Jeremias 47:3

Ang Biblia 2011

Sa dahunog sa tunob sa mga tiil sa iyang mga kabayo, sa hinaguros sa iyang mga karwahi, sa kinagalkal sa ilang mga ligid, ang mga amahan dili na molingi sa ilang mga anak, luya na kaayo ang ilang sa mga kamot,

Cross References

Isaias 5:28

ang ilang mga udyong hait, ang tanan nilang mga pana gibingat, ang mga kuko sa ilang mga kabayo sama sa santik, ug ang ilang mga ligid sama sa alimpulos.

Jeremias 46:9

Dagan, mga kabayo ug haguros kamo, mga karwahi! Paasdanga ang mga manggugubat: ang mga tawo sa Etiopia ug sa Put nga nagkupot sa taming, ang mga tawo sa Lud nga batid sa paggamit ug pana.

Jeremias 50:42

Sila mogunit sa pana ug sa bangkaw; sila bangis, ug walay kaluoy. Ang ilang kagahob sama sa dinahunog sa dagat; sila magsakay sa mga kabayo, maglaray sama sa usa ka tawo alang sa gubat, batok kanimo, O anak nga babaye sa Babilonia!

Jeremias 8:16

“Ang pangusmo sa ilang mga kabayo nadungog gikan sa Dan, sa pagbahihi sa ilang mga kabayo ang tibuok yuta mikurog. Sila miabot ug milamoy sa yuta ug sa tanan nga anaa niini, ang siyudad ug kadtong nagpuyo sa sulod niini.

Ezequiel 23:24

Ug sila manganhi batok kanimo gikan sa amihanan uban ang mga karwahi ug mga karomata, ug usa ka panon sa mga katawhan. Sila magpahiluna sa ilang kaugalingon batok kanimo sa tanang dapit uban ang sagang ug taming ug helmet ug akong itugyan ang paghukom ngadto kanila ug sila maghukom kanimo sumala sa ilang mga paghukom.

Nahum 2:4

Ang mga karwahi misutoy sa kadalanan, sila nanagan ngadto-nganhi sa lapad nga mga dalan; nagpangidlap sila sama sa mga sulo, mikilab sama sa kilat.

Nahum 2:8

Ang Ninibe sama sa usa ka linaw nga ang mga tubig mibuhagay. “Hunong! Hunong!” sila naninggit; apan walay usa nga milingi.

Gipadayag 9:9

Sila may mga taming sa dughan nga daw mga taming sa dughan nga puthaw, ug ang hinaguros sa ilang mga pako daw kagahob sa daghang mga karwahi ug mga kabayo nga nagdagan padulong sa panggubatan.

Mga Maghuhukom 5:22

“Unya nagpanghagtok ang mga kuko sa kabayo sa hilabihang pagdagan sa iyang mga kabayo.