Jeremias 48:11

Ang Biblia 2011

“Ang Moab nagpuyo sa kasayon sukad sa iyang pagkabatan-on ug siya nahimutang sa iyang linugdang; siya wala gayod ikahuwad gikan sa usa ka sudlanan ngadto sa usa ka sudlanan o mahiadto sa pagkabihag; busa ang iyang lami nagpabilin kaniya, ug ang iyang kahumot wala mausab.

Cross References

Salmo 123:4

Dugay na kaayo nga ang among kalag napuno na sa mga pagyubit niadtong anaa sa kasayon, sa pagtamay sa mga mapahitas-on.

Salmo 55:19

Ang Dios magpatalinghog ug magbuntog kanila, siya nga naglungtad gikan pa sa kakaraanan; Selah tungod kay sila wala mag-usab ug walay kahadlok sa Dios.

Mga Panultihon 1:32

Kay ang pagbiya sa mga yano magpatay kanila, ug ang pagpatuyang sa mga buang maglaglag kanila;

Isaias 16:6

Kami nakabati sa pagpagarbo sa Moab, unsa siya ka mapagarbohon; sa iyang pagkamapahitas-on ug sa iyang pagpagarbo ug sa iyang pagkamayubiton; ang iyang mga pagpangandak kawang lamang.

Isaias 24:3

Ang yuta magun-ob gayod ug laglagon gayod, kay ang Ginoo maoy nagsulti niining pulonga.

Isaias 25:6

Niining bukira ang Ginoo sa mga panon maghimo alang sa tanang mga katawhan ug usa ka kasaulogan sa tambok nga mga butang, usa ka kasaulogan sa mga maayong bino, sa mga butang nga tambok nga puno sa uyok, sa maayong bino nga pinalugdang nga maayong pagkasala.

Jeremias 22:21

Misulti ako kanimo diha sa imong pagkamauswagon, apan ikaw nag-ingon, ‘Dili ako mamati.’ Kini mao ang imong pamaagi sukad sa imong pagkabatan-on nga wala ikaw magtuman sa akong tingog.

Jeremias 48:12

“Busa, ang mga adlaw nagsingabot na, nag-ingon ang Ginoo, nga ipadala nako nganha kaniya ang mga tighuwad nga mohuwad kaniya ug maghurot sa sulod sa iyang mga sudlanan ug pinopinohon pagbuak ang ilang mga tadyaw.

Jeremias 48:29

Kami nakadungog sa pagpagarbo sa Moab— mapagarbohon kaayo siya— sa iyang pagkamapahitas-on, sa iyang garbo, ug sa iyang pagkamapangandakon, ug sa pagkamapalabilabihon sa iyang kasingkasing.

Jeremias 51:34

“Si Nabucodonosor nga hari sa Babilonia milamoy kanako, gidugmok niya ako; gihimo niya ako nga sudlanan nga walay sulod, gilamoy niya ako sama sa usa ka mangtas nga mananap; gipuno niya ang iyang tiyan sa akong lamian nga mga pagkaon, giluwa niya ako.

Nahum 2:10

Mingaw! Mingaw kaayo ug guba! Ang mga kasingkasing naluya ug ang mga tuhod nagkurog, ang kaguol anaa sa mga hawak, ang tanang mga nawong nangluspad.

Nahum 2:2

(Kay ang Ginoo nagpahiuli sa pagkahalangdon ni Jacob, sama sa pagkahalangdon sa Israel, kay ang mga tigpanglungkab nanglungkab kanila ug gilaglag ang ilang mga sanga.)

Sofonias 1:12

Nianang panahona susihon nako ang Jerusalem ginamit ang mga lampara, ug silotan nako ang mga tawo nga nahiuyon sa ilang kahimtang, nga nag-ingon diha sa ilang kasingkasing, “Ang Ginoo dili magbuhat ug maayo, o magbuhat ug daotan.”

Zacarias 1:15

Ug ako nasuko gayod sa mga nasod nga nagpuyo sa kasayon. Kay sa dihang gamay ra unta ang akong kasuko, ilang gipalabihan ang katalagman niini.