Jeremias 43:12

Ang Biblia 2011

Siya magpadilaab ug kalayo diha sa mga templo sa mga dios sa Ehipto ug iyang sunogon sila ug dad-on nga binihag ug iyang hinloan ang yuta sa Ehipto sama sa usa ka tigbantay sa karnero nga magkuha sa ulod gikan sa iyang kupo ug siya molakaw gikan didto nga malinawon.

Cross References

2 Samuel 5:21

Ug didto gibiyaan sa mga Filistihanon ang ilang mga diosdios, ug si David ug ang iyang mga tawo midala niini.

Ester 6:9

ug ipahatod ang bisti ug ang kabayo ngadto sa usa sa mga labawng halangdon nga mga pangulo sa hari. Pagiyahi kaniya ang tawo nga gikahimut-an sa hari pagpasidungog ug pamandoi kaniya ang tawo nga nagsakay sa kabayo agi sa hawan sa siyudad nga magmantala sa iyang atubangan, ‘Mao kini ang buhaton ngadto sa tawo nga gikahimut-an sa hari sa pagpasidungog.’ ”

Job 40:10

“Dayandayani ang imong kaugalingon sa pagkahalangdon ug kaligdong; ug sul-obi ang imong kaugalingon sa dungog ug himaya.

Salmo 104:2

nagtabon ug kahayag sa imong kaugalingon ingon sa bisti, nagbuklad sa kalangitan ingon sa usa ka tolda,

Salmo 132:16

Ang iyang mga pari akong bistihan ug kaluwasan, ang iyang mga balaan magsinggit sa kalipay.

Salmo 132:18

Ang iyang mga kaaway akong bistihan ug kaulawan, apan sa iyang kaugalingon, ang iyang purongpurong magsidlak.”

Exodo 12:12

Kay molatas ako nianang gabhiona sa yuta sa Ehipto ug pamatyon nako ang tanang kamagulangan sa yuta sa Ehipto, tawo ug mananap, ug hukman nako ang tanang diosdios sa Ehipto. Ako ang Ginoo.

Isaias 19:1

Ang mensahe mahitungod sa Ehipto. Tan-awa, ang Ginoo nagsakay sa usa ka tulin nga panganod ug moadto sa Ehipto; ug ang mga diosdios sa Ehipto mangurog sa iyang atubangan, ug ang kasingkasing sa mga Ehiptohanon matunaw sa sulod nila.

Isaias 21:9

Tan-awa, ania nagpadulong ang mga tigpangabayo, nagkabayo nga nagtinagurha!” Unya siya mitubag, “Napukan, napukan ang Babilonia; ug ang tanan nga mga larawan sa iyang mga dios nangadugmok ngadto sa yuta.”

Isaias 46:1

Si Bel nagyukbo, si Nebo nagduko, ang ilang mga diosdios anaa sa ibabaw sa mga mananap ug sa kahayopan ang mga butang nga inyong gidala nangahimong kabug-at sa gikapoyan nga mga mananap.

Isaias 46:2

Sila nangduko, sila nangyukbo sa tingob; sila dili makaluwas sa palas-anon, apan ang ilang kaugalingon nangahimong mga binihag.

Isaias 49:18

Iyahat ang imong mga mata sa palibot ug tan-awa, kini silang tanan magtigom, manganha kanimo. Ingon nga ako buhi, nag-ingon ang Ginoo, ikaw magbutang kanila ingon nga usa ka dayandayan, ug magbakos kanila sama sa usa ka pangasaw-onon.

Isaias 52:1

Pagmata, pagmata, paglig-on, O Zion; isul-ob ang imong matahom nga mga bisti, O Jerusalem, ang balaan nga siyudad; kay gikan karon wala nay moanha kanimo, nga dili tinuli ug dili hinlo.

Isaias 59:17

Iyang gisul-ob ang pagkamatarong ingon nga usa taming sa dughan, ug ang helmet sa kaluwasan sa iyang ulo; iyang gisul-ob ang mga bisti sa panimalos ingon nga bisti ug gitabonan ang iyang kaugalingon sa kapungot ingon sa usa ka kupo.

Isaias 61:10

Ako maglipay pag-ayo diha sa Ginoo, ang akong kalag magmalipayon diha sa akong Dios; kay ako gibistihan niya sa mga bisti sa kaluwasan, ako gisul-oban niya sa kupo sa pagkamatarong, sama sa pamanhonon nga nagdayandayan sa iyang kaugalingon sa usa ka purongpurong nga bulak, ug sama sa pangasaw-onon nga nagdayandayan sa iyang kaugalingon sa iyang mga alahas.

Isaias 61:5

Ang mga langyaw maoy magtindog ug magpasibsib sa inyong mga panon sa karnero, ang mga dumuduong maoy inyong mga magdadaro ug inyong mga tig-atiman sa parasan;

Jeremias 10:11

Mao kini ang isulti ninyo kanila, “Ang mga diosdios nga wala magbuhat sa kalangitan ug sa yuta mangahanaw gikan sa yuta ug gikan sa ubos sa kalangitan.”

Jeremias 10:15

Sila walay bili, usa ka buhat sa limbong; sa panahon sa pagsilot kanila, sila mangalaglag.

Jeremias 25:19

ang Paraon nga hari sa Ehipto, ang iyang mga alagad, ang iyang mga pangulo, ang tanan niyang katawhan,

Jeremias 43:13

Bunggoon usab niya ang mga monyumento sa Heliopolis, nga atua sa yuta sa Ehipto ug ang mga templo sa mga dios sa Ehipto sunogon niya sa kalayo.’ ”

Jeremias 46:25

Ang Ginoo sa mga panon, ang Dios sa Israel, nag-ingon, “Tan-awa, ako nagdala ug silot ngadto kang Ammon sa Tebes ug sa Paraon ug sa Ehipto ug sa iyang mga dios ug sa iyang mga hari ngadto sa Paraon ug sa mga nagsalig kaniya.

Jeremias 48:7

Tungod kay ikaw nagsalig sa imong mga kuta ug sa imong mga bahandi, kuhaon usab ikaw; ug si Camos bihagon, uban ang iyang mga pari ug ang iyang mga pangulo.

Jeremias 49:27

Ug maghaling ako ug kalayo sulod sa paril sa Damasco, ug lamyon niini ang mga salipdanan ni Ben-hadad.”

Jeremias 50:2

“Isulti ninyo sa mga nasod ug ipahibalo, ug pagpatindog ug usa ka bandila ug ipahibalo, ayaw kini tagoa, ug isulti: ‘Ang Babilonia nailog na, si Bel gipakaulawan, si Merodak nalisang. Ang iyang mga larawan gipakaulawan, ang iyang mga diosdios nangalisang.’

Jeremias 51:44

Ako magsilot kang Bel sa Babilonia ug ipasuka nako gikan sa iyang baba ang iyang gilamoy. Ang mga nasod dili na magbaha ngadto kaniya; ang paril sa Babilonia natumpag.

Ezequiel 29:11

Walay tiil sa tawo nga moagi latas niini ug walay tiil sa mananap nga moagi latas niini, dili kini puy-an sulod sa 40 ka tuig.

Ezequiel 29:19

Busa mao kini ang giingon sa Ginoong Dios: Tan-awa, akong ihatag ang yuta sa Ehipto ngadto kang Nabucodonosor nga hari sa Babilonia, ug iyang dad-on ang katigayonan niini ug ilogan kini ug panguhaan; ug kini mao ang suhol alang sa iyang kasundalohan.

Ezequiel 30:13

“Mao kini ang giingon sa Ginoong Dios: Laglagon nako ang mga diosdios, ug taposon ang mga larawan didto sa Memphis; wala na unyay pangulo sa yuta sa Ehipto busa magbutang ako ug kahadlok diha sa yuta sa Ehipto.

Daniel 11:8

Iyang dad-on ngadto sa Ehipto ang ilang mga dios uban sa mga tinunaw nga larawan ug sa ilang mahalon nga mga sudlanan nga plata ug bulawan, ug sulod sa pipila ka tuig siya maglikay sa pagsulong sa hari sa amihanan.

Sofonias 2:11

Ang Ginoo mahimong makalilisang alang kanila; iyang pagutman ang tanang mga dios sa yuta, ug ngadto kaniya managyukbo, ang matag usa diha sa iyang dapit, ang tanang kayutaan sa mga nasod.

Roma 13:12

Ang kagabhion hapit na matapos ug ang adlaw nagsingabot na. Busa isalikway nato ang mga buhat sa kangitngit ug isul-ob nato ang mga hinagiban sa kahayag.

Mga Taga-Efeso 4:24

ug sa pagsul-ob sa bag-ong pagkatawo nga gibuhat sumala sa dagway sa Dios diha sa matuod nga pagmakatarong ug pagkabalaan.

Mga Taga-Efeso 6:11

Isul-ob ninyo ang tibuok kahimanan sa gubat nga gikan sa Dios aron makabarog kamo batok sa mga pagpanglimbong sa yawa.

Mga Taga-Colosas 3:12

Ingon nga kamo mga pinili sa Dios, balaan ug hinigugma, isul-ob ninyo ang pagkamabination, pagkamaluluy-on, pagkamapaubsanon, kaaghop, ug pailob;

Mga Taga-Colosas 3:14

Ug labaw niining tanan isul-ob ang gugma nga mao ang bugkos sa kahingpitan.