Jeremias 44:3

Ang Biblia 2011

tungod sa pagkadaotan nga ilang nahimo sa paghagit kanako sa pagkasuko, nga sila miadto sa pagsunog ug insenso, ug sa pag-alagad sa laing mga dios nga wala nila mailhi, bisan gani nila o ninyo, o sa inyong mga katigulangan.

Cross References

Nehemias 9:33

Apan ikaw matarong diha sa tanan nga midangat kanamo kay ikaw nagmaminatud-anon man apan kami nagbuhat ug daotan.

Isaias 3:8

Kay ang Jerusalem nalumpag na, ug ang Juda napukan na; kay ang ilang pagpamulong ug ang ilang mga buhat batok sa Ginoo, naghagit sa iyang mahimayaong presensiya.

Jeremias 11:17

Ang Ginoo sa mga panon nga nagtanom kanimo, nagbungat ug daotan batok kanimo, tungod sa kadaotan nga nahimo sa banay ni Israel ug sa banay ni Juda, naghagit kanako sa pagkasuko pinaagi sa pagsunog ug insenso alang kang Baal.”

Jeremias 16:10

“Ug sa diha nga sultihan nimo kining katawhan niining tanan nga mga pulong, ug sila moingon kanimo, ‘Ngano man nga ang Ginoo nagpadayag niining tanan nga dagkong kadaot batok kanamo? Unsay among kalapasan? Unsay among sala nga nahimo batok sa Ginoo nga among Dios?’

Jeremias 22:9

Unya sila motubag, “Tungod kay sila misalikway sa kasabotan sa Ginoo nga ilang Dios ug nagsimba sa laing mga dios ug nag-alagad kanila.” ’ ”

Jeremias 29:19

tungod kay sila wala magtagad sa akong mga pulong, nag-ingon ang Ginoo, nga sa makanunayon gipadala nako ngadto kanila pinaagi sa akong mga alagad nga mga propeta, apan wala kamo mamati, nag-ingon ang Ginoo.

Jeremias 32:30

Kay ang mga anak sa Israel ug ang mga anak sa Juda walay laing gibuhat kondili daotan sa akong panan-aw sukad sa ilang pagkabatan-on. Ang mga anak sa Israel walay laing nahimo kondili ang paghagit kanako sa pagkasuko pinaagi sa buhat sa ilang mga kamot, nag-ingon ang Ginoo.

Jeremias 44:23

Kini tungod kay nagsunog kamo ug insenso, ug tungod kay nakasala kamo batok sa Ginoo, ug wala motuman sa tingog sa Ginoo, o maglakaw subay sa iyang balaod ug sa iyang mga lagda ug sa iyang mga pagpamatuod, nga kining kadaotan nahitabo kaninyo sama sa nahitabo niining adlawa.”

Jeremias 44:8

Ngano nga gihagit ninyo ako sa pagkasuko pinaagi sa mga buhat sa inyong mga kamot, sa pagsunog ug insenso ngadto sa laing mga dios didto sa yuta sa Ehipto diin miadto kamo aron sa pagpuyo aron ba kamo mahimulag ug mahimong usa ka tunglo ug usa ka pagtamay sa taliwala sa tanang mga nasod sa yuta?

Jeremias 5:19

Ug sa diha nga ang inyong katawhan moingon, ‘Ngano nga nabuhat man sa Ginoo nga atong Dios kining mga butanga nganhi kanato?’ ikaw moingon kanila, ‘Ingon nga kamo mibiya kanako ug nag-alagad sa laing mga dios diha sa inyong yuta, kinahanglang mag-alagad usab kamo sa mga langyaw diha sa yuta nga dili inyo.’ ”

Jeremias 5:29

Dili ba nako sila silotan tungod niining mga butanga? nag-ingon ang Ginoo, ug dili ba nako ipanimalos ang akong kaugalingon nganha sa usa ka nasod nga sama niini?”

Jeremias 7:19

Ako ba ang ilang gihagit sa pagkasuko? nag-ingon ang Ginoo. Dili ba ang ilang kaugalingon, ngadto sa ilang kaugalingong kalibog?

Mga Pagbangotan 1:8

Ang Jerusalem nakasala ug dako busa siya nahimong talamayon; ang tanan nga nagpasidungog kaniya nagbiaybiay kaniya, kay nakita nila ang iyang pagkahubo; Oo, siya nag-agulo, ug gilingiw ang iyang nawong.

Mga Pagbangotan 4:13

Kini tungod sa mga sala sa iyang mga propeta ug sa mga kalapasan sa iyang mga pari, nga nagpaagas sa dugo sa mga matarong diha sa iyang taliwala.

Ezequiel 9:9

Unya siya miingon kanako, “Ang kasal-anan sa balay sa Israel ug sa Juda hilabihan ka dako, ug ang yuta napuno sa dugo, ug ang siyudad napuno sa pagtuis sa hustisya kay sila nag-ingon man, ‘Ang Ginoo mibiya sa yuta, ug ang Ginoo dili makakita.’

Daniel 9:5

kami nakasala ug nakahimo ug sayop ug nagbuhat ug daotan ug misukol, mitalikod sa imong mga sugo ug sa imong mga tulumanon.

Deuteronomio 13:6

“Kon ang imong igsoong lalaki nga anak sa imong inahan o ang imong anak nga lalaki, o ang imong anak nga babaye, o ang asawa nga imong gihigugma o ang imong higala nga sama sa imong kaugalingon, nagdani kanimo sa tago nga mag-ingon, ‘Mangadto kita ug mag-alagad sa lain nga mga dios’ nga wala mailhi nimo ug sa imong katigulangan,

Deuteronomio 29:25

Unya motubag ang mga tawo, ‘Kini tungod kay gibiyaan nila ang kasabotan sa Ginoo, ang Dios sa ilang katigulangan, nga gibuhat niya uban kanila sa dihang gikuha niya sila gikan sa yuta sa Ehipto.

Deuteronomio 29:26

Ug nangadto sila ug nag-alagad sa lain nga mga dios ug nagsimba kanila, mga dios nga wala nila mailhi ug nga wala niya ihatag kanila.

Deuteronomio 32:17

Sila naghalad ngadto sa mga demonyo nga dili mga dios, sa mga dios nga wala nila mailhi, sa mga bag-ong dios nga ulahing miabot nga wala kahadloki sa inyong katigulangan.

Mga Hebreo 3:16

Kinsa ba kadtong nakadungog apan misupil batok kaniya? Dili ba ang tanang migawas gikan sa Ehipto pinaagi kang Moises?