Jeremias 41:1

Ang Biblia 2011

Sa ikapito nga bulan, si Ismael nga anak ni Netanias nga anak ni Elisama, sa kaliwat nga harianon, usa sa mga labawng pangulo sa hari, miabot uban sa napulo ka tawo ngadto kang Gedalias nga anak ni Ahikam didto sa Mispa. Samtang nagsalo sila sa pagpangaon ug pan didto sa Mispa,

Cross References

2 Samuel 3:27

Ug sa pagbalik ni Abner sa Hebron, gidala siya ni Joab ngadto sa taliwala sa ganghaan aron sa pagpakigsulti kaniya sa tago, ug didto gidunggab niya siya diha sa tiyan, nga tungod niana namatay siya tungod sa dugo sa igsoon ni Joab nga si Asahel.

2 Mga Hari 11:1

Sa pagkakita ni Atalia nga inahan ni Ahasias, nga ang iyang anak patay na, mitindog siya ug gilaglag niya ang tanang sakop sa harianong banay.

2 Mga Hari 25:22

Unya ibabaw sa katawhan nga nahibilin sa yuta sa Juda nga gibiyaan ni Nabucodonosor nga hari sa Babilonia, iyang gitudlo nga gobernador si Gedalias nga anak ni Ahikam nga anak ni Safan.

2 Mga Hari 25:25

Apan sa ikapito nga bulan, si Ismael nga anak ni Netanias nga anak ni Elisama, sa harianong kaliwat, miabot uban sa napulo niya ka tawo ug misulong ug mipatay kang Gedalias, sa mga Judio ug sa mga Caldeanhon nga diha uban kaniya didto sa Mispa.

2 Cronicas 22:10

Sa diha nga nakita ni Atalia nga inahan ni Ahasias nga ang iyang anak nga lalaki patay na, siya mitindog ug gilaglag ang tanang harianong panimalay sa banay sa Juda.

Salmo 109:5

Busa sila mibalos kanako ug daotan alang sa maayo ug pagdumot alang sa akong gugma.

Salmo 41:9

Bisan ang akong suod nga higala nga akong gisaligan, nga nagkaon sa akong pan, nag-isa sa iyang tikod batok kanako.

Mga Panultihon 13:10

Tungod sa pagkamapahitas-on, ang gahi ug ulo maghimo ug kasamok, apan kanila nga magpatambag anaa ang kaalam.

Mga Panultihon 27:4

Ang kasuko bangis, ug ang kapungot makapalumos; apan kinsa ba ang makabarog atubangan sa pangabubho?

Jeremias 36:12

miadto siya sa balay sa hari, ngadto sa lawak sa sekretaryo; ug ang tanang mga pangulo naglingkod didto, si Elisama nga sekretaryo, si Delaias nga anak ni Semaias, si Elnatan nga anak ni Akbor, si Gemarias nga anak ni Safan, si Zedekias nga anak ni Ananias, ug ang tanang mga pangulo.

Jeremias 36:20

Busa miadto sila sa hawanan ngadto sa hari, ilang gibutang ang linukot nga basahon sa lawak ni Elisama nga sekretaryo, ug gisugilon ang tanan nga mga pulong ngadto sa hari.

Jeremias 39:14

gipaadto ug gikuha si Jeremias gikan sa hawanan sa mga bantay, ug gitugyan siya kang Gedalias nga anak ni Ahikam nga anak ni Safan aron siya dad-on niya sa balay. Busa mipuyo siya uban sa katawhan.

Jeremias 40:13

Unya si Johanan nga anak ni Karea ug ang tanang mga pangulo sa kasundalohan nga didto sa kapatagan miadto kang Gedalias sa Mispa,

Jeremias 40:5

Kon ikaw magpabilin, balik ngadto kang Gedalias nga anak ni Ahikam nga anak ni Safan nga gitudlo sa hari sa Babilonia ingon nga gobernador sa mga siyudad sa Juda, ug mopuyo ikaw uban kaniya taliwala sa katawhan, o lakaw bisan asa nga imong gihunahuna nga angay nga adtoan.” Busa ang kapitan sa mga bantay mihatag kaniya ug pagkaon ug usa ka gasa ug gipalakaw siya.

Jeremias 40:6

Unya si Jeremias miadto kang Gedalias nga anak ni Ahikam didto sa Mispa, ug mipuyo uban kaniya taliwala sa katawhan nga nahibilin sa yuta.

Jeremias 40:7

Sa diha nga ang tanang mga kapitan sa kasundalohan nga didto sa kapatagan, ug ang ilang mga tawo nakadungog nga ang hari sa Babilonia nagtudlo kang Gedalias nga anak ni Ahikam nga mahimong gobernador sa yuta ug nga gitugyan ngadto kaniya ang mga lalaki, ang mga babaye, ang kabataan ug ang mga labing kabos sa yuta nga wala dad-a ngadto sa Babilonia,

Jeremias 40:8

sila miadto kang Gedalias didto sa Mispa—si Ismael nga anak ni Netanias, si Johanan nga anak ni Karea, si Seraias nga anak ni Tanhumet, ang mga anak nga lalaki ni Efai nga Netofatihanon, si Jesanias nga anak sa usa ka Maacahanon, sila ug ang ilang mga tawo.

Ezequiel 17:13

Ug gikuha niya ang usa sa harianong kaliwat, ug nagbuhat ug kasabotan uban kaniya, ug gipapanumpa niya. Ang mga pangulo sa yuta gikuha niya,

Juan 13:18

Wala ako magsulti mahitungod kaninyong tanan. Ako nakaila kanila nga akong gipili. Apan kinahanglang matuman ang kasulatan nga nag-ingon, ‘Siya nga nagkaon sa akong pan nag-isa sa iyang tiil batok kanako.’