Jeremias 44:2

Ang Biblia 2011

“Mao kini ang giingon sa Ginoo sa mga panon, ang Dios sa Israel: Nakakita kamo sa tanang kadaotan nga akong gipadala ngadto sa Jerusalem ug ngadto sa tanang mga siyudad sa Juda. Tan-awa, niining adlawa sila mangahimo nga biniyaan, ug walay tawo nga magpuyo didto

Cross References

2 Mga Hari 21:13

Ug ipaabot nako sa ibabaw sa Jerusalem ang sukod nga gigamit batok sa Samaria, ug ang tunton sa balay ni Ahab, ug hinloan nako ang Jerusalem sama sa usa ka tawo nga maghinlo sa usa ka pinggan, maghinlo niini ug kulbon kini.

Exodo 19:4

Kamo nakakita sa akong gibuhat sa mga Ehiptohanon ug kon giunsa kamo nako pagdala diha sa mga pako sa mga agila ug gidala nganhi kanako.

Isaias 24:12

Ang nahibilin sa siyudad mao ang pagkabiniyaan, ang mga ganghaan gihampak ngadto sa kalaglagan.

Isaias 6:11

Unya miingon ako, “Hangtod kanus-a O Ginoo?” Ug siya miingon, “Hangtod nga ang mga siyudad mahimong kamingawan ug walay magpuyo, ug ang mga kabalayan walay tawo, ug ang yuta mahimong biniyaan sa hingpit,

Jeremias 25:11

Kining tibuok nga yuta mahimo nga ginuba ug biniyaan, ug kining mga nasora mag-alagad sa hari sa Babilonia sulod sa 70 ka tuig.

Jeremias 34:22

Ako magsugo, nag-ingon ang Ginoo, ug dad-on nako sila pagbalik niining siyudara, ug sila makig-away batok niini ug magkuha niini ug magsunog niini sa kalayo. Ang mga siyudad sa Juda himoon nako nga mingaw, walay magpuyo.”

Jeremias 4:7

Usa ka liyon migawas gikan sa iyang tagoanan, usa ka tiglaglag sa kanasoran nangandam na; siya migula gikan sa iyang dapit aron sa paglaglag sa imong yuta; ang imong mga siyudad mangagun-ob ug wala nay magpuyo.

Jeremias 44:22

Ang Ginoo wala na makaantos sa inyong mga daotan buhat ug sa mga dulumtanan nga inyong nahimo, busa ang inyong yuta nahimong biniyaan, ug awaaw ug usa ka tunglo walay nagpuyo, ingon niining adlawa.

Jeremias 44:23

Kini tungod kay nagsunog kamo ug insenso, ug tungod kay nakasala kamo batok sa Ginoo, ug wala motuman sa tingog sa Ginoo, o maglakaw subay sa iyang balaod ug sa iyang mga lagda ug sa iyang mga pagpamatuod, nga kining kadaotan nahitabo kaninyo sama sa nahitabo niining adlawa.”

Jeremias 7:34

Unya akong pahilomon gikan sa mga siyudad sa Juda ug sa kadalanan sa Jerusalem ang tingog sa hudyaka ug ang tingog sa kalipay, ang tingog sa pamanhonon ug ang tingog sa pangasaw-onon kay ang yuta mahimong usa ka awaaw.

Jeremias 8:3

Ang kamatayon maoy palabihon kay sa kinabuhi sa tanang mga salin nga nahibilin niining daotang panimalay sa tanang mga dapit diin didto giabog nako sila, nag-ingon ang Ginoo sa mga panon.

Jeremias 9:11

Himoon nako ang Jerusalem nga usa ka tinapok sa nangatumpag, usa ka puluy-anan sa mga irong ihalas; ug buhaton nako ang mga siyudad sa Juda nga biniyaan, wala nay magpuyo.”

Mga Pagbangotan 1:1

Pagkamingaw sa siyudad nga kaniadto puno sa mga tawo! Nahimo siya nga sama sa usa ka biyuda, siya nga kaniadto bantogan taliwala sa mga kanasoran! Siya nga kaniadto usa ka prinsesa taliwala sa mga lalawigan nahimo nga usa ka sakop.

Mga Pagbangotan 1:16

“Tungod niining mga butanga ako naghilak; ang akong mga mata nagpaagas sa mga luha; kay ang tighupay layo kanako, siya nga magpahiuli sa akong kadasig; ang akong mga anak nangahimong biniyaan, tungod kay ang kaaway midaog man.”

Mga Pagbangotan 5:18

tungod sa Bukid sa Zion nga namingaw; ang ihalas nga mga iro nagsuroysuroy diha niini.

Daniel 9:12

Siya nagpamatuod sa iyang mga pulong nga gisulti niya batok kanamo, ug batok sa among mga pangulo nga nagmando kanamo, pinaagi sa pagpadala kanamo ug dakong katalagman kay ilalom sa tibuok nga langit wala pay nabuhat nga sama sa nabuhat batok sa Jerusalem.

Levitico 26:31

Ang inyong mga lungsod himoon nako nga kamingawan ug gub-on nako ang inyong mga balaang dapit ug dili nako panimahoon ang kahumot sa inyong humot nga halad.

Levitico 26:43

Apan ang yuta mabiyaan nila ug mapahimuslan ang iyang mga tuig nga igpapahulay samtang kini magpabilin nga biniyaan nga wala sila ug magbayad sila tungod sa ilang kasal-anan kay ilang gisalikway ang akong mga tulumanon ug ang ilang kalag nagdumot sa akong mga lagda.

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Zacarias 1:6

Apan ang akong mga pulong ug ang akong mga lagda nga akong gisugo sa akong mga alagad nga mga propeta, wala ba kini makaabot sa inyong katigulangan? Busa sila naghinulsol ug miingon, ‘Ingon nga ang Ginoo sa mga panon naghunahuna sa pagbuhat nganhi kanato sumala sa atong mga batasan ug sumala sa atong mga binuhatan, mao kini ang gibuhat niya kanato.’ ”

Deuteronomio 29:2

Ug gipatawag ni Moises ang tibuok Israel ug giingnan sila, “Kamo nakakita sa tanan nga gibuhat sa Ginoo sa atubangan sa inyong mga mata didto sa yuta sa Ehipto, ngadto sa Paraon ug sa tanan niyang mga ulipon ug sa tibuok niya nga yuta,

Josue 23:3

Nakita ninyo ang tanan nga gihimo sa Ginoo nga inyong Dios niining tanang mga nasod tungod kaninyo kay ang Ginoo nga inyong Dios mao ang nakig-away alang kaninyo.