Jeremias 48:44

Ang Biblia 2011

Siya nga midagan gikan sa kahadlok mahulog ngadto sa gahong ug siya nga mosaka gikan sa gahong mabitik sa lit-ag. Kay dad-on nako kining mga butanga ngadto sa Moab sa tuig sa pagsilot kanila, nag-ingon ang Ginoo.

Cross References

1 Mga Hari 19:17

Ug siya nga makaikyas gikan sa espada ni Hasael patyon ni Jehu, ug siya nga makaikyas sa espada ni Jehu, patyon ni Eliseo.

1 Mga Hari 20:30

Ug ang uban mikagiw ngadto sa siyudad sa Apek, ug ang kuta natumpag ibabaw sa 27,000 ka tawo nga nahibilin. Si Benhadad mikagiw usab ug miadto sa siyudad ug misulod ngadto sa kinasuloran nga lawak sa siyudad.

Isaias 10:3

Unsa may inyong buhaton sa adlaw sa pagsilot diha sa bagyo nga umaabot gikan sa layo? Kang kinsa man kamo modangop aron magpakitabang, ug asa man ninyo ibilin ang inyong bahandi?

Isaias 24:17

Ang kahadlok ug ang gahong ug ang laang, anaa kanimo, O lumulupyo sa yuta!

Isaias 24:18

Siya nga mikagiw tungod sa tingog sa kalisang, mahulog ngadto sa gahong; ug siya nga mikatkat gikan sa gahong mabitik sa laang. Kay ang mga tamboanan sa langit naabli ug ang mga patukoranan sa yuta nangurog.

Jeremias 10:15

Sila walay bili, usa ka buhat sa limbong; sa panahon sa pagsilot kanila, sila mangalaglag.

Jeremias 11:23

ug walay mahibilin kanila. Kay ako magpadala ug kadaotan ngadto sa mga tawo sa Anatot, sa tuig sa pagsilot kanila.”

Jeremias 16:16

“Tan-awa, ako magpadala ug daghang mangingisda, nag-ingon ang Ginoo, ug sila managat kanila ug human niini magpadala ako ug daghang mga mangangayam ug sila mangayam kanila gikan sa tanang bukid ug gikan sa tanang bungtod ug gikan sa mga liki sa mga pangpang.

Jeremias 23:12

Busa ang ilang dalan alang kanila mahimong mga agianan nga danglog diha sa kangitngitan, nga diha niini sila abogon ug mangahulog; kay magpadala ako kanila ug kadaot sa tuig sa pagsilot kanila, nag-ingon ang Ginoo.

Jeremias 46:21

Bisan ang iyang mga sundalong sinuholan sa taliwala niya sama sa pinatambok nga mga baka. Oo, sila namiya ug nangagiw, wala sila mosugakod; kay ang adlaw sa ilang katalagman miabot kanila, ang panahon sa pagsilot kanila.

Jeremias 49:8

Palayo, balik, puyo sa mga kahiladman, O mga lumulupyo sa Dedan! Kay akong ipadala ang kataglagman ni Esau nganha kaniya, sa panahon nga ako magsilot kaniya.

Jeremias 50:24

Ako nagbutang ug usa ka lit-ag alang kanimo ug ikaw nakuha, O Babilonia, ug ikaw wala mahibalo niini; nakit-an ikaw ug nadakpan tungod kay ikaw nakigbatok sa Ginoo.

Jeremias 50:27

Pamatya ang tanan niyang mga torong baka, paadtoa sila sa ihawan. Alaot sila, kay ang ilang nga adlaw miabot na, ang panahon sa pagsilot kanila.

Jeremias 51:18

Sila walay pulos, usa ka buhat nga limbong; sa panahon sa pagsilot kanila mangalaglag sila.

Jeremias 8:12

Nangaulaw ba sila sa diha nga nagbuhat sila sa dulumtanan? Wala, wala gayod sila mangaulaw, dili sila mahibalong manglipaghong. Busa mangapukan sila uban niadtong nangapukan; sa diha nga silotan nako sila, sila mangapukan, nag-ingon ang Ginoo.

Mga Pagbangotan 3:47

kalisang ug kapukanan midangat kanamo, pagkagun-ob ug pagkalaglag;

Oseas 9:7

Ang mga adlaw sa pagsilot miabot na, ang mga adlaw sa pagbalos midangat na; ang Israel mahibalo niini. Ang propeta buangbuang, ang tawo nga nagbaton ug espiritu buang, tungod sa dako nimong kasal-anan ug dakong kasilag.

Amos 5:19

ingon sa usa ka tawo nga midagan gikan sa usa ka liyon ug usa ka oso ang mitagbo kaniya; o misulod sa usa ka balay ug misandig nga ang iyang kamot diha sa bungbong, ug ang usa ka bitin mipaak kaniya.

Miqueas 7:4

Ang labing maayo kanila sama sa sampinit, ang labing matarong kanila tanom nga tunokon. Ang adlaw sa ilang mga tigbantay, sa ilang silot miabot na; ug ang ilang pagkalibog anaa na.