Jeremias 4:20

Ang Biblia 2011

Ang katalagman nagsunod sa katalagman, ang tibuok nga yuta nalaglag. Sa kalit ang akong mga tolda nangalumpag, ang akong mga tabil sa usa lamang ka pagpamilok.

Cross References

Salmo 42:7

Ang kahiladman nagtawag ngadto sa kahiladman sa dinahunog sa imong mga busay; ang tanan nimong mga balod milapaw kanako.

Salmo 72:19

Dalaygon ang iyang mahimayaong ngalan hangtod sa kahangtoran; mapuno unta sa iyang himaya ang tibuok nga yuta! Amen ug Amen!

Exodo 33:5

Kay ang Ginoo miingon kang Moises, “Sultihi ang katawhan sa Israel, ‘Kamo katawhan nga tikig ug liog. Kon sa makadiyot motungas ako uban kaninyo, puohon ko gayod kamo. Busa karon tangtanga ang inyong mga alahas gikan kaninyo aron ako mahibalo sa akong buhaton kaninyo.’ ”

Isaias 13:6

Pagminatay kamo, kay ang adlaw sa Ginoo duol na; ingon nga kalaglagan gikan sa Labing Gamhanan kini moabot!

Isaias 15:5

Ang akong kasingkasing nagtuaw alang sa Moab; ang iyang mga kagiw nangikyas ngadto sa Zoar, sa Eglat-selisiya. Kay diha sa tungasan sa Luhit sila mitungas nga naghilak; sa agianan sa Horonaim sila mipatugbaw ug usa ka pagtuaw sa kalaglagan;

Isaias 33:20

Tan-awa ang Zion, ang siyudad sa atong mga tinakda nga kasaulogan! Ang imong mga mata makakita sa Jerusalem, usa ka puluy-anan nga malinawon, usa ka tolda nga dili mabalhin, ang mga lagdok niini dili gayod lukahon, o bugtoon ang bisan usa sa mga pisi niini.

Isaias 47:9

Kining duha ka butang modangat kanimo sa kalit, sa usa ka adlaw, ang pagkawala sa mga anak ug ang pagkabiyuda, modangat kanimo sa hingpit nga sukod, bisan sa kadaghan sa imong mga tigsalamangka ug sa dako nga gahom sa imong mga lamat.

Isaias 54:2

Padakoa ang dapit sa imong tolda, ug ipabukhad ang mga tabil sa imong mga puluy-anan; ayaw pugngi, patas-i ang imong mga pisi, ug lig-ona ang imong mga ugsok.

Jeremias 12:11

Kini gihimo nila nga awaaw; mingaw ug kini nagsubo ngari kanako. Ang tibuok nga yuta nahimong kamingawan, apan walay tawo nga nagtagad niini diha sa iyang kasingkasing.

Jeremias 17:18

Pakaulawi kadtong naglutos kanako, apan ayaw ako pakaulawi; lisanga sila, apan ayaw ako lisanga; ipadangat kanila ang adlaw sa kadaotan; laglaga sila sa pinilo nga pagkalaglag!

Jeremias 4:21

Hangtod kanus-a ba nga akong makita ang bandila, ug mabati ang tingog sa trumpeta?

Jeremias 4:27

Kay mao kini ang giingon sa Ginoo, “Ang tibuok nga yuta mahimong biniyaan, apan dili nako kini taposon.

Jeremias 4:6

Pag-isa ug bandila paatubang sa Zion, palayo aron maluwas, ayaw pagpabilin, kay gikan sa amihanan magpadala ako ug kadaotan ug usa ka dakong kalaglagan.

Jeremias 9:18

padalia sila ug paminataya alang kanamo, aron ang among mga mata makapaagas ug mga luha, ug ang among mga tabontabon mopabuhagay ug tubig.

Mga Pagbangotan 3:47

kalisang ug kapukanan midangat kanamo, pagkagun-ob ug pagkalaglag;

Ezequiel 14:21

“Kay mao kini ang giingon sa Ginoong Dios: Unsa pa kaha kon ipadala nako ang akong upat ka dagkong hukom ngadto sa Jerusalem, ang espada ug ang gutom ug ang mga bangis nga mananap ug ang kamatay aron sa paglaglag gikan niini sa tawo ug mananap!

Joel 1:15

Alaot kining adlawa! Kay ang adlaw sa Ginoo duol na, ug ingon nga paglaglag gikan sa Labing Gamhanan moabot kini.

Levitico 26:18

Kon nianang mga butanga dili gihapon kamo mamati kanako, kastigohon ko kamo ug pito ka pilo tungod sa inyong mga sala.

Levitico 26:21

“Kon maglakaw kamo nga batok kanako ug kamo dili mamati kanako, dugangan nako ug pito ka pilo ang mga hampak sumala sa inyong mga sala.

Levitico 26:24

ako usab maglakaw batok kaninyo ug ako gayod maghampak kaninyo sa pito ka pilo tungod sa inyong mga sala.

Levitico 26:28

ako maglakaw batok kaninyo nga adunay kaligutgot ug kastigohon ko kamo pag-usab sa pito ka pilo tungod sa inyong mga sala.

Habacuc 3:7

Nakita nako ang mga balongbalong sa Cusan nga diha sa kasakitan; nangurog ang mga tabil sa yuta sa Midian.

Numeros 16:21

“Palayo kamo gikan sa taliwala niining katilingban aron hutdon nako sila sa usa ka pagpamilok.”

Numeros 16:45

“Palayo kamo gikan sa taliwala niining katilingban aron hutdon nako sila sa usa ka pagpamilok.” Ug sila mihapa.

Mateo 10:28

Ayaw ninyo kahadloki kadtong mopatay sa lawas apan dili makahimo pagpatay sa kalag apan kahadloki hinuon ninyo ang makahimo paglaglag sa kalag ug lawas didto sa imperno.

2 Mga Taga-Tesalonica 1:9

Mahiagom unya sila sa silot nga walay kataposang pagkalaglag ug mahilayo gikan sa atubangan sa Ginoo ug gikan sa himaya sa iyang gahom