Jeremias 4:24

Ang Biblia 2011

Mitan-aw ako sa kabukiran, ug akong nakita nga kini nagkurog, ug ang tanang kabungtoran natay-og ngadto ug nganhi.

Cross References

1 Mga Hari 19:11

Ug siya miingon, “Lakaw ug tindog sa tumoy sa bukid sa atubangan sa Ginoo.” Ug ang Ginoo miagi, ug usa ka dako ug kusog nga hangin mibuak sa mga bukid, ug nangatipak ang mga bato sa atubangan sa Ginoo, apan ang Ginoo wala diha sa hangin; ug human sa hangin, usa ka linog apan ang Ginoo wala diha sa linog;

Salmo 18:7

Unya ang yuta nauyog ug milinog; ang mga patukoranan usab sa mga bukid natay-og ug mikurog, tungod kay siya nasuko.

Salmo 77:18

Ang dinahunog sa imong dalugdog anaa sa mga alimpulos; ang mga kilat mihayag sa kalibotan; ang yuta mikurog ug nauyog.

Salmo 97:4

Ang iyang mga kilat midan-ag sa kalibotan; ang yuta nakakita ug mikurog.

Exodo 19:18

Ug ang tibuok Bukid sa Sinai nalukop sa aso kay ang Ginoo mikunsad sa ibabaw niini pinaagi sa kalayo ug ang aso niini miutbo sama sa aso sa usa ka hudno ug ang tibuok nga bukid nauyog sa hilabihan gayod.

Isaias 13:13

Busa pakurogon nako ang kalangitan, ug ang yuta matay-og gikan sa dapit niini, sa kaligutgot sa Ginoo sa mga panon, sa adlaw sa iyang pintas nga kasuko.

Isaias 24:20

Ang yuta nagsusapinday sama sa usa ka hubog, ug nagtuyatuya sama sa usa ka payag; ang kalapasan niini bug-at sa ibabaw niini, ug matumpag kini, ug dili na motindog pag-usab.

Isaias 5:25

Busa ang kasuko sa Ginoo misilaob batok sa iyang katawhan, ug iyang gibakyaw ang iyang kamot batok kanila ug gilaglag sila; ug ang kabukiran nauyog, ug ang ilang mga minatay nahisama sa basura taliwala sa mga dalan. Bisan pa niining tanan ang iyang kasuko wala mapalong, ug ang iyang kamot iya pa gihapong gibakyaw.

Jeremias 10:10

Apan ang Ginoo mao ang matuod nga Dios. siya mao ang buhi nga Dios ug ang dayon nga Hari. Sa iyang kasuko, ang yuta mokurog, ug ang kanasoran dili makalahutay sa iyang kapungot.

Jeremias 8:16

“Ang pangusmo sa ilang mga kabayo nadungog gikan sa Dan, sa pagbahihi sa ilang mga kabayo ang tibuok yuta mikurog. Sila miabot ug milamoy sa yuta ug sa tanan nga anaa niini, ang siyudad ug kadtong nagpuyo sa sulod niini.

Jeremias 9:10

“Himoa ang paghilak ug ang pagminatay alang sa kabukiran, ug pagbangutan alang sa sibsibanan sa kamingawan, tungod kay naawaaw na kini mao nga wala nay moagi niini, ug ang pag-inga sa mga baka dili na madungog; ang mga langgam sa kalangitan ug ang mga mananap namiya ug nangahanaw.

Ezequiel 38:20

Ang mga isda sa dagat, ang mga langgam sa kalangitan, ang mga mananap sa kapatagan, ang tanang mga butang nga nagkamang sa yuta ug ang tanang mga tawo nga anaa ibabaw sa yuta, mokurog sa akong atubangan, ug ang mga bukid mangapukan, ug ang mga pangpang mangatumpag, ug ang tanang mga kuta mangahugno ngadto sa yuta.

Miqueas 1:4

Unya ang mga bukid matunaw sa ilalom niya, ug ang mga walog mabahin, sama sa talo sa atubangan sa kalayo, sama sa katubigan nga ibubo sa kimba nga dapit.

Habacuc 3:10

Ang kabukiran nakakita kanimo, ug nangurog; ang nagbul-og nga tubig mibaha; ang kahiladman nagpagula sa iyang tingog, kini nagbayaw sa iyang mga kamot ngadto sa itaas.

Habacuc 3:6

Mitindog siya ug gisukod ang yuta; mitan-aw siya ug gitay-og ang mga nasod; unya gikatag ang walay kataposan nga kabukiran, naunlod ang mga bungtod nga walay kataposan. Ang iyang mga pamaagi sama sa karaang panahon.

Gipadayag 6:14

Ang langit nahanaw sama sa usa ka basahon nga gilukot, ug ang tanang kabukiran ug kapuloan nangabalhin gikan sa ilang matag usa ka dapit.