Jeremias 4:28

Ang Biblia 2011

Tungod niini ang yuta magsubo, ug ang kalangitan sa ibabaw mahimong itom; kay ako misulti niini, ako nagtinguha niini; wala ako magbasol, o motalikod gikan niini.”

Cross References

Isaias 24:4

Ang yuta nagbangutan ug nagkawala, ang kalibotan nag-antos ug nagkahanaw; ang kalangitan nagsubo uban sa yuta.

Isaias 34:4

Ang tanan nga panon sa langit mangadunot, ug ang kalangitan lukoton ingon sa usa ka linukot nga basahon. Ang tanan nilang panon mangahulog, sama sa mga dahon nga mangalarag gikan sa paras, sama sa dahon sa igera nga nagkalarag.

Isaias 5:30

Magngulob sila batok kanila nianang adlawa sama sa dinahunog sa dagat. Ug kon adunay usa nga molantaw sa yuta, makita nila ang kangitngit ug kasub-anan, ug ang kahayag mangitngitan tungod sa mga panganod niini.

Isaias 50:3

Akong gibistihan ug kangitngit ang kalangitan, ug naghimo sa sako nga ilang tabon.”

Jeremias 12:11

Kini gihimo nila nga awaaw; mingaw ug kini nagsubo ngari kanako. Ang tibuok nga yuta nahimong kamingawan, apan walay tawo nga nagtagad niini diha sa iyang kasingkasing.

Jeremias 12:4

Hangtod kanus-a ba ang yuta magsubo, ug mangalaya ang mga sagbot sa tanang yuta? Kay tungod sa pagkadaotan sa mga nagpuyo didto, ang mga mananap ug ang mga langgam nangahanaw tungod kay ang mga tawo miingon, “Siya dili makakita sa atong binuhatan.”

Jeremias 14:2

“Ang Juda nagsubo, ug nagluya ang mga ganghaan niini; ang iyang katawhan nagbangutan diha sa yuta, ug ang pagtuaw sa Jerusalem midangat sa itaas.

Jeremias 23:10

Kay ang yuta napuno sa mga mananapaw; tungod sa tunglo ang yuta nagsubo ug ang mga sibsibanan sa kamingawan nangauga. Ang ilang gisubay daotan, ug ang ilang kusog dili matarong.

Jeremias 23:20

Ang kasuko sa Ginoo dili mosibog hangtod nga iyang mabuhat ug matapos ang katuyoan sa iyang kasingkasing. Sa ulahing mga adlaw masabtan ninyo kini pag-ayo.

Jeremias 30:24

Ang bangis nga kapungot sa Ginoo dili na mosibog hangtod nga mabuhat niya ug matuman ang mga tinguha sa iyang kasingkasing. Sa ulahing mga adlaw inyo kining masabtan.

Jeremias 51:12

Pagbutang ug bandila batok sa mga paril sa Babilonia; lig-ona ang bantayan; pagbutang ug mga tigbantay; andama ang mga pagpangatang; kay ang Ginoo naglaraw ug naghimo sa iyang gisulti mahitungod sa mga nagpuyo sa Babilonia.

Jeremias 7:16

“Busa ikaw, ayaw pag-ampo alang niini nga katawhan o magpatugbaw ug pagtuaw o mag-ampo alang kanila, ug ayaw pagpakiluoy kanako alang kanila kay ako dili mamati kanimo.

Mga Pagbangotan 2:17

Gihimo na sa Ginoo ang iyang gilaraw, nagtuman sa iyang bahad; ingon nga iyang gitakda sa dugayng panahon, siya nangguba nga walay kukaluoy; iyang gihimo nga maglipay ang kaaway batok kanimo, ug gipasidunggan ang gahom sa imong mga kaaway.

Ezequiel 24:14

“Ako, ang Ginoo, mao ang nagsulti; Kini mahitabo gayod ug buhaton nako kini. Dili ako mosibog, dili ako magsaylo, dili ako maghinulsol. Sumala sa imong mga pamaagi ug sa imong mga buhat, hukman ko ikaw, nag-ingon ang Ginoong Dios.”

Oseas 13:14

Lukaton ba nako sila gikan sa gahom sa Sheol? Tubson ba nako sila gikan sa kamatayon? O kamatayon, hain man ang imong mga hampak? O Sheol, hain man ang imong paglaglag? Ang kaluoy natago gikan sa akong mga mata.

Oseas 4:3

Busa ang yuta nagsubo, ug ang tanang nagpuyo niini nagluya, ug usab ang mga mananap sa kapatagan ug ang mga langgam sa kalangitan ug bisan ang mga isda sa dagat gipanguha.

Joel 1:10

Ang kaumahan nangadaot, ang yuta nagsubo; tungod kay gilaglag ang trigo, ang bino nauga, ang lana nahubas.

Zacarias 8:14

Kay mao kini ang giingon sa Ginoo sa mga panon, “Ingon nga ako naghunahuna sa pagsilot kaninyo, sa diha nga ang inyong mga katigulangan naghagit kanako sa pagkasuko, ug wala ako malukmay, nag-ingon ang Ginoo sa mga panon,

Numeros 23:19

Ang Dios dili tawo nga siya mamakak, o anak sa tawo nga siya maghinulsol. Nagsulti ba siya ug dili niya kini buhaton? O nagsulti ba siya ug dili niya kini tumanon?

Mateo 27:45

Sukad sa udtong tutok mingitngit ang tibuok yuta hangtod sa ikatulo nga takna sa hapon. ikasiyam nga takna.

Marcos 15:33

Sa pag-abot sa udtong tutok, dihay kangitngit sa tibuok kayutaan hangtod sa ikatulo nga takna.

Lucas 23:44

Hapit na kadto moabot ang udtong tutok, unya mingitngit ang tibuok kayutaan hangtod sa ikatulong takna sa hapon,

Mga Taga-Efeso 1:11

Diha kang Cristo, kita gipili nga mahimong panulundon nga gibut-an nang daan sumala sa katuyoan niya nga naghimo diha sa tanang mga butang sumala sa katuyoan sa iyang kabubut-on

Mga Taga-Efeso 1:9

iyang gipahibalo kanato ang tinago mahitungod sa iyang kabubut-on, sumala sa iyang maayong tuyo nga gilaraw niya diha kang Cristo

Mga Hebreo 7:21

apan kini siya gisultihan uban ang panumpa nga nag-ingon, “Ang Ginoo nanumpa ug dili niya usbon ang iyang hunahuna, ‘Ikaw pari hangtod sa kahangtoran.’ ”

Gipadayag 6:12

Ug sa pagbukas niya sa ikaunom nga silyo, akong nakita nga dihay usa ka kusog nga linog, ug ang adlaw miitom sama sa sako nga hinimo gikan sa balhibo, ang tibuok nga bulan nahimong daw dugo,

1 Samuel 15:29

Ug usab ang Himaya sa Israel dili magbakak o magbasol kay dili siya usa ka tawo nga kinahanglang magbasol.”