Jeremias 4:7

Ang Biblia 2011

Usa ka liyon migawas gikan sa iyang tagoanan, usa ka tiglaglag sa kanasoran nangandam na; siya migula gikan sa iyang dapit aron sa paglaglag sa imong yuta; ang imong mga siyudad mangagun-ob ug wala nay magpuyo.

Cross References

2 Mga Hari 24:1

Sa iyang mga adlaw si Nabucodonosor nga hari sa Babilonia misulong, ug si Jehoiakim nahimo nga iyang sulugoon sulod sa tulo ka tuig. Unya mialsa si Jehoiakim batok kaniya.

2 Mga Hari 25:1

Sa ikanapulo nga adlaw, sa ikanapulo nga bulan sa ikasiyam nga tuig, si Nabucodonosor nga hari sa Babilonia misulong uban sa tanan niyang kasundalohan batok sa Jerusalem ug gilibotan kini; nagbuhat sila ug mga kahimanan sa pagsulong libot niini.

Isaias 1:7

Ang inyong yuta nahimong awaaw, ang inyong kalungsoran nangasunog; sa inyong atubangan ang mga langyaw naglamoy sa inyong yuta; ug nahimo kining awaaw ingon nga daw gilumpag sa mga langyaw.

Isaias 5:9

Ang Ginoo sa mga panon nanumpa diha sa akong pangdungog, “Daghan gayong mga balay nga mahimong biniyaan, dagko ug matahom nga mga balay, walay magpuyo.

Isaias 6:11

Unya miingon ako, “Hangtod kanus-a O Ginoo?” Ug siya miingon, “Hangtod nga ang mga siyudad mahimong kamingawan ug walay magpuyo, ug ang mga kabalayan walay tawo, ug ang yuta mahimong biniyaan sa hingpit,

Jeremias 2:15

Ang mga liyon nagngulob batok kaniya, nangugulob sila pag-ayo. Ilang gihimo nga awaaw ang iyang yuta; ang iyang mga siyudad nangagun-ob, walay nagpuyo.

Jeremias 22:6

Kay mao kini ang giingon sa Ginoo mahitungod sa balay sa hari sa Juda: “ ‘Ikaw sama sa Gilead alang kanako, sama sa kinatumyan sa Lebanon, apan himoon ko gayod ikaw nga kamingawan, siyudad nga walay magpuyo.

Jeremias 22:7

Mag-andam ako ug mga tiglaglag batok kanimo, ang matag usa uban ang iyang mga hinagiban; ug sila magputol sa mga pinili nimong sedro ug isalibay kini ngadto sa kalayo.

Jeremias 25:38

Sama sa usa ka liyon, siya mibiya sa iyang tagoanan, kay ang ilang yuta nahimong usa ka awaaw tungod sa espada sa nagdaogdaog, ug tungod sa iyang bangis nga kasuko.”

Jeremias 25:9

ipadala nako ang tanang mga banay sa amihanan, nag-ingon ang Ginoo, ug si Nabucodonosor nga hari sa Babilonia nga akong alagad, ug dad-on nako sila batok niining yutaa, ug batok sa mga nagpuyo niini ug batok niining tanan nga mga nasod nga naglibot. Laglagon gayod nako sila ug himoon nga usa ka kalisangan ug talamayon ug walay kataposan nga kaulawan.

Jeremias 26:9

Nganong nagpropesiya man ikaw pinaagi sa ngalan sa Ginoo nga nag-ingon, ‘Kining balaya mahisama sa Silo, ug kining siyudara mahimong biniyaan nga walay nagpuyo’?” Ug ang tibuok katawhan mialirong kang Jeremias didto sa balay sa Ginoo.

Jeremias 27:8

“ ‘Apan kon adunay nasod o gingharian nga dili mag-alagad sa maong Nabucodonosor nga hari sa Babilonia, ug dili magpasangon sa ilang liog sa yugo sa hari sa Babilonia, akong silotan ang maong nasod pinaagi sa espada, pinaagi sa gutom ug pinaagi sa kamatay, nag-ingon ang Ginoo, hangtod nga mapuo nako sila pinaagi sa iyang kamot.

Jeremias 33:10

“Mao kini ang giingon sa Ginoo: Niining dapita nga imong giingon, ‘Biniyaan kini, walay tawo o mananap,’ sa mga siyudad sa Juda, ug sa kadalanan sa Jerusalem nga mingaw, walay tawo o lumulupyo o mananap, didto madunggan na usab

Jeremias 34:22

Ako magsugo, nag-ingon ang Ginoo, ug dad-on nako sila pagbalik niining siyudara, ug sila makig-away batok niini ug magkuha niini ug magsunog niini sa kalayo. Ang mga siyudad sa Juda himoon nako nga mingaw, walay magpuyo.”

Jeremias 4:29

Ang tanang siyudad mokagiw tungod sa kasaba sa mga tigkabayo ug sa mga tigpana; sila moadto sa mga kalibonan; sila mokatkat sa kapangpangan; ang tanang siyudad biyaan, ug walay tawo nga magpuyo didto.

Jeremias 44:2

“Mao kini ang giingon sa Ginoo sa mga panon, ang Dios sa Israel: Nakakita kamo sa tanang kadaotan nga akong gipadala ngadto sa Jerusalem ug ngadto sa tanang mga siyudad sa Juda. Tan-awa, niining adlawa sila mangahimo nga biniyaan, ug walay tawo nga magpuyo didto

Jeremias 46:18

“Ingon nga buhi ako, nag-ingon ang Hari nga ang ngalan si Yahweh sa mga panon, sama sa Tabor taliwala sa mga bukid, ug sama sa Carmel nga anaa duol sa dagat, ang usa ka tawo moduol.

Jeremias 49:19

Sama sa usa ka liyon nga moabot gikan sa kakahoyan sa Jordan batok sa lig-on nga toril, padaganon dayon nako sila gikan kaniya ug akong itudlo ibabaw kaniya si bisan kinsa nga akong gipili. Kay kinsa man ang sama kanako? Kinsa ang mopatawag kanako? Kinsa ang tigbantay sa karnero nga makabarog sa akong atubangan?

Jeremias 5:6

Tungod niini usa ka liyon nga gikan sa lasang mopatay kanila, usa ka lobo gikan sa kamingawan molaglag kanila. Usa ka leopardo magbantay batok sa ilang mga siyudad, ang matag usa nga mogula gikan didto kuniskunison; kay ang ilang mga kalapasan daghan, ang ilang mga pagbiya sa pagtuo nagkadaghan.

Jeremias 50:17

“Ang Israel mao ang giayam nga karnero nga giabog sa mga liyon. Una, ang hari sa Asiria milamoy kaniya ug karon sa kataposan gikitkit ang iyang mga bukog ni Nabucodonosor nga hari sa Babilonia.

Jeremias 50:44

“Sama sa usa ka liyon mga motungha gikan sa lasang sa Jordan batok sa usa ka lig-ong toril sa mga karnero, sa kalit padaganon nako sila gikan kaniya ug akong itudlo ibabaw kaniya si bisan kinsa nga akong pilion. Kay kinsa man ang sama kanako? Kinsa ba ang mopatawag kanako? Kinsa ba nga tigbantay sa karnero ang makabarog sa akong atubangan?

Jeremias 8:16

“Ang pangusmo sa ilang mga kabayo nadungog gikan sa Dan, sa pagbahihi sa ilang mga kabayo ang tibuok yuta mikurog. Sila miabot ug milamoy sa yuta ug sa tanan nga anaa niini, ang siyudad ug kadtong nagpuyo sa sulod niini.

Jeremias 9:11

Himoon nako ang Jerusalem nga usa ka tinapok sa nangatumpag, usa ka puluy-anan sa mga irong ihalas; ug buhaton nako ang mga siyudad sa Juda nga biniyaan, wala nay magpuyo.”

Ezequiel 12:20

Ug ang mga siyudad nga gipuy-an himoon nga awaaw ug ang yuta mahimong biniyaan. Ug kamo makaila nga ako mao ang Ginoo.”

Ezequiel 21:31

Ug akong ibubo ang akong kapungot nganha kanimo. Huypan ko ikaw ug kalayo sa akong kasuko ug itugyan ko ikaw ngadto sa kamot sa mga bangis nga tawo, nga batid sa paglaglag.

Ezequiel 32:2

“Anak sa tawo, pagbangutan alang sa Paraon nga hari sa Ehipto ug ingna siya: Ikaw nagpakasama sa usa ka liyon taliwala sa mga nasod, apan ikaw sama sa usa ka dragon sa kadagatan, ug ikaw migula sa imong mga suba, ug gikutaw nimo ang katubigan pinaagi sa imong mga tiil, ug gilubog nimo ang ilang mga suba.

Daniel 5:19

Ug tungod sa pagkabantogan nga iyang gihatag kaniya, ang tanang mga katawhan, mga nasod ug mga pinulongan nagkurog ug nangahadlok sa iyang atubangan. Ang buot niyang patyon iyang gipatay, ang buot niyang mabuhi iyang gibuhi, ang buot niyang bayawon iyang gibayaw, ug ang buot niyang ipaubos iyang gipaubos.

Daniel 7:4

Ang una sama sa usa ka liyon, ug adunay mga pako sa agila. Unya samtang nagtan-aw ako, ang mga pako niini nangaibot ug kini gialsa gikan sa yuta ug gipatindog sa duha ka tiil sama sa usa ka tawo ug ang panghunahuna sa tawo gihatag niini.

Levitico 26:31

Ang inyong mga lungsod himoon nako nga kamingawan ug gub-on nako ang inyong mga balaang dapit ug dili nako panimahoon ang kahumot sa inyong humot nga halad.

Levitico 26:33

Patibulaagon kamo nako taliwala sa mga nasod ug laniton nako ang espada ug gukdon kamo ug ang inyong yuta mangatumpag ug mangalaglag ang inyong mga lungsod.