Jeremias 4:8

Ang Biblia 2011

Busa pagsul-ob kamo ug sako, pagbangutan kamo ug pagminatay kay ang bangis nga kasuko sa Ginoo wala mobiya kanato.”

Cross References

Salmo 78:49

Iyang gipahamtang kanila ang kabangis sa iyang kaligutgot, kasuko, kapungot ug kalisdanan, usa ka panon sa mga anghel nga molaglag.

Isaias 10:4

Walay laing mahimo gawas sa pagduko uban sa mga binilanggo, ug mangapukan uban sa mga gipamatay. Bisan pa niining tanan ang iyang kasuko wala mapuypoy ug ang iyang kamot gibakyaw gihapon.

Isaias 13:6

Pagminatay kamo, kay ang adlaw sa Ginoo duol na; ingon nga kalaglagan gikan sa Labing Gamhanan kini moabot!

Isaias 22:12

Niadtong adlawa ang Ginoong Dios sa mga panon, nag-awhag kaninyo aron sa paghilak ug sa pagminatay, ug sa pagpaupaw ug sa pagsul-ob ug sako;

Isaias 32:11

Pangurog kamo, kamong mga babaye nga anaa sa kasayon, pangahadlok kamong mga walay pagtagad, paghukas ug himoa ang inyong kaugalingon nga hubo, ug baksi ug sako ang inyong hawak.

Isaias 5:25

Busa ang kasuko sa Ginoo misilaob batok sa iyang katawhan, ug iyang gibakyaw ang iyang kamot batok kanila ug gilaglag sila; ug ang kabukiran nauyog, ug ang ilang mga minatay nahisama sa basura taliwala sa mga dalan. Bisan pa niining tanan ang iyang kasuko wala mapalong, ug ang iyang kamot iya pa gihapong gibakyaw.

Isaias 9:12

Ang mga Sirianhon sa silangan ug ang mga Filistihanon sa kasadpan naglamoy sa Israel uban sa baba nga nagbuka. Bisan pa niining tanan ang iyang kasuko wala mahanaw, ug gibakyaw gihapon niya ang iyang kamot.

Isaias 9:17

Busa ang Ginoo wala malipay sa ilang mga batan-on nga lalaki, ug walay kaluoy sa mga wala nay amahan ug sa mga biyuda; kay ang tanan mapasipalahon ug tigbuhat ug daotan, ug ang matag baba nagsulti ug binuang. Bisan pa niining tanan ang iyang kasuko wala mapuypoy ug ang iyang kamot gibakyaw gihapon niya.

Isaias 9:21

si Manases kang Efraim, ug si Efraim kang Manases, ug silang duha naghiusa batok kang Juda. Bisan pa niining tanan, ang iyang kasuko wala mapuypoy ug ang iyang kamot gibakyaw gihapon niya.

Jeremias 25:34

“Pagminatay, kamo nga mga tigbantay sa karnero, ug panghilak; pangligid kamo diha sa abo, kamo nga mga pangulo sa panon, kay ang mga adlaw sa pag-ihaw kaninyo ug sa inyong pagkatibulaag miabot na, ug kamo mangapukan sama sa mga pinili nga laking karnero.

Jeremias 30:24

Ang bangis nga kapungot sa Ginoo dili na mosibog hangtod nga mabuhat niya ug matuman ang mga tinguha sa iyang kasingkasing. Sa ulahing mga adlaw inyo kining masabtan.

Jeremias 48:20

Ang Moab nahiagom sa kaulawan, kay nagun-ob kini; pagminatay ug hilak! Isugilon kini pinaagi sa Arnon, nga ang Moab gilaglag na.

Jeremias 6:26

O anak sa akong katawhan, pagsul-ob ug sako ug ligid sa abo; pagsubo nga daw alang sa bugtong anak, ang labing pait nga pagbangutan; kay sa kalit ang tiglaglag moanhi kanato.

Mga Pagbangotan 1:12

“Wala bay bili kini kaninyo, kamong tanan nga nangagi? Tan-awa ug sutaa kon aduna bay kasubo nga sama sa akong kasubo nga gipadangat kanako, nga gipadangat sa Ginoo kanako sa adlaw sa iyang bangis nga kasuko.

Ezequiel 21:12

Hilak ug pagminatay, anak sa tawo, kay kini batok sa akong katawhan. Kini batok sa tanang mga pangulo sa Israel. Sila gitugyan ngadto sa espada uban sa akong katawhan. Busa hapaka ang imong paa sa kasubo.

Ezequiel 30:2

“Anak sa tawo, pagpropesiya, Mao kini ang giingon sa Ginoong Dios: Pagminatay, ‘Alaot kining adlawa!’

Joel 1:13

Pagbisti kamo ug sako ug pagbangutan, O mga pari, pagminatay, O mga alagad sa halaran. Panulod kamo, pagpalabay sa kagabhion nga magsul-ob ug sako, O mga alagad sa akong Dios! Tungod kay ang halad nga pagkaon ug ang halad nga ilimnon gihikaw gikan sa balay sa inyong Dios.

Amos 8:10

Ang inyong mga kasaulogan akong himoon nga pagsubo, ug ang tanan ninyong mga awit pagbangutan; dad-an nako ug bisti nga sako ang tanan ninyong mga hawak ug kaupaw sa matag ulo; himoon nako kini nga sama sa pagsubo sa kamatayon alang sa bugtong nga anak, ug ang kataposan niini sama sa usa ka pait nga adlaw.

Miqueas 1:16

Pagpaupaw kamo sa inyong kaugalingon ug putla ang inyong buhok alang sa mga anak sa inyong kalipay; pagpaupaw kamo sama sa agila, kay sila mobiya gikan kaninyo ngadto sa pagkabihag.

Numeros 25:4

Ug ang Ginoo miingon kang Moises, “Kuhaa ang tanang kadagkoan sa katawhan ug bitaya sila sa atubangan sa Ginoo, binuwad sa adlaw, aron ang bangis nga kasuko sa Ginoo magpalayo gikan sa Israel.”