw alang sa bugtong anak, ang labing pait nga pagbangutan; kay sa kalit ang tiglaglag moanhi kanato.

Ezequiel 25:9

busa buksan nako ang kilid sa Moab gikan sa mga siyudad niini nga anaa sa iyang mga utlanan, ang himaya sa yuta, ang Bet-jesimot, ang Baal-meon, ug ang Kiriataim.

Josue 13:17

ug ang Hesbon uban sa tanang mga lungsod nga anaa sa patag, ug ang Dibon ug ang Bamot-baal, ug ang Bet-baal-meon,

Josue 13:21

ug ang tanang lungsod sa patag ug ang tibuok nga gingharian ni Sihon nga hari sa mga Amorihanon nga naghari sa Hesbon nga gibuntog ni Moises uban sa mga pangulo sa Midian, nga si Evi, si Rekem, si Zur, si Hur ug si Reba, mga pangulo ni Sihon nga nagpuyo sa yuta.

Josue 13:9

sukad sa Aroer nga anaa sa daplin sa Walog sa Arnon ug ang siyudad nga anaa sa taliwala sa walog ug sa tibuok patag sa Medeba hangtod sa Dibon,