Jeremias 48:10

Ang Biblia 2011

“Tinunglo kadtong nagbuhat nga dili kinasingkasing sa buluhaton sa Ginoo; ug tinunglo kadtong nagpalikay sa iyang espada gikan sa pagpaagas ug dugo.

Cross References

1 Mga Hari 20:39

Ug sa pag-agi sa hari, misinggit siya ngadto sa hari ug miingon, “Ang imong sulugoon miadto sa taliwala sa panggubatan, unya may usa ka sundalo mitipas ug nagdala ug usa ka tawo kanako ug miingon, ‘Bantayi kining tawhana, kon sa bisan unsang paagi siya mawala, ang imong kinabuhi ibaylo alang sa iyang kinabuhi, o dili ba ikaw magbayad ug usa ka talanton nga plata.’

1 Mga Hari 20:40

Ug kay ang imong sulugoon nagkapuliki dinhi ug didto, siya nakaikyas.” Ug ang hari sa Israel miingon kaniya, “Mao kana ang imong silot, ikaw gayod ang nakahukom niana.”

1 Mga Hari 20:42

Ug siya miingon kaniya, “Mao kini ang gisulti sa Ginoo, ‘Tungod kay imong gibuhian gikan sa imong kamot ang tawo nga akong patyonon, busa ang imong kinabuhi ibaylo alang sa iyang kinabuhi, ug ang imong katawhan ibaylo alang sa iyang katawhan.’ ”

2 Mga Hari 13:19

Unya ang tawo sa Dios nasuko kaniya ug miingon, “Imo unta kining gibunal sa makalima o makaunom, kay sa ingon niana ikaw makadaog unta sa Siria hangtod nga imo kining mahurot, apan karon ikaw makadaog sa Siria sa makatulo lamang.”

Jeremias 11:3

Ingna sila, Mao kini ang giingon sa Ginoo, ang Dios sa Israel: Tinunglo ang tawo nga wala magtagad sa mga pulong niining kasabotan,

Jeremias 47:6

Ah, espada sa Ginoo! Kanus-a ba nga ikaw maghilom? Ibutang ang imong kaugalingon nganha sa imong sakoban, pahulay ug pagpuyo!

Jeremias 47:7

Unsaon ba niini paghilom, nga ang Ginoo man ang nagsugo? Batok sa Askelon ug batok sa kabaybayonan gitudlo niya kini.”

Jeremias 50:25

Ang Ginoo nag-abli sa butanganan sa iyang hinagiban, ug nagpagula sa mga hinagiban sa iyang kapungot, kay ang Ginoong Dios sa mga panon adunay buluhaton nga buhaton didto sa yuta sa mga Caldeanhon.

Jeremias 50:27

Pamatya ang tanan niyang mga torong baka, paadtoa sila sa ihawan. Alaot sila, kay ang ilang nga adlaw miabot na, ang panahon sa pagsilot kanila.

Josue 10:19

Apan ayaw kamo pagpabilin didto; gukda ang inyong mga kaaway ug sulonga sila sa luyo nila. Ayaw sila pasudla sa ilang mga siyudad kay ang Ginoo nga inyong Dios naghatag na kanila nganha sa inyong kamot.”

Mga Maghuhukom 5:23

“Tungloha ang Meros, miingon ang anghel sa Ginoo, tungloha pag-ayo ang mga nagpuyo niini, tungod kay miadto sila dili sa pagtabang sa Ginoo, sa pagtabang sa Ginoo batok sa mga kusgan.

1 Samuel 15:3

Busa lakaw ug tigbasa si Amalek ug hutda paglaglag ang tanan nga anaa kanila, ug ayaw sila palingkawasa, hinuon patya ang lalaki ug babaye, bata ug masuso, baka ug karnero, kamilyo ug asno.’ ”

1 Samuel 15:9

Apan si Saul ug ang katawhan wala mopatay kang Agag ug sa labing maayo sa mga karnero ug sa mga baka ug sa mga pinatambok ug sa mga nating karnero ug sa tanan nga maayo, ug wala maglaglag ug hurot kanila, hinuon ang tanan nga tinamay ug walay pulos ilang gihurot paglaglag.