Jeremias 42:2

Ang Biblia 2011

ug sila miingon kang Jeremias nga propeta, “Himoa nga ang among pangamuyo moabot sa imong atubangan, ug pag-ampo alang kanamo ngadto sa Ginoo nga imong Dios, alang niining tanan nga nahibilin kay kami diyotay lamang nga nahibilin gikan sa daghan, ingon nga ang imong mga mata nakakita kanamo,

Cross References

1 Mga Hari 13:6

Ug ang hari miingon sa tawo sa Dios, “Hangyoa karon ang kaluoy sa Ginoo nga imong Dios ug iampo ako nga ang akong kamot maulian.” Ug ang tawo sa Dios mihangyo sa Ginoo ug ang kamot sa hari naulian ug nabalik kini sama sa kaniadto.

Salmo 119:170

Ipadangat sa imong atubangan ang akong pagpangaliyupo; luwasa ako sumala sa imong pulong.

Exodo 8:28

Busa ang Paraon miingon, “Tugotan ko kamo sa paglakaw aron kamo maghalad didto sa kamingawan ngadto sa Ginoo nga inyong Dios apan ayaw kamo paglakaw ug layo kaayo. Pag-ampo kamo alang kanako.”

Exodo 9:28

Pag-ampo kamo ngadto sa Ginoo kay igo na kining dagkong mga dalugdog ug ulan nga yelo. Tugotan ko kamo sa paglakaw ug dili na magpabilin dinhi.”

Isaias 1:15

Sa diha nga bayawon ninyo ang inyong mga kamot, tagoon nako ang akong mga mata gikan kaninyo; bisan ug maghimo pa kamo ug daghang mga pag-ampo, dili ako mamati; ang inyong mga kamot puno sa dugo.

Isaias 1:9

Kon ang Ginoo sa mga panon wala pa magbilin alang kanato ug pipila ka salin, mahimo unta kita nga sama sa Sodoma, ug mahimo unta nga sama sa Gomora.

Isaias 37:4

Tingali nga ang Ginoo nga imong Dios namati sa mga pulong sa Rabsakes nga gipadala sa hari sa Asiria nga iyang agalon aron sa paghagit sa Dios nga buhi, ug mobadlong sa mga pulong nga nadungog sa Ginoo nga imong Dios. Busa ipatugbaw ang imong pag-ampo alang sa salin nga nahabilin.’ ”

Isaias 42:20

Siya nakakita ug daghang mga butang, apan wala maniid niini, ang iyang mga dalunggan binuksan, apan siya wala makadungog.

Jeremias 15:11

Busa itugot, O Ginoo, kon wala ako magpakiluoy kanimo alang sa ilang kaayohan, kon wala ako maghangyo kanimo alang sa kaaway panahon sa kasamok ug panahon sa kaguol!

Jeremias 2:27

nga nag-ingon sa usa ka kahoy, ‘Ikaw mao ang akong amahan,’ ug ngadto sa usa ka bato, ‘Ikaw mao ang nagpahimugso kanako.’ Kay sila mitalikod kanako ug wala moatubang. Apan sa panahon sa ilang kalisod sila moingon, ‘Tindog, ug luwasa kami!’

Jeremias 21:2

“Pagpakisayod sa Ginoo alang kanamo kay si Nabucodonosor nga hari sa Babilonia nakiggubat batok kanamo; basin pa ug ang Ginoo maghimo kanamo sumala sa tanan niyang mga kahibulongang buhat ug magpasibog kaniya gikan kanamo.”

Jeremias 36:7

Basin pa ug ang ilang pangamuyo moabot sa atubangan sa Ginoo, ug nga ang matag usa mobiya gikan sa iyang daotan nga pamaagi, kay dako ang kasuko ug kapungot nga gipamulong sa Ginoo batok niini nga katawhan.”

Jeremias 37:20

Karon pamati, naghangyo ako kanimo, O agalon nako nga hari: itugot nga modangat ang akong ubos nga pangamuyo sa imong atubangan ug ayaw ako ipadala pagbalik ngadto sa balay ni Jonatan nga sekretaryo, basig mamatay ako didto.”

Jeremias 37:3

Unya si Hari Zedekias nagpadala kang Jehukal nga anak ni Selemias ug kang Zefanias nga pari nga anak ni Maasias ngadto kang Jeremias nga propeta, nga nag-ingon, “Pag-ampo alang kanamo ngadto sa Ginoo nga atong Dios.”

Jeremias 38:14

Unya si Hari Zedekias mipakuha kang Jeremias nga propeta ug gidawat kini sa ikatulong ganghaan nga diha sa Templo sa Ginoo. Ang hari miingon kang Jeremias, “Mangutana ako kanimo ug usa ka butang, ayaw pagtago ug bisan unsa gikan kanako.”

Jeremias 40:15

Unya si Johanan nga anak ni Karea misulti sa hilom kang Gedalias didto sa Mispa, “Tugoti ako sa pag-adto, aron akong patyon si Ismael nga anak ni Netanias ug walay bisan usa nga masayod niini. Ngano nga kuhaon man niya ang imong kinabuhi, aron ang tanang mga Judio nga natigom kanimo magkatibulaag, ug ang salin sa Juda mangawagtang?”

Jeremias 42:20

nga kamo nahisalaag ug nag-angin sa inyong kinabuhi. Kay gipadala ako ninyo ngadto sa Ginoo nga inyong Dios, nga nag-ingon, ‘Pag-ampo alang kanamo ngadto sa Ginoo nga among Dios ug bisan unsay isulti sa Ginoo nga among Dios isugilon kanamo ug buhaton namo kini.’

Mga Pagbangotan 1:1

Pagkamingaw sa siyudad nga kaniadto puno sa mga tawo! Nahimo siya nga sama sa usa ka biyuda, siya nga kaniadto bantogan taliwala sa mga kanasoran! Siya nga kaniadto usa ka prinsesa taliwala sa mga lalawigan nahimo nga usa ka sakop.

Ezequiel 12:16

Apan paikyason nako ang pipila kanila gikan sa espada, gikan sa gutom ug kamatay aron ibutyag nila ang tanan nilang mga dulumtanan taliwala sa mga nasod nga ilang adtoan ug sila makaila nga ako mao ang Ginoo.”

Oseas 8:10

Bisan ug sila nagsuhol ug mga kaabin taliwala sa mga nasod, hiposon ra unya nako sila. Sa dili madugay sila mag-antos sa palas-anon nga ipahamtang sa hari ug sa mga pangulo.

Levitico 26:22

Ipadala nako diha sa inyong taliwala ang mga ihalas nga mananap nga mosakmit sa inyong mga anak gikan kaninyo ug laglagon nila ang inyong kahayopan ug magkadiyotay ang inyong gidaghanon ug ang inyong mga dalan mahimong kamingawan.

Amos 7:2

Sa diha nga sila nakatapos na sa pagpangaon sa mga balili sa yuta, ako miingon, “O Ginoong Dios, pasayloa, nangamuyo ako kanimo! Unsaon pagsugakod ni Jacob? Gamay kaayo siya!”

Mateo 24:22

Ug kon ang gidaghanon niadtong mga adlawa wala pa paubsi, wala gayod untay tawong maluwas apan tungod sa iyang mga pinili, ang gidaghanon niadtong mga adlawa paubsan.

Mga Buhat 8:24

Ug si Simon mitubag, “Iampo ako ninyo sa Ginoo nga wala untay mahitabo kanako sa inyong gisulti.”

Deuteronomio 28:62

Bisan ug sama kamo ka daghan sa mga bituon sa langit, magpabilin kamo nga diyotay ang gidaghanon kay wala kamo magtuman sa tingog sa Ginoo nga inyong Dios.

Deuteronomio 28:63

Ug ingon nga ang Ginoo nalipay sa pagbuhat ug kaayohan nganha kaninyo, ug sa pagpadaghan kaninyo, ang Ginoo usab nalipay sa pagdala ug kadaot nganha kaninyo ug sa paglaglag kaninyo. Ug ibton kamo gikan sa yuta nga inyong adtoan aron panag-iyahon.

Deuteronomio 4:27

Ug ang Ginoo magpatibulaag kaninyo taliwala sa mga katawhan, ug bilinan kamo ug diyotay nga gidaghanon taliwala sa mga nasod diin dad-on kamo sa Ginoo.

Santiago 5:16

Busa ngadto sa usa ug usa pagsinugiray kamo sa inyong mga sala ug pag-ampo kamo alang sa usa ug usa, aron kamo mangaayo. Ang pag-ampo sa tawong matarong dako ug kahimoan.

1 Samuel 12:19

Ang tibuok katawhan miingon kang Samuel, “Pag-ampo alang sa imong mga sulugoon ngadto sa Ginoo nga imong Dios aron kami dili mamatay kay nagdugang kami sa tanan namong mga sala niining kadaotan sa pagpangayo alang sa among kaugalingon ug usa ka hari.”

1 Samuel 12:23

Dugang pa, ipahilayo unta kini gikan kanako nga ako makasala batok sa Ginoo pinaagi sa paghunong sa pag-ampo alang kaninyo, ug ako magtudlo kaninyo sa maayo ug sa matarong nga dalan.

1 Samuel 7:8

Ang katawhan sa Israel miingon kang Samuel, “Ayaw paghunong sa pag-ampo ngadto sa Ginoo nga Dios alang kanato nga unta magluwas siya kanato gikan sa kamot sa mga Filistihanon.”