Jeremias 41:15

Ang Biblia 2011

Apan si Ismael nga anak ni Netanias miikyas gikan kang Johanan uban ang walo ka tawo ug miadto sa mga Amonihanon.

Cross References

1 Mga Hari 20:20

Ug ang matag usa kanila nakapatay ug usa ka tawo. Ang mga Sirianhon nanagan ug ang mga Israelinhon migukod kanila, apan si Ben-hadad nga hari sa Siria nakaikyas nga nagkabayo uban sa mga tigpangabayo.

2 Mga Hari 25:25

Apan sa ikapito nga bulan, si Ismael nga anak ni Netanias nga anak ni Elisama, sa harianong kaliwat, miabot uban sa napulo niya ka tawo ug misulong ug mipatay kang Gedalias, sa mga Judio ug sa mga Caldeanhon nga diha uban kaniya didto sa Mispa.

Job 21:30

nga ang tawong daotan gisayloan sa adlaw sa katalagman, nga siya giluwas diha sa adlaw sa kaligutgot?

Mga Panultihon 28:17

Kon ang usa ka tawo sad-an sa dugo sa lain, pakagiwa siya hangtod sa kamatayon; ayaw siya patabangi ni bisan kinsa.

Jeremias 41:14

Busa ang tanang mga tawo nga gibihag ni Ismael gikan sa Mispa mitalikod ug mibalik, ug miadto kang Johanan nga anak ni Karea.

Jeremias 41:2

si Ismael nga anak ni Netanias ug ang napulo ka tawo nga uban kaniya mitindog ug gitigbas pinaagi sa espada si Gedalias nga anak ni Ahikam nga anak ni Safan, ug gipatay siya nga gihimo sa hari sa Babilonia ingon nga gobernador sa yuta.

Mga Buhat 28:4

Sa pagkakita sa mga lumad sa bitin nga nagbitay sa iyang kamot, sila miingon sa usa ug usa, “Sa walay duhaduha kining tawhana mamumuno. Ug bisan tuod nakalingkawas siya gikan sa dagat, ang hustisya wala motugot nga mabuhi siya.”

1 Samuel 30:17

Gipangpatay sila ni David sukad sa pagbanagbanag sa adlaw hangtod sa kagabhion sa sunod nga adlaw, ug walay nakaikyas kanila bisan usa ka tawo, gawas sa upat ka gatos ka batan-ong lalaki nga misakay sa mga kamilyo ug miikyas.