Jeremias 43:4

Ang Biblia 2011

Busa si Johanan nga anak ni Karea ug ang tanang mga tigmando sa kasundalohan, ug ang tibuok nga katawhan, wala motuman sa tingog sa Ginoo, sa pagpabilin didto sa yuta sa Juda.

Cross References

2 Mga Hari 25:26

Unya ang tibuok katawhan, gagmay ug dagko, ug ang mga pangulo sa kasundalohan nangikyas ug miadto sa Ehipto kay sila nangahadlok sa mga Caldeanhon.

2 Cronicas 25:16

Apan samtang nagsulti pa siya, ang hari miingon kaniya, “Naghimo ba kami kanimo nga magtatambag sa hari? Hunong! Ngano bang kinahanglang patyon ikaw?” Busa ang propeta mihunong ug miingon, “Ako nahibalo nga ang Dios nagtakda sa paglaglag kanimo tungod kay ikaw nagbuhat niini ug wala mamati sa akong tambag.”

Salmo 37:3

Salig sa Ginoo, ug buhata ang maayo; aron magpuyo ikaw sa yuta ug mahilayo sa kadaotan.

Ecclesiastes 9:16

Unya miingon ako nga ang kaalam maayo pa kay sa kusog, bisan ug ang kaalam sa tawong kabos gitamay ug ang iyang mga pulong wala patalinghogi.

Jeremias 41:16

Unya si Johanan nga anak ni Karea ug ang tanang mga pangulo sa mga sundalo nga uban kaniya midala sa tanang nahibilin sa mga tawo nga nabihag ni Ismael nga anak ni Netanias gikan sa Mispa human niya patya si Gedalias nga anak ni Ahikam—mga sundalo, mga babaye, mga bata ug ang mga yunoko, nga gidala ni Johanan pagbalik gikan sa Gibeon.

Jeremias 42:21

Ug niining adlawa gisulti nako kini kaninyo apan wala kamo motuman sa tingog sa Ginoo nga inyong Dios sa bisan unsang butang nga tungod niana ako iyang gipadala aron sa pagsulti kaninyo.

Jeremias 42:8

Unya gitawag niya si Johanan nga anak ni Karea ug ang tanang mga pangulo sa kasundalohan nga uban kaniya ug ang tibuok nga katawhan gikan sa labing ubos ngadto sa labing dako,

Jeremias 44:5

Apan wala sila mamati o magpakiling sa ilang dalunggan aron sa pagtalikod gikan sa ilang pagkadaotan ug dili magsunog ug insenso ngadto sa laing mga dios.