Jeremias 43:10

Ang Biblia 2011

ug ingna sila, ‘Mao kini ang giingon sa Ginoo sa mga panon, ang Dios sa Israel: Ako magpadala ug magkuha kang Nabucodonosor nga hari sa Babilonia nga akong alagad. Ipahimutang niya ang iyang trono ibabaw niining mga bato nga akong gitagoan ug siya magbukhad sa harianon niyang puluy-anan ibabaw kanila.

Cross References

1 Mga Hari 20:12

Ug sa pagkadungog ni Ben-hadad niining balitaa samtang nag-inom siya uban sa mga hari diha sa mga kampo, siya miingon sa iyang mga tawo, “Pangandam kamo alang sa gubat.” Ug sila nangandam alang sa gubat batok sa siyudad.

1 Mga Hari 20:16

Ug misulong sila sa pagkaudto samtang si Ben-hadad naghubog sa iyang kaugalingon didto sa mga kampo, siya ug ang 32 ka hari nga mitabang kaniya.

Salmo 18:11

Gihimo niya ang kangitngit nga tabon libot kaniya, ang iyang pasilonganan baga nga panganod nga ngiob tungod sa tubig.

Salmo 27:5

Kay tagoan man niya ako diha sa iyang puluy-anan sa adlaw sa kasamok; tagoan niya ako ilalom sa tabil sa iyang tolda, ituboy niya ako ibabaw sa usa ka bato.

Salmo 31:20

Diha sa landong sa imong atubangan gitagoan nimo sila gikan sa mga daotang laraw sa katawhan; gitagoan nimo sila diha sa imong puluy-anan nga layo sa kakuyaw gikan sa kaguliyang sa mga dila.

Isaias 44:28

nga nag-ingon mahitungod kang Ciro, ‘Siya mao ang akong tigbantay sa karnero, ug siya magbuhat sa tanan nakong katuyoan,’ nag-ingon mahitungod sa Jerusalem, ‘Siya tukoron,’ ug mahitungod sa templo, ‘Ang imong patukoranan ipahiluna.’ ”

Isaias 45:1

Mao kini ang giingon sa Ginoo ngadto sa iyang dinihogan, kang Ciro, nga ang tuong kamot akong gikuptan sa pagbuntog sa mga nasod sa iyang atubangan, ug sa pagpaluag sa mga bakos sa mga hari, sa pag-abli sa mga pultahan sa iyang atubangan, aron ang mga ganghaan dili matakpan:

Jeremias 1:15

Kay, tan-awa, ako magtawag sa tanang mga banay sa mga gingharian sa amihanan, nag-ingon ang Ginoo. Ug sila mangabot, ug ang matag usa magpahiluna sa iyang trono diha sa agianan sa mga ganghaan sa Jerusalem, batok sa tanang mga paril nga naglibot niini, ug batok sa tanang mga siyudad sa Juda.

Jeremias 43:9

“Pagkuha ug dagkong mga bato diha sa imong kamot, ug tagoi kini sa yuta nga pinagba diha sa agianan nga anaa sa ganghaan sa palasyo sa Paraon didto sa Tapanhes, diha sa panan-aw sa mga tawo sa Juda

Jeremias 46:13

Ang pulong nga gisulti sa Ginoo kang Jeremias nga propeta, mahitungod sa pag-abot ni Nabucodonosor nga hari sa Babilonia aron sa pagsulong sa yuta sa Ehipto:

Jeremias 49:38

ug ipahiluna nako ang akong trono didto sa Elam ug laglagon ang ilang hari ug mga pangulo, nag-ingon ang Ginoo.

Ezequiel 5:12

Ang ikatulo nga bahin kaninyo mangamatay tungod sa kamatay ug mangapuo tungod sa gutom diha sa inyong taliwala, ug ang ikatulo nga bahin mangpukan pinaagi sa espada libot kaninyo, ug ang ikatulo nga bahin patibulaagon ngadto sa tanang dapit, ug laniton nako ang espada sunod kanila.

Daniel 2:21

Siya nag-usab sa mga takna ug sa mga panahon; siya nagpapha sa mga hari ug nagpahiluna sa mga hari; siya naghatag ug kaalam sa mga maalamon ug kahibalo ngadto sa adunay panabot.

Mateo 22:7

Ang hari nasuko ug gipaadtoan niya sila sa iyang mga sundalo ug gipapatay ang maong mga mamumuno ug gipasunog ang ilang siyudad.