Jeremias 48:39

Ang Biblia 2011

Naunsa nga nadugmok man kini! Naunsa nga nagminatay man sila! Ang Moab mitalikod uban sa kaulaw! Busa ang Moab nahimong usa ka yubitonon ug usa ka kalisangan ngadto sa tanan nga naglibot kaniya.”

Cross References

Jeremias 48:13

Unya ang Moab maulaw tungod kang Camos, ingon nga ang balay sa Israel naulaw tungod sa Betel nga ilang gisaligan.

Jeremias 48:17

Bakhoi siya, kamong tanan nga naglibot kaniya, ug ang tanan nga nakaila sa iyang ngalan; ingna ninyo, ‘Naunsa ba nga nabali man ang lig-ong sitro, ang maanindot nga sungkod!’

Mga Pagbangotan 1:1

Pagkamingaw sa siyudad nga kaniadto puno sa mga tawo! Nahimo siya nga sama sa usa ka biyuda, siya nga kaniadto bantogan taliwala sa mga kanasoran! Siya nga kaniadto usa ka prinsesa taliwala sa mga lalawigan nahimo nga usa ka sakop.

Mga Pagbangotan 2:1

Ang Ginoo diha sa iyang kasuko nagbutang sa anak nga babaye sa Zion diha sa kaulawan! Gihulog niya gikan sa langit ngadto sa yuta ang katahom sa Israel; wala niya hinumdomi ang iyang tumbanan sa adlaw sa iyang kasuko.

Mga Pagbangotan 4:1

Naunsa nga milubad man ang bulawan, ang lunsayng bulawan nausab! Ang balaan nga mga bato nangakatag sa ulohan sa matag dalan.