Jeremias 41:8

Ang Biblia 2011

Apan dihay napulo kanila nga miingon kang Ismael, “Ayaw kami patya, kay kami adunay mga tinigom nga trigo, sebada, lana ug dugos nga gitagoan dinhi sa uma.” Busa nagpugong siya ug wala sila patya uban sa ilang mga kauban.

Cross References

Job 2:4

Unya si Satanas mitubag sa Ginoo, “Panit alang sa panit! Ang tanan nga iya sa usa ka tawo iyang ihatag alang sa iyang kinabuhi.

Mga Panultihon 13:8

Ang lukat sa kinabuhi sa usa ka tawo mao ang iyang bahandi, apan ang kabos dili makadawat ug hulga.

Isaias 45:3

Ihatag nako kanimo ang mga bahandi sa kangitngitan, ug ang natago diha sa tago nga mga dapit, aron ikaw masayod nga ako, ang Ginoo, ang Dios sa Israel, mao ang nagtawag kanimo pinaagi sa ngalan.

Jeremias 41:9

Ang atabay nga gitambogan ni Ismael sa tanang mga lawas sa mga tawo nga iyang gipamatay mao ang kinadak-an nga atabay, nga gipabuhat ni Asa nga hari ingon nga panalipod batok kang Baasa nga hari sa Israel; gipuno kini ug mga pinatay ni Ismael nga anak ni Netanias.

Mateo 16:26

Kay unsa may kapuslanan alang sa usa ka tawo kon maangkon niya ang tibuok kalibotan apan kawad-an sa iyang kinabuhi? O unsa may ikahatag sa tawo ingon nga bugti sa iyang kinabuhi?

Mateo 6:25

“Busa, sultihan ko kamo, ayaw kabalaka mahitungod sa inyong kinabuhi kon unsay inyong kaonon o unsay inyong imnon, o mahitungod sa inyong lawas kon unsay inyong ibisti. Dili ba ang kinabuhi labaw pa man kay sa pagkaon ug ang lawas labaw pa kay sa bisti?