Jeremias 46:6

Ang Biblia 2011

Ang tulin dili makadangan o ang manggugubat makaikyas; Sila nangapandol ug nangapukan didto sa amihanan daplin sa suba sa Eufrates.

Cross References

Daniel 11:19

Unya siya moatubang pagbalik ngadto sa mga kuta sa iyang kaugalingong yuta apan mapandol siya ug mapukan ug dili na makit-an.

Jeremias 46:12

Ang mga nasod nakadungog sa imong kaulawan, ug ang yuta napuno sa imong paghilak kay ang mangggugubat napandol batok sa manggugubat, silang duha nangapukan.”

Jeremias 50:32

Ang mapagarbohon mapandol ug mapukan, nga walay magbangon kaniya; ug maghaling ako ug kalayo sa iyang mga siyudad, ug kini maglamoy sa tanan nga naglibot kaniya.

Jeremias 46:16

Ang imong dkaong panon napandol ug sila miingon sa usa ug usa, ‘Tindog, ug mobalik kita sa ngadto sa atong kaugalingon katawhan, ug ngadto sa yuta natong natawohan, tungod sa espada sa naglupig kanato!’

Jeremias 46:10

Kanang adlawa mao ang adlaw sa Ginoong Dios sa mga panon, ang adlaw sa pagpanimalos, sa pagpanimalos niya sa iyang mga kaaway. Ang espada molamoy ug mabusog, ug moinom hangtod sa iyang pagkahubog sa ilang dugo kay ang Ginoong Dios sa mga panon adunay paghalad sa yuta sa amihanan daplin sa suba sa Eufrates.

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 20:11

Apan ang Ginoo nag-uban kanako sama sa usa ka kahadlokan nga manggugubat; busa ang mga naglutos kanako mapandol, dili sila makabuntog kanako. Sila maulawan pag-ayo, kay sila dili molampos. Ang ilang dayon nga kaulawan dili gayod makalimtan.

Jeremias 6:1

Pangagiw kamo aron maluwas, O katawhan ni Benjamin, gikan sa kinataliwad-an sa Jerusalem! Patingoga ang trumpeta didto sa Tekoa, ug pag-isa ug ilhanan diha sa Bet-hakerem, kay ang daotan mitunga gikan sa amihanan, ug ang usa ka dakong pagkalaglag.

Jeremias 4:6

Pag-isa ug bandila paatubang sa Zion, palayo aron maluwas, ayaw pagpabilin, kay gikan sa amihanan magpadala ako ug kadaotan ug usa ka dakong kalaglagan.

Jeremias 1:14

Unya ang Ginoo miingon kanako, “Gikan sa amihanan ang daotan mogula ibabaw sa tanang mga nagpuyo sa yuta.

Isaias 8:15

Ug daghan kanila ang mapandol niini, matumba ug mapukan, malit-ag ug madakpan.”

Ecclesiastes 9:11

Nakita usab nako ilalom sa adlaw nga ang lumba dili alang sa tulin, o ang gubat alang sa baskog, o ang pan alang sa maalamon, o ang mga bahandi alang ngadto sa may pagpanabot, o ang kahimuot alang sa mga tawo nga batid; apan ang panahon ug higayon nahitabo kanilang tanan.

Salmo 27:2

Sa diha nga nagtigom batok kanako ang mga tigbuhat ug daotan, nagsulti ug mga pagpasipala batok kanako, ang akong mga kabatok ug mga kaaway, sila mangapandol ug mangapukan.

Daniel 11:22

Ang kasundalohan mangahanaw sa iyang atubangan ug mabungkag ug ang pangulo sa kasabotan usab.

2 Mga Hari 23:29

Sa iyang mga adlaw, ang Paraon nga si Neco nga hari sa Ehipto misulong sa hari sa Asiria ngadto sa suba sa Eufrates. Si Hari Josias misugat kaniya ug ang Paraon nga si Neco mipatay kaniya didto sa Megido sa iyang pagkakita kaniya.

2 Mga Hari 24:7

Ug ang hari sa Ehipto wala na gayod mosulong pag-usab sa iyang yuta kay nailog na man sa hari sa Babilonia ang tanan nga iya sa hari sa Ehipto gikan sa sapa sa Ehipto hangtod sa suba sa Eufrates.