Jeremias 43:2

Ang Biblia 2011

si Asarias nga anak ni Hosaias ug si Johanan nga anak ni Karea, ug ang tanan nga mga mapahitas-ong tawo, miingon kang Jeremias, “Bakak ang imong gisulti. Ang Ginoo nga among Dios wala magpadala kanimo sa pag-ingon, ‘Ayaw kamo pag-adto sa Ehipto aron sa pagpuyo didto.’

Cross References

Genesis 19:14

Unya migula si Lot ug misulti sa iyang mga umagaron nga buot mangasawa sa iyang mga anak nga babaye ug siya miingon kanila, “Panindog kamo, pahawa kamo niining dapita kay hapit na gayod laglagon sa Ginoo kining siyudara.” Apan nagtuo ang iyang mga umagaron nga siya nagtiaw lamang kanila.

2 Cronicas 36:13

Siya misukol usab batok kang Hari Nabucodonosor nga nagpapanumpa kaniya pinaagi sa Dios; gipatikig niya ang iyang liog ug gipagahi ang iyang kasingkasing batok sa pagbalik ngadto sa Ginoo, ang Dios sa Israel.

Salmo 119:21

Gibadlong nimo ang mga mapahitas-on, ang mga tinunglo nga nangasaag gikan sa imong kasugoan;

Salmo 12:3

Putlon unta sa Ginoo ang tanang mga ngabil nga nag-ulog-ulog, ang dila nga nagsulti ug mga dagkong pagpangandak,

Salmo 123:4

Dugay na kaayo nga ang among kalag napuno na sa mga pagyubit niadtong anaa sa kasayon, sa pagtamay sa mga mapahitas-on.

Exodo 5:2

Apan ang Paraon mitubag, “Kinsa ba si Yahweh nga kinahanglang mamati ako sa iyang tingog ug magtugot sa pagpalakaw sa Israel? Wala ako makaila kang Yahweh, dili usab ako motugot sa pagpalakaw sa Israel.”

Exodo 9:17

Nagpataas pa gihapon ikaw sa imong kaugalingon batok sa akong katawhan ug dili nimo sila tugotan sa paglakaw.

Mga Panultihon 16:5

Ang matag usa nga mapahitas-on dulumtanon sa Ginoo; dili gayod mahimo nga dili siya silotan.

Mga Panultihon 30:9

kay tingali unya ug ako mabusog, ug maglimod kanimo, ug mag-ingon, “Kinsa ba ang Ginoo?” o tingali unya ug mahimo akong kabos ug mangawat, ug magpasipala sa ngalan sa akong Dios.

Mga Panultihon 6:17

mapahitas-ong mga mata, bakakon nga dila, ug mga kamot nga nag-ula ug dugo nga walay sala,

Mga Panultihon 8:13

Ang pagkahadlok sa Ginoo maoy pagdumot sa daotan. Ang garbo ug ang pagkamapahitas-on ug ang daotan nga pamaagi ug ang daotan nga mga pulong akong gidumtan.

Isaias 7:9

Ang ulo sa Efraim mao ang Samaria, ug ang ulo sa Samaria mao ang anak ni Remalias. Kon kamo dili motuo, kamo dili gayod mobarog.’ ”

Isaias 9:8

Ang Ginoo nagpadala ug usa ka pulong batok kang Jacob, ug kini miabot sa Israel;

Jeremias 13:15

Pamati kamo, ug pagpatalinghog; ayaw pagpagarbo kay ang Ginoo misulti.

Jeremias 18:18

Unya sila miingon, “Dali kamo, maglaraw kita batok kang Jeremias kay ang balaod dili mawagtang gikan sa pari, o ang mga tambag gikan sa mga maalamon, o ang pulong gikan sa propeta. Dali kamo, asdangon nato siya pinaagi sa dila, ug dili nato pamation ang bisan unsa sa iyang mga pulong.”

Jeremias 40:8

sila miadto kang Gedalias didto sa Mispa—si Ismael nga anak ni Netanias, si Johanan nga anak ni Karea, si Seraias nga anak ni Tanhumet, ang mga anak nga lalaki ni Efai nga Netofatihanon, si Jesanias nga anak sa usa ka Maacahanon, sila ug ang ilang mga tawo.

Jeremias 41:16

Unya si Johanan nga anak ni Karea ug ang tanang mga pangulo sa mga sundalo nga uban kaniya midala sa tanang nahibilin sa mga tawo nga nabihag ni Ismael nga anak ni Netanias gikan sa Mispa human niya patya si Gedalias nga anak ni Ahikam—mga sundalo, mga babaye, mga bata ug ang mga yunoko, nga gidala ni Johanan pagbalik gikan sa Gibeon.

Jeremias 41:18

tungod sa mga Caldeanhon; kay sila nangahadlok kanila, kay si Ismael nga anak ni Netanias mipatay kang Gedalias nga anak ni Ahikam, nga gihimong gobernador sa yuta sa hari sa Babilonia.

Jeremias 42:1

Unya ang tanang pangulo sa kasundalohan ug si Johanan nga anak ni Karea ug si Asarias nga anak ni Hosaias, ug ang tibuok katawhan gikan sa labing ubos ngadto sa labing dako kanila, miduol

Jeremias 42:20

nga kamo nahisalaag ug nag-angin sa inyong kinabuhi. Kay gipadala ako ninyo ngadto sa Ginoo nga inyong Dios, nga nag-ingon, ‘Pag-ampo alang kanamo ngadto sa Ginoo nga among Dios ug bisan unsay isulti sa Ginoo nga among Dios isugilon kanamo ug buhaton namo kini.’

Jeremias 42:5

Unya sila miingon kang Jeremias, “Hinaot unta nga ang Ginoo matuod ug kasaligang saksi batok kanamo kon kami dili magbuhat sumala sa pulong nga niini gipadala ikaw sa Ginoo nga imong Dios nganhi kanamo.

Jeremias 43:1

Sa dihang nahuman si Jeremias pagsulti ngadto sa tibuok katawhan sa tanang mga pulong sa Ginoo nga ilang Dios, nga niini gipadala siya sa Ginoo nga ilang Dios ngadto kanila,

Jeremias 44:16

“Mahitungod sa pulong nga imong gisulti kanamo pinaagi sa ngalan sa Ginoo, dili kami mamati kanimo.

Santiago 4:6

Apan siya naghatag ug dugang pa nga grasya, busa ang kasulatan nag-ingon, “Ang Dios nagsanta sa mga mapahitas-on, apan sa mga mapaubsanon siya naghatag ug grasya.”

1 Pedro 5:5

Kamo usab nga mga batan-on, pagmasinugtanon kamo sa mga kadagkoan. Ug kamong tanan, pagsul-ob sa pagkamapaubsanon ngadto sa usa ug usa, kay “Ang Dios mobatok sa mga mapahitas-on, apan sa mga mapaubsanon siya maghatag ug grasya.”