Jeremias 42:16

Ang Biblia 2011

ang espada nga inyong gikahadlokan moapas kaninyo didto sa yuta sa Ehipto, ug ang gutom nga inyong gikalisangan mosunod gayod kaninyo didto sa Ehipto, ug didto mangamatay kamo.

Cross References

Mga Panultihon 13:21

Ang katalagman naglutos sa mga makasasala, apan ang kauswagan nagganti sa matarong.

Jeremias 27:8

“ ‘Apan kon adunay nasod o gingharian nga dili mag-alagad sa maong Nabucodonosor nga hari sa Babilonia, ug dili magpasangon sa ilang liog sa yugo sa hari sa Babilonia, akong silotan ang maong nasod pinaagi sa espada, pinaagi sa gutom ug pinaagi sa kamatay, nag-ingon ang Ginoo, hangtod nga mapuo nako sila pinaagi sa iyang kamot.

Jeremias 41:18

tungod sa mga Caldeanhon; kay sila nangahadlok kanila, kay si Ismael nga anak ni Netanias mipatay kang Gedalias nga anak ni Ahikam, nga gihimong gobernador sa yuta sa hari sa Babilonia.

Jeremias 42:13

Apan kon moingon kamo, ‘Dili kami magpabilin niining yutaa,’ nagsupak sa tingog sa inyong Dios,

Jeremias 44:27

Tan-awa, ako magbantay kanila alang sa kadaotan ug dili alang sa kaayohan. Ang tanang mga tawo sa Juda nga ania sa yuta sa Ehipto mangahurot pinaagi sa espada ug sa gutom, hangtod nga adunay kataposan kanila.

Ezequiel 11:8

Kamo nahadlok sa espada, ug dad-on nako ang espada nganha kaninyo, nag-ingon ang Ginoong Dios.

Zacarias 1:6

Apan ang akong mga pulong ug ang akong mga lagda nga akong gisugo sa akong mga alagad nga mga propeta, wala ba kini makaabot sa inyong katigulangan? Busa sila naghinulsol ug miingon, ‘Ingon nga ang Ginoo sa mga panon naghunahuna sa pagbuhat nganhi kanato sumala sa atong mga batasan ug sumala sa atong mga binuhatan, mao kini ang gibuhat niya kanato.’ ”

Juan 11:48

Kon pasagdan nato siya niini, ang tanan motuo kaniya, ug unya ang mga Romanhon manganhi ug ilang laglagon ang atong balaang dapit ug ang atong nasod.”

Deuteronomio 28:15

“Apan kon kamo dili motuman sa tingog sa Ginoo nga inyong Dios o magbantay sa pagbuhat sa tanan niyang mga sugo ug sa iyang mga lagda nga akong gisugo kaninyo niining adlawa, kining tanang tunglo moabot kaninyo ug modangat kaninyo.

Deuteronomio 28:22

Ang Ginoo magpahamtang ug tisis, hilanat, hubag, ug kainit nga daw kalayo ug hulaw, ug sakit sa mga tanom ug maglutos sila kaninyo, hangtod nga mangamatay kamo.

Deuteronomio 28:45

Kining tanang tunglo moabot kaninyo ug maglutos kaninyo ug modangat kaninyo hangtod nga kamo malaglag tungod kay wala kamo motuman sa tingog sa Ginoo nga inyong Dios, sa pagtuman sa iyang mga sugo ug sa iyang mga lagda nga iyang gisugo kaninyo.