Jeremias 4:26

Ang Biblia 2011

Mitan-aw ako, ug akong nakita nga ang mabungahon nga yuta nahimong kamingawan, ug ang tanang mga siyudad niini nangalumpag sa atubangan sa Ginoo, sa atubangan sa iyang bangis nga kasuko.

Cross References

Salmo 107:34

ang tabunok nga yuta ngadto sa asinon nga dapit, tungod sa pagkadaotan nila nga nagpuyo niini.

Salmo 76:7

Apan ikaw, ikaw makalilisang gayod! Kinsay makabarog sa imong atubangan sa diha nga ikaw masuko?

Jeremias 12:13

Sila nagpugas ug trigo apan nag-ani ug mga tunok, naghago sila sa ilang kaugalingon apan walay nakuha. Sila maulawan sa ilang mga abot, tungod sa bangis nga kasuko sa Ginoo.”

Jeremias 12:4

Hangtod kanus-a ba ang yuta magsubo, ug mangalaya ang mga sagbot sa tanang yuta? Kay tungod sa pagkadaotan sa mga nagpuyo didto, ang mga mananap ug ang mga langgam nangahanaw tungod kay ang mga tawo miingon, “Siya dili makakita sa atong binuhatan.”

Jeremias 25:11

Kining tibuok nga yuta mahimo nga ginuba ug biniyaan, ug kining mga nasora mag-alagad sa hari sa Babilonia sulod sa 70 ka tuig.

Jeremias 7:34

Unya akong pahilomon gikan sa mga siyudad sa Juda ug sa kadalanan sa Jerusalem ang tingog sa hudyaka ug ang tingog sa kalipay, ang tingog sa pamanhonon ug ang tingog sa pangasaw-onon kay ang yuta mahimong usa ka awaaw.

Jeremias 9:10

“Himoa ang paghilak ug ang pagminatay alang sa kabukiran, ug pagbangutan alang sa sibsibanan sa kamingawan, tungod kay naawaaw na kini mao nga wala nay moagi niini, ug ang pag-inga sa mga baka dili na madungog; ang mga langgam sa kalangitan ug ang mga mananap namiya ug nangahanaw.

Mga Pagbangotan 2:7

Ang Ginoo nagtamay sa iyang halaran, nagsalikway sa iyang balaang puluy-anan; iyang gitugyan ngadto sa kamot sa iyang kaaway ang mga paril sa iyang mga palasyo; adunay kagubot sulod sa balay sa Ginoo, sama sa adlaw sa gitakda nga kasaulogan.

Levitico 26:31

Ang inyong mga lungsod himoon nako nga kamingawan ug gub-on nako ang inyong mga balaang dapit ug dili nako panimahoon ang kahumot sa inyong humot nga halad.

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.

Sofonias 1:18

Ang ilang plata ug ang ilang bulawan dili makaluwas kanila sa adlaw sa kaligutgot sa Ginoo, sa kalayo sa iyang pagpangabubho, ang tibuok kalibotan maut-ot; kay sa kalit taposon niya sa makalilisang gayod silang tanan nga nagpuyo sa yuta.