Jeremias 4:16

Ang Biblia 2011

Pasidan-i ang kanasoran nga siya umaabot; ipahibalo ngadto sa Jerusalem, “Mga kasundalohan misulong gikan sa layo nga kayutaan; sila nagsinggit batok sa mga siyudad sa Juda.

Cross References

Isaias 34:1

Duol kamo, O mga nasod, aron sa pagpamati, ug pamati, O mga katawhan! Papamatia ang yuta ug ang tanan nga nakapuno niini, ang kalibotan, ug ang tanan nga gikan niini.

Isaias 39:3

Unya si Isaias nga propeta miadto kang Hari Hesekias, ug miingon kaniya, “Unsay giingon niining mga tawhana? Ug diin gikan sila nga mianhi kanimo?” Ug si Hesekias miingon, “Sila mianhi kanako gikan sa usa ka layo nga yuta, gikan sa Babilonia.”

Jeremias 1:15

Kay, tan-awa, ako magtawag sa tanang mga banay sa mga gingharian sa amihanan, nag-ingon ang Ginoo. Ug sila mangabot, ug ang matag usa magpahiluna sa iyang trono diha sa agianan sa mga ganghaan sa Jerusalem, batok sa tanang mga paril nga naglibot niini, ug batok sa tanang mga siyudad sa Juda.

Jeremias 16:6

Ang mga dagko ug mga gagmay mangamatay dinhi niining yutaa. Dili sila ilubong, ug walay magbangutan alang kanila, o magsamad sa iyang kaugalingon o magpaupaw sa iyang kaugalingon tungod kanila.

Jeremias 2:15

Ang mga liyon nagngulob batok kaniya, nangugulob sila pag-ayo. Ilang gihimo nga awaaw ang iyang yuta; ang iyang mga siyudad nangagun-ob, walay nagpuyo.

Jeremias 31:10

“Pamatia ninyo ang pulong sa Ginoo, O kanasoran, ug ipahayag kini sa mga pulo sa layo; ingna, ‘Siya nga nagpatibulaag sa Israel magtigom kaniya, ug magbantay kaniya sama sa usa ka tigbantay nga magbantay sa iyang panon.’

Jeremias 39:1

Sa ikasiyam nga tuig ni Zedekias nga hari sa Juda, sa ikanapulo nga bulan, si Nabucodonosor nga hari sa Babilonia ug ang tibuok niyang kasundalohan misulong sa Jerusalem ug gilibotan kini.

Jeremias 4:17

Sama sa mga tigbantay sa usa ka uma sila makigbatok libot kaniya, tungod kay siya misupil kanako, nag-ingon ang Ginoo.

Jeremias 5:15

Tan-awa, padad-an ko kamo ug usa ka nasod gikan sa layo, O balay sa Israel, nag-ingon ang Ginoo. Kini usa ka gamhanan nga nasod usa ka karaan nga nasod, usa ka nasod nga ang pinulongan wala nimo mahibaloi, o masabtan nimo ang ilang gisulti.

Jeremias 5:6

Tungod niini usa ka liyon nga gikan sa lasang mopatay kanila, usa ka lobo gikan sa kamingawan molaglag kanila. Usa ka leopardo magbantay batok sa ilang mga siyudad, ang matag usa nga mogula gikan didto kuniskunison; kay ang ilang mga kalapasan daghan, ang ilang mga pagbiya sa pagtuo nagkadaghan.

Jeremias 50:2

“Isulti ninyo sa mga nasod ug ipahibalo, ug pagpatindog ug usa ka bandila ug ipahibalo, ayaw kini tagoa, ug isulti: ‘Ang Babilonia nailog na, si Bel gipakaulawan, si Merodak nalisang. Ang iyang mga larawan gipakaulawan, ang iyang mga diosdios nangalisang.’

Jeremias 6:18

Busa pamati kamo, O mga nasod, ug hibaloi, O katilingban, unsay mahitabo kanila.

Jeremias 6:19

Pamati, O yuta; tan-awa, ako magpadala ug kadaot diha niini nga katawhan, ang bunga sa ilang mga laraw, tungod kay wala sila mamati sa akong mga pulong; ug mahitungod sa akong Balaod, gisalikway nila kini.

Jeremias 6:22

Mao kini ang giingon sa Ginoo: “Tan-awa, usa ka katawhan moabot gikan sa yuta sa amihanan, ang usa ka dakong nasod nangandam sa pagsulong gikan sa mga kinatumyang dapit sa yuta.

Jeremias 6:23

Sila nagkupot ug mga pana ug bangkaw, sila bangis ug walay kaluoy, ang ilang tingog sama sa nagdahunog nga dagat; sila nagsakay sa mga kabayo, gihan-ay ingon nga usa ka tawo alang sa gubat batok kaninyo, O anak nga babaye sa Zion!”

Jeremias 8:19

Pamatia ang pagtuaw sa anak nga babaye sa akong katawhan gikan sa tibuok nga yuta: “Wala ba ang Ginoo diha sa Zion? Wala ba ang iyang Hari diha kaniya?” “Nganong gihagit nila ako sa pagkasuko pinaagi sa ilang mga kinulit nga larawan, ug sa ilang mga langyaw nga diosdios?”

Ezequiel 21:22

Sa iyang tuo nga kamot mao ang tagna alang sa Jerusalem, sa pagpahiluna sa mga troso nga igdudumbol, sa pagpabuka sa mga baba alang sa pagpatay, sa pagsinggit alang sa gubat, sa pagpahiluna ug mga troso nga igdudumbol sa mga kuta batok sa mga ganghaan, sa paghimo ug mga bundo ug pagtukod sa mga tore alang pagsulong.