Jeremias 48:36

Ang Biblia 2011

Busa ang akong kasingkasing nag-agulo alang sa Moab sama sa usa ka plawta, ug ang akong kasingkasing nag-agulo sama sa usa ka plawta alang sa mga tawo sa Kirheres, busa ang mga bahandi nga iyang naangkon nahanaw.

Cross References

2 Mga Hari 3:25

Ug ilang gigun-ob ang mga siyudad, ug sa matag maayong luna sa yuta ang matag tawo naglabay ug bato hangtod nga natabonan kini, ug ilang gipahunong ang tanan nga mga tuburan sa tubig ug gipangpukan ang tanang maayong kahoy. Sa Kir-haseret lamang nga ilang gibilin ang paril, ug ang mga tiglambuyog milibot ug mipukan niini.

Mga Panultihon 11:4

Ang kadato dili magpulos sa adlaw sa kaligutgot, apan ang pagkamatarong magpalingkawas gikan sa kamatayon.

Mga Panultihon 13:22

Ang usa ka maayong tawo magbilin ug usa ka panulundon alang sa mga anak sa iyang mga anak, apan ang katigayonan sa mga makasasala gitigom alang sa mga matarong.

Mga Panultihon 18:11

Ang bahandi sa usa ka adunahan nga tawo mao ang iyang lig-on nga siyudad, ug sama sa usa ka habog nga paril diha sa iyang hunahuna.

Isaias 15:5

Ang akong kasingkasing nagtuaw alang sa Moab; ang iyang mga kagiw nangikyas ngadto sa Zoar, sa Eglat-selisiya. Kay diha sa tungasan sa Luhit sila mitungas nga naghilak; sa agianan sa Horonaim sila mipatugbaw ug usa ka pagtuaw sa kalaglagan;

Isaias 15:7

Busa ang kadagaya nga ilang nakab-ot ug kadtong ilang natigom ilang dad-on ngadto sa Sapa sa mga Tambo.

Isaias 16:11

Busa ang akong kasingkasing miagulo sama sa usa ka lira alang sa Moab, ug ang akong kasingkasing alang sa Kirheres.

Isaias 63:15

Sud-ong gikan sa langit, ug tan-aw, gikan sa imong balaan ug mahimayaong pinuy-anan. Hain na man ang imong pagkamainiton ug ang imong pagkagamhanan? Ang pangandoy sa imong kasingkasing ug ang imong kaluoy gihikaw kanako.

Jeremias 17:11

Sama sa buntog nga nagtapok sa mga piso nga wala niya lumlomi, mao usab siya nga nag-angkon ug mga bahandi apan dili pinaagi sa katarong; taliwala sa iyang mga adlaw, kini mobiya kaniya, ug sa iyang kataposan siya mahimong usa ka buangbuang.

Jeremias 4:19

Ang akong kaguol, ang akong kaguol! Naglimbaglimbag ako sa kasakit! Daw mapikas ang akong kasingkasing! Ang akong kasingkasing gikulbaan pag-ayo; dili ako makahimo sa paghilom; kay akong nadungog ang tingog sa trumpeta, ang pasidaan alang sa gubat.

Jeremias 48:31

Busa ako magminatay alang sa Moab; mohilak ako alang sa tibuok Moab; alang sa mga tawo sa Kirheres ako magsubo.