Jeremias 40:5

Ang Biblia 2011

Kon ikaw magpabilin, balik ngadto kang Gedalias nga anak ni Ahikam nga anak ni Safan nga gitudlo sa hari sa Babilonia ingon nga gobernador sa mga siyudad sa Juda, ug mopuyo ikaw uban kaniya taliwala sa katawhan, o lakaw bisan asa nga imong gihunahuna nga angay nga adtoan.” Busa ang kapitan sa mga bantay mihatag kaniya ug pagkaon ug usa ka gasa ug gipalakaw siya.

Cross References

2 Mga Hari 22:12

Ug ang hari nagsugo kang Hilkias nga pari ug kang Ahikam nga anak ni Safan ug kang Acbor nga anak ni Micaias ug kang Safan nga sekretaryo ug kang Asaias nga sulugoon sa hari, nga nag-ingon,

2 Mga Hari 22:14

Busa si Hilkias nga pari ug si Ahikam, si Acbor, si Safan ug si Asaias miadto kang Hulda nga propeta nga asawa sa tinugyanan sa mga bisti nga si Sallum nga anak ni Tikba nga anak ni Harhas, ug sila nakigsulti kaniya. Niadtong tungora si Hulda nagpuyo sa Jerusalem sa ikaduha nga bahin sa siyudad.

2 Cronicas 34:20

Ug ang hari misugo kang Hilkias, kang Ahikam nga anak ni Safan, kang Abdon nga anak ni Mica, kang Safan nga sekretaryo ug kang Asaias nga alagad sa hari, nga nag-ingon,

Esdras 7:27

Dalaygon ang Ginoo, ang Dios sa atong mga katigulangan nga nagpahiluna sa maong butang nga sama niini diha sa kasingkasing sa hari, sa paghimong matahom sa balay sa Ginoo nga atua sa Jerusalem

Esdras 7:6

kini si Ezra mitungas gikan sa Babilonia. Siya usa ka eskriba nga batid sa Balaod ni Moises nga gihatag sa Ginoo nga Dios sa Israel. Ug ang hari mihatag kaniya sa tanan niyang gipangayo kay ang kamot sa Ginoo nga iyang Dios diha kaniya.

Nehemias 1:11

O Ginoo, ako nangamuyo kanimo, papamatia ang imong dalunggan sa pag-ampo sa imong alagad ug sa pag-ampo sa imong mga alagad nga nahinangop sa pagkahadlok sa imong ngalan. Ug hatagi ug kalamposan ang imong alagad karong adlawa ug hatagi siya ug kaluoy sa panan-aw niining tawhana.” Niadtong panahona ako ang tigdala sa kupa sa hari.

Job 22:29

Kay ang Dios magpaubos sa mapahitas-on, apan magluwas sa mapainubsanon.

Mga Panultihon 16:7

Kon ang mga pamaagi sa usa ka tawo makapahimuot sa Ginoo, iyang himoon bisan ang iyang mga kaaway nga makigdait kaniya.

Mga Panultihon 21:1

Ang kasingkasing sa hari diha sa kamot sa Ginoo sama sa mga bul-og sa tubig; palikoon niya kini bisan asa nga buot niya.

Jeremias 15:11

Busa itugot, O Ginoo, kon wala ako magpakiluoy kanimo alang sa ilang kaayohan, kon wala ako maghangyo kanimo alang sa kaaway panahon sa kasamok ug panahon sa kaguol!

Jeremias 26:24

Apan ang kamot ni Ahikam nga anak ni Safan diha uban kang Jeremias, nga tungod niana siya wala itugyan ngadto sa kamot sa mga tawo nga buot mopatay kaniya.

Jeremias 39:14

gipaadto ug gikuha si Jeremias gikan sa hawanan sa mga bantay, ug gitugyan siya kang Gedalias nga anak ni Ahikam nga anak ni Safan aron siya dad-on niya sa balay. Busa mipuyo siya uban sa katawhan.

Jeremias 40:4

Karon ania, gibuhian ko ikaw niining adlawa gikan sa mga kadena sa imong mga kamot. Kon daw maayo alang kanimo ang pag-uban kanako ngadto sa Babilonia, dali ug ako mag-atiman kanimo pag-ayo, apan kon daw sayop alang kanimo ang pag-uban kanako ngadto sa Babilonia, ayaw pag-adto. Tan-awa, ang tibuok nga yuta anaa sa atubangan nimo. Lakaw bisan asa nga imong gihunahuna nga maayo ug angay nga adtoan.

Jeremias 41:1

Sa ikapito nga bulan, si Ismael nga anak ni Netanias nga anak ni Elisama, sa kaliwat nga harianon, usa sa mga labawng pangulo sa hari, miabot uban sa napulo ka tawo ngadto kang Gedalias nga anak ni Ahikam didto sa Mispa. Samtang nagsalo sila sa pagpangaon ug pan didto sa Mispa,

Jeremias 41:18

tungod sa mga Caldeanhon; kay sila nangahadlok kanila, kay si Ismael nga anak ni Netanias mipatay kang Gedalias nga anak ni Ahikam, nga gihimong gobernador sa yuta sa hari sa Babilonia.

Jeremias 41:2

si Ismael nga anak ni Netanias ug ang napulo ka tawo nga uban kaniya mitindog ug gitigbas pinaagi sa espada si Gedalias nga anak ni Ahikam nga anak ni Safan, ug gipatay siya nga gihimo sa hari sa Babilonia ingon nga gobernador sa yuta.

Mga Buhat 27:3

Sa pagkasunod adlaw midunggo kami sa Sidon. Ug giatiman pag-ayo ni Julio si Pablo ug gitugotan siya sa pag-adto sa iyang mga higala aron maatiman.

Mga Buhat 27:43

Apan ang kapitan nga naghunahuna sa pagluwas kang Pablo, misanta sa ilang tuyo. Ug iyang gisugo ang mga makamaong molangoy sa paglukso pag-una aron sa pagkawas paingon sa mamala,

Mga Buhat 28:10

Unya mihatag sila kanamo ug daghang mga gasa, ug sa among paggikan, gisangkapan nila kami sa mga butang nga among gikinahanglan.

Mga Hebreo 13:6

Busa makaingon kita nga masaligon, “Ang Ginoo mao ang akong magtatabang, dili ako mahadlok; unsa may mahimo sa tawo kanako?”