Jeremias 42:21

Ang Biblia 2011

Ug niining adlawa gisulti nako kini kaninyo apan wala kamo motuman sa tingog sa Ginoo nga inyong Dios sa bisan unsang butang nga tungod niana ako iyang gipadala aron sa pagsulti kaninyo.

Cross References

Salmo 81:12

Busa gitugyan nako sila ngadto sa kagahi sa ilang kasingkasing, sa pagsunod sa ilang kaugalingong katuyoan.

Jeremias 43:1

Sa dihang nahuman si Jeremias pagsulti ngadto sa tibuok katawhan sa tanang mga pulong sa Ginoo nga ilang Dios, nga niini gipadala siya sa Ginoo nga ilang Dios ngadto kanila,

Jeremias 43:4

Busa si Johanan nga anak ni Karea ug ang tanang mga tigmando sa kasundalohan, ug ang tibuok nga katawhan, wala motuman sa tingog sa Ginoo, sa pagpabilin didto sa yuta sa Juda.

Jeremias 43:7

Ug sila miadto sa yuta sa Ehipto kay wala sila motuman sa tingog sa Ginoo. Ug miabot sila sa Tapanhes.

Ezequiel 2:7

Ug ikaw magsulti kanila sa akong mga pulong, mamati man sila o magdumili sa pagpamati, kay sila usa ka panimalay nga masupilon.

Ezequiel 3:17

“Anak sa tawo, gihimo ko ikaw nga tigbantay alang sa balay sa Israel. Sa dihang makadungog ikaw ug pulong gikan sa akong baba, hatagi sila sa pasidaan gikan kanako.

Ezequiel 33:31

Ug sila manganha kanimo sama sa katawhan nga manganha, ug sila manglingkod sa imong atubangan ingon nga akong katawhan ug sila mamati sa imong mga pulong, apan sila dili magbuhat niini, kay pinaagi sa ilang mga baba sila magpakita sa hilabihang gugma, apan ang ilang kasingkasing nagsunod sa ilang ganansiya.

Ezequiel 33:32

Alang kanila ikaw sama sa usa ka awit sa gugma sa usa nga may matahom nga tingog ug maayong motugtog sa usa ka tulunggon, kay sila mamati sa imong mga pulong, apan sila dili motuman niini.

Mga Buhat 20:20

Wala nako pakyasa ang pagsulti kaninyo sa bisan unsa nga makaayo, ug nagtudlo kaninyo diha sa kadaghanan ug diha sa inyong kabalayan,

Deuteronomio 29:19

ang tawo nga sa dihang makadungog siya sa mga pulong niini nga tunglo, nagpanalangin sa iyang kaugalingon sulod sa iyang kasingkasing nga nag-ingon, ‘Makabaton ako ug pakigdait, bisan pa ug naglakaw ako sa kagahi sa akong kasingkasing.’ Naghatod kini ngadto sa katalagman sa umog ug sa uga.

Deuteronomio 30:15

“Tan-awa, gibutang nako karon sa inyong atubangan ang kinabuhi ug ang kaayohan, ang kamatayon ug ang kadaotan.

Deuteronomio 30:19

Ako magtawag sa langit ug sa yuta sa pagsaksi batok kaninyo niining adlawa, nga gibutang nako sa inyong atubangan ang kinabuhi ug ang kamatayon, ang panalangin ug ang tunglo. Busa pilia ang kinabuhi aron kamo ug ang inyong kaliwatan mabuhi,