Jeremias 47:2

Ang Biblia 2011

“Mao kini ang giingon sa Ginoo: Tan-awa, ang katubigan mitubo gikan sa amihanan, ug mahimong usa ka sapa nga mag-awas; kini moawas sa yuta ug sa tanan nga anaa niini, sa siyudad ug sa nagpuyo niini. Ang mga tawo maninggit, ug ang tanang nagpuyo sa yuta magminatay.

Cross References

Salmo 24:1

Iya sa Ginoo ang yuta ug ang tanan nga anaa niini, ang kalibotan ug ang mga nagpuyo niini;

Salmo 50:12

“Kon ako gutomon, dili ako mosulti kanimo, kay ang kalibotan akoa ug ang tanan nga anaa niini.

Salmo 96:11

Palipaya ang kalangitan, ug pamayaa ang yuta; padahunoga ang dagat, ug ang tanan nga nakapuno niini;

Salmo 98:7

Padaguoka ang dagat ug ang tanan nga anaa niini; ang kalibotan ug ang mga nagpuyo niini!

Isaias 14:31

Pagminatay, O ganghaan; hilak, O siyudad; katunaw sa kahadlok, O Filistia, kamong tanan! Kay ang aso mogula gikan sa amihanan, ug walay bisan usa nga mahibilin diha sa iyang mga laray.”

Isaias 15:8

Kay ang pagtuaw moabot nga maglibot sa yuta sa Moab; ang pagminatay moabot hangtod sa Eglaim, ang pagminatay moabot hangtod sa Beer-elim.

Isaias 22:1

Ang mensahe mahitungod sa walog sa panan-awon. Unsay buot nimong ipasabot nga misaka man ikaw sa ibabaw sa atop sa balay,

Isaias 28:17

Ug ang hustisya himoon nako nga latid, ug ang pagkamatarong mao ang tunton; ug ang unos nga yelo molaglag sa dalangpanan sa kabakakan, ug ang katubigan mosanap sa dapit nga tagoanan.”

Isaias 59:19

Tungod niini sila mahadlok sa ngalan sa Ginoo gikan sa kasadpan, ug sa iyang himaya gikan sa sidlakan; kay siya moanhi sama sa magbaha nga suba, nga gihuyop sa hangin sa Ginoo.

Jeremias 1:14

Unya ang Ginoo miingon kanako, “Gikan sa amihanan ang daotan mogula ibabaw sa tanang mga nagpuyo sa yuta.

Jeremias 46:12

Ang mga nasod nakadungog sa imong kaulawan, ug ang yuta napuno sa imong paghilak kay ang mangggugubat napandol batok sa manggugubat, silang duha nangapukan.”

Jeremias 46:13

Ang pulong nga gisulti sa Ginoo kang Jeremias nga propeta, mahitungod sa pag-abot ni Nabucodonosor nga hari sa Babilonia aron sa pagsulong sa yuta sa Ehipto:

Jeremias 46:20

“Ang Ehipto usa ka matahom nga baka apan ang usa ka lala nga langaw miabot kaniya.

Jeremias 46:24

Ang anak nga babaye sa Ehipto pakaulawan; siya itugyan ngadto sa kamot sa katawhan gikan sa amihanan.”

Jeremias 48:39

Naunsa nga nadugmok man kini! Naunsa nga nagminatay man sila! Ang Moab mitalikod uban sa kaulaw! Busa ang Moab nahimong usa ka yubitonon ug usa ka kalisangan ngadto sa tanan nga naglibot kaniya.”

Jeremias 6:22

Mao kini ang giingon sa Ginoo: “Tan-awa, usa ka katawhan moabot gikan sa yuta sa amihanan, ang usa ka dakong nasod nangandam sa pagsulong gikan sa mga kinatumyang dapit sa yuta.

Jeremias 8:16

“Ang pangusmo sa ilang mga kabayo nadungog gikan sa Dan, sa pagbahihi sa ilang mga kabayo ang tibuok yuta mikurog. Sila miabot ug milamoy sa yuta ug sa tanan nga anaa niini, ang siyudad ug kadtong nagpuyo sa sulod niini.

Daniel 11:22

Ang kasundalohan mangahanaw sa iyang atubangan ug mabungkag ug ang pangulo sa kasabotan usab.

Nahum 1:8

Apan uban sa dakong bul-og sa baha iyang puohon ang iyang mga kaaway, ug gukdon niya ang iyang mga kaaway ngadto sa kangitngit.

1 Mga Taga-Corinto 10:26

Kay “ang yuta iya sa Ginoo ug ang tanang butang nga anaa niini.”

1 Mga Taga-Corinto 10:28

Apan kon adunay moingon kaninyo, “Kini gihalad ngadto sa diosdios,” ayaw kamo pagkaon niini agig pagtahod sa tawo nga nagpahibalo kaninyo, ug tungod sa tanlag;

Santiago 5:1

Kamong, mga dato, panghilak ug paniyabaw kamo tungod sa mga kalisdanan nga taliabot kaninyo.

Gipadayag 17:1

Unya ang usa sa pito ka anghel nga may pito ka mga panaksan miabot ug miingon kanako, “Dali ngari, ipakita ko kanimo ang hukom batok sa bantogan nga daotang babaye nga naglingkod sa ibabaw sa daghang katubigan,

Gipadayag 17:15

Ug siya miingon kanako, “Ang katubigan nga imong nakita, diin naglingkod ang daotang babaye, mao mga tawo ug mga panon ug ang mga kanasoran ug mga pinulongan.