Jeremias 4:5

Ang Biblia 2011

Ipahayag ninyo sa Juda, ug isangyaw sa Jerusalem, ug ingna sila, “Patingoga ang mga trumpeta diha sa yuta; singgit ug kusog ug pag-ingon, ‘Pagtigom kamo, ug paadtoa kami sa mga kinutaan nga mga siyudad!’

Cross References

Isaias 28:19

Sa makadaghan nga kini moagi, kini mokuha kaninyo; kay sa matag buntag kini moagi, sa adlaw ug sa gabii; ug makalilisang gayod ang pagsabot sa mensahe niini.

Jeremias 11:2

“Pamatia ang mga pulong niining kasabotan, ug sultihi ang katawhan sa Juda ug ang mga nagpuyo sa Jerusalem.

Jeremias 35:11

Apan sa diha nga si Nabucodonosor nga hari sa Babilonia misulong sa yuta, kami miingon, ‘Dali, mangadto kita sa Jerusalem tungod sa kahadlok sa kasundalohan sa mga Caldeanhon ug sa kasundalohan sa mga Siriahanon.’ Busa ania, nagpuyo kami sa Jerusalem.”

Jeremias 5:20

Ipahayag ninyo kini diha sa balay ni Jacob, ug isangyaw kini sa Juda:

Jeremias 6:1

Pangagiw kamo aron maluwas, O katawhan ni Benjamin, gikan sa kinataliwad-an sa Jerusalem! Patingoga ang trumpeta didto sa Tekoa, ug pag-isa ug ilhanan diha sa Bet-hakerem, kay ang daotan mitunga gikan sa amihanan, ug ang usa ka dakong pagkalaglag.

Jeremias 8:14

Nganong naglingkod kita nga hilom? Pagtigom kamo, ug manulod kita ngadto sa mga kinutaan nga siyudad ug mangamatay didto; kay ang Ginoo nga atong Dios nagsilot kanato aron mamatay, ug naghatag kanato ug tubig nga may hilo aron imnon, tungod kay kita nakasala batok sa Ginoo.

Jeremias 9:12

Kinsa bay tawo nga maalamon kaayo nga makasabot niini? Kinsa bay gisultihan sa Ginoo, aron siya makapahayag niini? Nganong nalaglag man ang yuta ug naawaaw sama sa kamingawan, nga tungod niini wala nay moagi?

Ezequiel 7:14

“Gipatingog na nila ang trumpeta ug gipaandam na ang tanan, apan walay usa nga miadto sa gubat tungod kay ang akong kasuko anaa sa tibuok katawhan.

Oseas 8:1

Itaon sa imong baba ang trumpeta! Kay ang agila anaa sa balay sa Ginoo, tungod kay ilang giguba ang akong kasabotan ug gilapas ang akong Balaod.

Joel 2:1

Patingoga ninyo ang trumpeta didto sa Zion; ipalanog ang pasidaan diha sa akong bukid nga balaan! Pakuroga ang tanang nagpuyo sa yuta kay ang adlaw sa Ginoo nagsingabot, nagkaduol na,

Amos 3:6

Gipatingog ba ang trumpeta diha sa siyudad, ug ang katawhan wala mahadlok? Mahiagom ba sa kadaotan ang usa ka siyudad gawas kon ang Ginoo ang naghimo niini?

Amos 3:8

Ang liyon mingulob na; kinsay dili mahadlok? Ang Ginoong Dios misulti, kinsay makahimo kondili magpropesiya?”

Numeros 10:2

“Pagbuhat ug duha ka trumpeta nga plata. Buhata kini pinaagi sa pagsalsal ug gamita kini alang sa pagtawag sa katilingban ug alang sa pagpalakaw sa nagkampo.

Numeros 10:3

Ug sa diha nga patingogon nila ang duha, ang tibuok nga katilingban magtigom ngadto sa ganghaan sa tolda nga tagboanan.

Josue 10:20

Ug sa nahuman na si Josue ug ang katawhan sa Israel sa pagpamatay kanila sa dakong pagpamatay hangtod nga sila nangahurot, ug ang nahibilin kanila nakasulod na ngadto sa mga siyudad nga kinutaan,