Jeremias 44:12

Ang Biblia 2011

Ug kuhaon nako ang nahibilin sa Juda nga mihukom sa pag-adto sa yuta sa Ehipto aron sa pagpuyo didto, ug silang tanan mangahurot, ug mangapukan sila didto sa yuta sa Ehipto; pinaagi sa espada ug sa gutom sila mangahurot. Gikan sa labing ubos ngadto sa labing dako sila mangamatay, pinaagi sa espada ug sa gutom ug sila mangahimong mga dulumtanan, kalisangan, tunglo ug talamayon.

Cross References

Isaias 1:28

Apan dunganon paglaglag ang mga masupilon ug mga makasasala, ug kadtong nagsalikway sa Ginoo ut-oton.

Isaias 65:15

Ibilin ninyo ang inyong ngalan ngadto sa akong mga pinili alang sa usa ka tunglo ug ang Ginoong Dios mopatay kaninyo, apan tawgon niya ang iyang mga sulugoon sa lain nga ngalan.

Jeremias 16:4

Sila mangamatay sa mga sakit nga makamatay. Dili sila hilakan o ilubong, sila mahimong sama sa kinalibang sa ibabaw sa yuta. Sila mangamatay pinaagi sa espada ug sa gutom ug ang ilang mga patayng lawas mahimong pagkaon alang sa mga langgam sa kalangitan, ug alang sa mga mananap sa yuta.

Jeremias 18:16

naghimo sa ilang yuta nga kalisangan, usa ka butang nga talamayon hangtod sa kahangtoran. Ang matag usa nga moagi niini malisang ug maglingolingo sa iyang ulo.

Jeremias 24:9

Himoon nako sila nga kalisangan ngadto sa tanang mga gingharian sa yuta aron mahimo nga usa ka talamayon, usa ka sanglitanan, usa ka biaybiay ug usa ka tunglo didto sa tanang mga dapit diin hinginlan nako sila.

Jeremias 26:6

himoon nako kining balaya nga sama sa Silo, ug himoon nako kining siyudara nga tinunglo sa tanang mga nasod sa yuta.’ ”

Jeremias 29:18

Gukdon nako sila pinaagi sa espada, sa gutom ug sa kamatay, ug himoon nga kalisangan sa tanang mga gingharian sa yuta aron mahimong tunglo, usa ka kahadlokan, usa ka talamayon ug usa ka kaulawan sa taliwala sa tanang mga nasod diin didto giabog nako sila,

Jeremias 29:22

Tungod kanila kining tunglo gamiton sa tanang mga binihag sa Juda nga atua sa Babilonia, ‘Ang Ginoo maghimo kanimo nga sama kang Zedekias ug kang Ahab nga giasal diha sa kalayo sa hari sa Babilonia,’

Jeremias 42:1

Unya ang tanang pangulo sa kasundalohan ug si Johanan nga anak ni Karea ug si Asarias nga anak ni Hosaias, ug ang tibuok katawhan gikan sa labing ubos ngadto sa labing dako kanila, miduol

Jeremias 42:22

Busa karon hibaloi gayod nga kamo mangamatay sa espada, sa gutom ug sa kamatay, sa dapit nga buot ninyong adtoan aron puy-an.”

Jeremias 43:11

Siya moanhi ug maghampak sa yuta sa Ehipto, maghatag ngadto sa kamatay niadtong alang sa kamatay, ngadto sa pagkabihag niadtong alang sa pagkabihag ug ngadto sa espada niadtong alang sa espada.

Jeremias 44:22

Ang Ginoo wala na makaantos sa inyong mga daotan buhat ug sa mga dulumtanan nga inyong nahimo, busa ang inyong yuta nahimong biniyaan, ug awaaw ug usa ka tunglo walay nagpuyo, ingon niining adlawa.

Oseas 4:6

Ang akong katawhan nangalaglag tungod sa kakulang sa kahibalo, tungod kay imong gisalikway ang kahibalo, gisalikway ko ikaw gikan sa pagkapari nganhi kanako. Ug kay imong gikalimtan ang balaod sa imong Dios, kalimtan usab nako ang imong mga anak.

Oseas 9:6

Kay bisan ug sila makaikyas sa kalaglagan, ang Ehipto magtigom kanila, ang Memfis maoy maglubong kanila. Ang mga sampinit maoy manag-iya sa mga bililhon nilang mga butang nga plata, ang mga tunok maanaa sa ilang mga tolda.

Zacarias 8:13

Ug ingon nga nahimo kamong sanglitanan sa pagtunglo sa mga nasod, O balay sa Juda ug balay sa Israel, luwason usab nako kamo, ug kamo mahimong panalangin. Ayaw kamo kahadlok, hinuon lig-ona ang inyong mga kamot.”

Numeros 5:27

Sa diha nga napainom na sa pari ug tubig ang babaye, unya kon ang babaye naghugaw sa iyang kaugalingon ug nagluib sa iyang bana, ang tubig nga nagdala ug tunglo mosulod kaniya ug maghatag ug pait nga kasakit ug ang iyang lawas mohupong ug moun-on ang iyang taguangkan ug ang babaye mahimong usa ka tinunglo taliwala sa iyang katawhan.