Jeremias 4:14

Ang Biblia 2011

O Jerusalem, hugasi ang imong kasingkasing gikan sa kadaotan, aron ikaw maluwas. Hangtod kanus-a ba nga ang imong daotan nga hunahuna magpuyo diha kanimo?

Cross References

Salmo 119:113

Gidumtan nako ang mga maduhaduhaon, apan gihigugma nako ang imong Balaod.

Salmo 51:2

Hugasi ako pag-ayo gikan sa akong kasal-anan, ug hinloi ako gikan sa akong sala!

Salmo 66:18

Kon gipalabi pa nako ang kadaotan dinhi sa akong kasingkasing, ang Ginoo dili unta magpatalinghog.

Mga Panultihon 1:22

“Hangtod kanus-a ba, kamo nga mga yano, mahigugma sa pagkayano? Hangtod kanus-a ba ang mga mayubiton mahimuot sa ilang pagyubit ug ang mga buangbuang magdumot sa kahibalo?

Isaias 55:7

pabiyaa sa daotan sa iyang dalan, ug ang tawo nga dili matarong sa iyang mga hunahuna; ug pabalika siya sa Ginoo, aron siya maluoy kaniya, ug sa atong Dios, kay siya mopasaylo sa madagayaon gayod.

Jeremias 13:27

Nakita nako ang imong mga dulumtanan, ang imong mga pagpanapaw ug ang imong mga pagbahihi, ang kalaw-ay sa imong pagpakighilawas, diha sa mga bungtod sa kaumahan. Alaot ikaw, O Jerusalem! Unsa ba ka dugay hangtod nga ikaw mahimo nga hinlo?”

Jeremias 17:1

“Ang sala sa Juda gisulat pinaagi sa usa ka igsusulat nga puthaw; pinaagi sa tumoy sa diamante gikulit kini diha sa papan sa ilang kasingkasing ug sa mga sungaysungay sa ilang mga halaran,

Jeremias 18:11

Busa karon, isulti sa mga tawo sa Juda, ug sa mga nagpuyo sa Jerusalem: ‘Mao kini ang giingon sa Ginoo: Tan-awa, nag-umol ako ug daotan batok kaninyo, ug naghunahuna ug usa ka laraw batok kaninyo. Pamalik kamo, ang matag usa gikan sa iyang pamaagi nga daotan ug usba ninyo ang inyong mga pamaagi ug ang inyong mga buhat.’

Jeremias 2:22

Bisan pa ug gihugasan nimo ang imong kaugalingon ug lehiya ug gigamitan ug daghang sabon, ang mansa sa imong kasal-anan anaa pa gihapon sa akong atubangan, nag-ingon ang Ginoong Dios.

Jeremias 6:19

Pamati, O yuta; tan-awa, ako magpadala ug kadaot diha niini nga katawhan, ang bunga sa ilang mga laraw, tungod kay wala sila mamati sa akong mga pulong; ug mahitungod sa akong Balaod, gisalikway nila kini.

Ezequiel 18:31

Isalikway gikan kaninyo ang tanan ninyong kalapasan nga inyong gihimo batok kanako, ug bag-oha ninyo ang inyong kasingkasing ug bag-oha ang inyong espiritu! Kay ngano ba nga mamatay kamo, O balay sa Israel?

Zacarias 8:17

Ayaw kamo paglaraw ug daotan diha sa inyong mga kasingkasing batok sa usa ug usa ug ayaw higugmaa ang pagpanumpa ug bakak, kay kining tanang mga butanga akong gidumtan, nag-ingon ang Ginoo.”

Mateo 12:33

“Mahimong himoon ninyong maayo ang kahoy, ug maayo ang bunga niini, o himoon ba ninyong walay pulos ang kahoy ug mawalay pulos ang bunga niini, kay ang kahoy maila pinaagi sa bunga niini.

Lucas 11:39

Ug ang Ginoo miingon kaniya, “Kamong mga Pariseo naghinlo sa gawas sa kupa ug sa plato, apan sa sulod kamo puno sa panikas ug kadaotan.

Juan 13:9

Si Simon Pedro miingon kaniya, “Ginoo, dili lamang ang akong mga tiil, kondili lakip usab ang akong mga kamot ug ang akong ulo!”

Mga Buhat 8:22

Busa paghinulsol sa imong pagkadaotan ug pag-ampo sa Ginoo nga, kon mahimo, pasayloon ikaw nianang katuyoan sa imong kasingkasing.

Roma 1:21

kay bisan ug nahibalo sila sa Dios, wala nila siya pasidunggi ingon nga Dios o magpasalamat sila kaniya, hinuon ang ilang pangatarongan nahimong walay hinungdan ug gingitngitan ang ilang walay buot nga kasingkasing.

1 Mga Taga-Corinto 3:20

Ug usab, “Ang Ginoo nasayod nga ang mga hunahuna sa mga maalamon kawang lamang.”

Santiago 4:8

Paduol kamo sa Dios ug siya mopaduol kaninyo. Mga makasasala, hugasi ang inyong mga kamot, ug putlia ang inyong mga kasingkasing, kamong mga maduhaduhaon!