Jeremias 42:5

Ang Biblia 2011

Unya sila miingon kang Jeremias, “Hinaot unta nga ang Ginoo matuod ug kasaligang saksi batok kanamo kon kami dili magbuhat sumala sa pulong nga niini gipadala ikaw sa Ginoo nga imong Dios nganhi kanamo.

Cross References

Genesis 31:50

Kon sakiton nimo ang akong mga anak nga babaye ug kon mangasawa ikaw ug lain pa gayod gawas sa akong mga anak nga babaye, bisan ug walay tawo nga anaa uban kanato, hinumdomi, ang Dios mao ang saksi taliwala kanimo ug kanako.”

Exodo 20:19

Ug sila miingon kang Moises, “Sulti kanamo ug mamati kami apan ayaw pasultiha ang Dios kanamo kay basin unya ug mangamatay kami.”

Exodo 20:7

“Ayaw gamita sa walay kapuslanan ang ngalan sa Ginoo nga imong Dios kay ang Ginoo dili mag-isip nga walay sala niadtong naggamit sa walay kapuslanan sa iyang ngalan.

Jeremias 42:20

nga kamo nahisalaag ug nag-angin sa inyong kinabuhi. Kay gipadala ako ninyo ngadto sa Ginoo nga inyong Dios, nga nag-ingon, ‘Pag-ampo alang kanamo ngadto sa Ginoo nga among Dios ug bisan unsay isulti sa Ginoo nga among Dios isugilon kanamo ug buhaton namo kini.’

Jeremias 43:2

si Asarias nga anak ni Hosaias ug si Johanan nga anak ni Karea, ug ang tanan nga mga mapahitas-ong tawo, miingon kang Jeremias, “Bakak ang imong gisulti. Ang Ginoo nga among Dios wala magpadala kanimo sa pag-ingon, ‘Ayaw kamo pag-adto sa Ehipto aron sa pagpuyo didto.’

Jeremias 43:4

Busa si Johanan nga anak ni Karea ug ang tanang mga tigmando sa kasundalohan, ug ang tibuok nga katawhan, wala motuman sa tingog sa Ginoo, sa pagpabilin didto sa yuta sa Juda.

Jeremias 5:2

Bisan pa ug sila miingon, “Ingon nga ang Ginoo buhi,” sa gihapon sila nanumpa ug bakak.

Miqueas 1:2

Pamati, kamong mga katawhan, kamong tanan; patalinghog, O yuta, ug tanan nga anaa niini; ug tugoti ang Ginoong Dios nga mahimong saksi batok kaninyo, ang Ginoo gikan sa iyang balaan nga templo.

Malaquias 2:14

Kamo nangutana, “Ngano nga wala man siya modawat?” Tungod kay ang Ginoo nagpamatuod sa kasabotan tali kanimo ug sa asawa sa imong pagkabatan-on, nga ikaw wala magmaunongon kaniya bisan ug siya imong kauban ug imong asawa pinaagi sa kasabotan.

Malaquias 3:5

“Unya ako moanha kaninyo aron sa paghukom ug ako mahimong tulin nga saksi batok sa mga tigsalamangka, batok sa mananapaw, batok sa mga nanumpa sa bakak, batok kanila nga nagdaogdaog sa sinuholan pinaagi sa iyang suhol, sa biyuda ug sa ilo, batok sa nagsalikway sa dumuduong, ug wala mahadlok kanako, nag-ingon ang Ginoo sa mga panon.

Roma 1:9

Kay saksi nako ang Dios nga akong gialagaran sa bug-os nakong espiritu diha sa Maayong Balita sa iyang Anak, nga sa walay pag-undang gilakip ko kamo kanunay sa akong mga pag-ampo,

Gipadayag 1:5

ug gikan kang Jesu-Cristo, ang kasaligan nga saksi, ang panganay gikan sa mga nangamatay, ug ang pangulo sa mga hari sa yuta. Kaniya nga nahigugma kanato ug nagpahigawas kanato gikan sa atong mga sala pinaagi sa iyang dugo

Gipadayag 3:14

“Ug ngadto sa anghel sa iglesia sa Laodicea, isulat kini: ‘Mao kini ang mga pulong sa Amen, ang kasaligan ug tinuod nga saksi, ang sinugdanan sa mga binuhat sa Dios:

Mga Maghuhukom 11:10

Ug ang mga kadagkoan sa Gilead miingon kang Jefta, “Ang Ginoo maoy saksi taliwala kanato, among buhaton ang imong isulti.”

1 Samuel 12:5

Ug siya miingon ngadto kanila, “Ang Ginoo saksi batok kaninyo ug ang iyang dinihogan maoy saksi niining adlawa nga kamo wala makakita ug bisan unsa sa akong kamot.” Ug sila miingon, “Siya saksi.”

1 Samuel 20:42

Unya si Jonatan miingon kang David, “Lakaw uban ang kalinaw tungod kay kita nakapanumpa na sa ngalan sa Ginoo, nga nag-ingon, ‘Ang Ginoo nagpataliwala kanako ug kanimo ug sa akong kaliwat ug sa imong kaliwat hangtod sa kahangtoran.’ ” Ug siya mitindog ug milakaw ug si Jonatan misulod sa siyudad.