Jeremias 42:10

Ang Biblia 2011

Kon magpabilin kamo niining yutaa, lig-onon ko kamo ug dili tumpagon ug itanom ko kamo ug dili ibton, kay nasubo ako sa kadaot nga gibuhat nako kaninyo.

Cross References

2 Samuel 24:16

Sa gibakyaw na sa anghel ang iyang kamot padulong sa Jerusalem aron sa paglaglag niini, ang Ginoo nasubo sa kadaotan nga nahimo ug miingon sa anghel nga naglaglag sa katawhan, “Igo na kana, ihunong ang imong kamot.” Ug ang anghel sa Ginoo diha dapit sa giokanan ni Arauna nga Jebusihanon.

Salmo 102:16

Kay ang Ginoo mopabarog sa Zion; motungha siya diha sa iyang himaya.

Salmo 106:45

Nahinumdom siya sa iyang kasabotan tungod ug alang kanila, ug siya nagmaluluy-on sumala sa kadagaya sa iyang gugmang walay paglubad.

Salmo 37:3

Salig sa Ginoo, ug buhata ang maayo; aron magpuyo ikaw sa yuta ug mahilayo sa kadaotan.

Salmo 69:35

Kay ang Dios magluwas sa Zion ug magtukod sa mga siyudad sa Juda; ug sila magpuyo didto ug manag-iya niini;

Exodo 32:14

Ug wala ipadayon sa Ginoo ang daotan nga iyang nahunahunaang buhaton ngadto sa iyang katawhan.

Jeremias 24:6

Itutok nako ang akong mga mata ngadto kanila alang sa kaayohan ug dad-on nako sila pagbalik niining yutaa. Lig-onon nako sila ug dili gub-on. Itanom nako sila ug dili ibton.

Jeremias 26:19

Gipatay ba siya ni Hesekias nga hari sa Juda ug sa tibuok Juda? Wala ba siya mahadlok sa Ginoo ug naghangyo sa kaluoy sa Ginoo, ug wala ba bakwia sa Ginoo ang kadaot nga iyang gisulti batok kanila? Apan hapit na kita magdala ug dakong kadaot nganhi sa atong kaugalingon.”

Jeremias 27:11

Apan ang nasod nga magpasangon sa ilang liog sa yugo sa hari sa Babilonia ug mag-alagad kaniya, akong ibilin sa kaugalingon niini nga yuta, aron mag-uma niini ug magpuyo niini, nag-ingon ang Ginoo.’ ”

Jeremias 31:28

Ug ingon nga ako nagbantay kanila sa pag-ibot ug sa paglumpag, sa pagpukan, sa paglaglag ug sa pagdala ug kadaot, bantayan usab nako kini sa pagtukod ug pagtanom, nag-ingon ang Ginoo.

Jeremias 33:7

Ibalik nako ang maayong kahimtang sa Juda ug ang maayong kahimtang sa Israel ug tukoron nako kini pag-usab sama sa una.

Jeremias 43:4

Busa si Johanan nga anak ni Karea ug ang tanang mga tigmando sa kasundalohan, ug ang tibuok nga katawhan, wala motuman sa tingog sa Ginoo, sa pagpabilin didto sa yuta sa Juda.

Ezequiel 36:36

Unya ang mga nasod nga nahibilin libot kaninyo makaila nga ako, ang Ginoo, nagtukod pag-usab sa mga dapit nga nangaguba, ug nagtanom diha nianang dapit nga biniyaan; ako, ang Ginoo, nagsulti niini ug magbuhat niini.

Oseas 11:8

Unsaon man nako pagbiya kanimo, O Ephraim? Unsaon man nako pagsalikway kanimo, O Israel? Unsaon nako paghimo kanimo nga sama sa Adma? Unsaon man nako paghimo kanimo nga sama sa Zeboim? Ang akong kasingkasing nausab sa sulod nako, ang akong kaluoy misamot ka dako.

Joel 2:13

gisia ang inyong mga kasingkasing ug dili ang inyong mga bisti.” Balik kamo sa Ginoo nga inyong Dios, kay siya puno sa grasya ug maluluy-on, hinay sa pagkasuko ug madagayaon sa gugmang walay paglubad, ug nagbasol sa daotan.

Amos 7:3

Ang Ginoo nasubo mahitungod niini; “Dili kini mahitabo,” nag-ingon ang Ginoo.

Amos 7:6

Ang Ginoo nasubo mahitungod niini; “Kini usab dili mahitabo,” nag-ingon ang Ginoong Dios.

Jonas 3:10

Sa dihang nakita sa Dios ang ilang gibuhat, giunsa nila pagtalikod sa ilang daotang pamaagi, ang Dios nasubo mahitungod sa kadaotan nga iyang giingon nga iyang buhaton unta kanila, ug kini wala niya buhata.

Jonas 3:4

Ug si Jonas misugod sa pagsulod sa siyudad, usa ka adlaw nga pagpanaw. Ug siya misinggit, “40 na lamang ka adlaw ug ang Ninibe magun-ob!”

Jonas 4:2

Ug siya nag-ampo sa Ginoo ug miingon, “O Ginoo, dili ba kini mao ang akong giingon sa didto pa ako sa akong yuta? Mao gani nga nagdali ako sa pag-ikyas ngadto sa Tarsis kay ako nasayod nga ikaw Dios nga puno sa grasya ug maluluy-on, hinay nga masuko ug madagayaon sa gugmang walay paglubad ug masubo mahitungod sa daotan.

Mga Buhat 15:16

‘Human niini mobalik ako, ug akong tukoron pag-usab ang natumpag nga puluy-anan ni David; akong tukoron pag-usab ang mga guba niini, ug akong patindogon kini,

Deuteronomio 32:36

Kay ang Ginoo maghatag ug hustisya sa iyang katawhan ug maluoy sa iyang mga sulugoon, sa dihang makita niya nga ang ilang kusog nawala ug walay nahibilin, ulipon o gawasnon.

Mga Maghuhukom 2:18

Sa diha nga ang Ginoo nagpatungha ug mga maghuhukom alang kanila, ang Ginoo nag-uban sa maghuhukom, ug siya nagluwas kanila gikan sa kamot sa ilang mga kaaway sa tanang mga adlaw sa maghuhukom, kay ang Ginoo natandog sa pagkaluoy kanila tungod sa ilang mga pag-agulo tungod sa mga nagdaogdaog ug nagpaantos kanila.