Jeremias 48:16

Ang Biblia 2011

Ang katalagman sa Moab duol na ug ang iyang kasakit nagdali gayod.

Cross References

Mga Panultihon 7:23

hangtod nga ang usa ka udyong molapos sa iyang tinai; sama sa usa ka langgam nga nagdali ngadto sa lit-ag; wala siya mahibalo nga niini mag-ungaw ang iyang kinabuhi.

Isaias 13:22

Ang mga iro nga ihalas mag-uwang diha sa mga tore niini, ug ang mga mananap nga pintas diha sa maanindot nga palasyo, ang panahon niini hapit na moabot, ug ang mga adlaw niini dili na lugwayan.

Jeremias 1:12

Unya ang Ginoo miingon kanako, “Ikaw nakakita pag-ayo; kay ako nagbantay sa akong pulong sa pagbuhat niini.”

Ezequiel 12:23

Busa sultihi sila, ‘Mao kini ang giingon sa Ginoong Dios: Taposon nako kini nga panultihon, ug sila dili na maggamit niini ingon nga usa ka panultihon diha sa Israel.’ Apan ingna sila, Ang mga adlaw nagsingabot na ug ang katumanan sa tanang panan-awon.

Ezequiel 12:28

Busa sultihi sila, Mao kini ang giingon sa Ginoong Dios: Walay usa sa akong mga pulong nga langayon pa, hinuon ang pulong nga akong gisulti himoon gayod, nag-ingon ang Ginoong Dios.”

Deuteronomio 32:35

Akoa ang panimalos, ug ang bayad, alang sa panahon nga ang ilang tiil madalin-as; kay ang adlaw sa ilang katalagman nagkaduol na ug ang ilang kalaglagan moabot sa kalit lamang.

2 Pedro 2:3

Tungod sa ilang kahakog, ila kamong panapion pinaagi sa tinumotumo nga mga pulong. Sukad pa sa karaang panahon ang hukom kanila wala maghunong, ug ang ilang kalaglagan wala matulog.