Jeremias 46:2

Ang Biblia 2011

Mahitungod sa Ehipto, mahitungod sa kasundalohan sa Paraon Neco nga hari sa Ehipto, nga diha sa daplin sa suba nga Eufrates sa Carkemis, nga gibuntog ni Nabucodonosor nga hari sa Babilonia sa ikaupat nga tuig ni Joakim nga anak ni Josias, nga hari sa Juda:

Cross References

2 Mga Hari 18:21

Tan-awa, ikaw nagsalig karon sa Ehipto nga daw usa ka buak nga sungkod nga moduslak sa kamot ni bisan kinsa nga mosandig niini. Mao kana ang Paraon nga hari sa Ehipto ngadto sa tanan nga mosalig kaniya.

2 Mga Hari 23:29

Sa iyang mga adlaw, ang Paraon nga si Neco nga hari sa Ehipto misulong sa hari sa Asiria ngadto sa suba sa Eufrates. Si Hari Josias misugat kaniya ug ang Paraon nga si Neco mipatay kaniya didto sa Megido sa iyang pagkakita kaniya.

2 Mga Hari 23:33

Ug gipabilanggo siya sa Paraon nga si Neco didto sa Ribla sa yuta sa Hamat, aron dili siya makahari sa Jerusalem, ug gipabuhis niya ang katawhan ug usa ka gatos ka talanton nga plata ug usa ka talanton nga bulawan.

2 Mga Hari 24:7

Ug ang hari sa Ehipto wala na gayod mosulong pag-usab sa iyang yuta kay nailog na man sa hari sa Babilonia ang tanan nga iya sa hari sa Ehipto gikan sa sapa sa Ehipto hangtod sa suba sa Eufrates.

Isaias 10:9

Dili ba ang Calno sama sa Carkemis? Dili ba ang Hamat sama sa Arpad? Dili ba ang Samaria sama sa Damasco?

Isaias 19:1

Ang mensahe mahitungod sa Ehipto. Tan-awa, ang Ginoo nagsakay sa usa ka tulin nga panganod ug moadto sa Ehipto; ug ang mga diosdios sa Ehipto mangurog sa iyang atubangan, ug ang kasingkasing sa mga Ehiptohanon matunaw sa sulod nila.

Isaias 19:19

Nianang adlawa may halaran alang sa Ginoo sa taliwala sa yuta sa Ehipto ug usa ka haligi sa Ginoo didto sa utlanan niini.

Jeremias 25:1

Ang pulong nga midangat kang Jeremias mahitungod sa tibuok katawhan sa Juda, sa ikaupat nga tuig ni Jehoiakim nga anak ni Josias, ang hari sa Juda (kadto mao ang unang tuig ni Nabucodonosor nga hari sa Babilonia),

Jeremias 25:19

ang Paraon nga hari sa Ehipto, ang iyang mga alagad, ang iyang mga pangulo, ang tanan niyang katawhan,

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 36:1

Sa ikaupat nga tuig ni Jehoiakim nga anak ni Josias, hari sa Juda, kining pulonga midangat kang Jeremias gikan sa Ginoo:

Jeremias 43:11

Siya moanhi ug maghampak sa yuta sa Ehipto, maghatag ngadto sa kamatay niadtong alang sa kamatay, ngadto sa pagkabihag niadtong alang sa pagkabihag ug ngadto sa espada niadtong alang sa espada.

Jeremias 45:1

Ang pulong nga gisulti ni Jeremias nga propeta ngadto kang Baruk nga anak ni Nerias, sa pagsulat niya niining mga pulonga diha sa usa ka basahon sumala sa gisulti ni Jeremias, sa ikaupat nga tuig ni Jehoiakim nga anak ni Josias nga hari sa Juda,

Jeremias 46:14

“Ipahayag didto sa Ehipto, ug ipahibalo didto sa Migdol, ipahibalo sa Memphis ug sa didto Tapanhes. Ingna, ‘Tindog ug pag-andam kay ang espada molamoy nga maglibot kaninyo.’