Jeremias 4:11

Ang Biblia 2011

Nianang panahona kini isulti ngadto niining katawhan ug sa Jerusalem, “Ang usa ka init nga hangin gikan sa mga hawan nga kabungtoran didto sa kamingawan ngadto sa anak nga babaye sa akong katawhan, dili alang sa pagtahop o pagpanghinlo,

Cross References

Salmo 11:6

Ngadto sa mga daotan magpaulan siya ug mga nagbaga nga uling ug asupri; hangin nga makasunog mao ang bahin sa ilang kupa.

Isaias 22:4

Busa ako miingon, “Lingiw gikan kanako, pahilaka ako ug pait nga mga luha, ayaw paghago sa paghupay kanako tungod sa kalaglagan sa anak nga babaye sa akong katawhan.”

Isaias 27:8

Pinaagi sa paghingilin, pinaagi sa pagbihag ikaw nakigbisog batok kanila; gipalagpot niya sila pinaagi sa iyang kusog nga huros sa adlaw sa hangin gikan sa silangan.

Isaias 41:16

Ikaw magtahop kanila, ug ang hangin magpadpad niini sa layo, ug ang unos magkatag niini. Ug ikaw maglipay diha sa Ginoo; ikaw maghimaya diha sa Balaan sa Israel.

Isaias 64:6

Kaming tanan nangahimo nga sama sa usa nga hugaw, ug ang tanan namong matarong nga binuhatan sama sa usa ka bisti nga nahugawan. Kaming tanan nangalaya sama sa usa ka dahon, ug ang among mga kasal-anan, sama sa hangin, nagpalid kanamo.

Jeremias 13:24

Katagon ko kamo sama sa uhot nga gipalid sa hangin nga gikan sa kamingawan.

Jeremias 14:17

“Isulti kanila kining pulonga: ‘Paagasa ang mga luha sa akong mga mata sa adlaw ug gabii, ug ayaw kini pahunonga, kay ang ulay nga anak sa akong katawhan nasamdan sa usa ka dakong samad, sa hilabihan ka kusog nga hampak.

Jeremias 23:19

Tan-awa, ang bagyo sa Ginoo! Ang kapungot migula, usa ka nagtuyoktuyok nga alimpulos; kini mobuto ibabaw sa ulo sa mga daotan.

Jeremias 4:12

usa ka hangin nga hilabihan ka kusog alang niini moabot alang kanako. Karon ako mao ang nagsulti sa paghukom batok kanila.”

Jeremias 8:19

Pamatia ang pagtuaw sa anak nga babaye sa akong katawhan gikan sa tibuok nga yuta: “Wala ba ang Ginoo diha sa Zion? Wala ba ang iyang Hari diha kaniya?” “Nganong gihagit nila ako sa pagkasuko pinaagi sa ilang mga kinulit nga larawan, ug sa ilang mga langyaw nga diosdios?”

Jeremias 9:1

O katubigan unta ang akong ulo, ug ang akong mga mata tuboran sa mga luha, aron ako maghilak adlaw ug gabii tungod sa mga nangamatay sa anak nga babaye sa akong katawhan!

Jeremias 9:7

Busa kini mao ang giingon sa Ginoo sa mga panon: “Tan-awa, ulayon nako sila ug sulayan kay unsa pa may akong mahimo tungod sa akong katawhan?

Mga Pagbangotan 2:11

Ang akong mga mata naluya sa paghinilak; ang akong kalag nasamok; ang akong kasingkasing nabubo ngadto sa yuta tungod sa pagkalaglag sa anak nga babaye sa akong katawhan, tungod kay ang mga bata ug ang mga masuso gipanguyapan diha sa kadalanan sa siyudad.

Mga Pagbangotan 3:48

ang akong mata nagpadagayday ug mga sapa sa luha tungod sa pagkalaglag sa anak nga babaye sa akong katawhan.

Mga Pagbangotan 4:10

Ang mga kamot sa maluluy-on nga mga babaye miluto sa kaugalingon nilang mga anak; sila nahimong pagkaon nila sa pagkalaglag sa anak nga babaye sa akong katawhan.

Mga Pagbangotan 4:3

Bisan ang mga ihalas nga iro mohatag sa ilang suso ug mopasuso sa ilang mga itoy, apan ang anak nga babaye sa akong katawhan nahimong bangis, sama sa mga abistros sa kamingawan.

Mga Pagbangotan 4:6

Tungod kay ang pagpanton sa anak nga babaye sa akong katawhan labaw pa kay sa silot sa Sodoma nga gilaglag sa kalit, walay kamot nga migunit kaniya.

Ezequiel 17:10

Sa diha nga kini balhinon, molambo ba kini? Dili ba malaya kini kon ang hangin sa sidlakan mohuyop niini? Kini malaya diha sa mga tudling diin kini moturok.”

Ezequiel 19:12

Apan ang paras giibot diha sa kabangis, gisalibay ngadto sa yuta; ang hangin gikan sa silangan mipalaya niini; gikuha ang mga bunga niini; ang lig-ong sanga nalaya; ang kalayo milamoy niini.

Oseas 13:15

Bisan ug siya mouswag sama sa tanom nga bugang, ang hangin sa silangan, ang hangin sa Ginoo moabot, motungha gikan sa kamingawan; ug ang iyang tubod maughan, ang iyang tuboran magmala; kini magkuha sa bililhong butang gikan sa iyang mga bahandi.

Oseas 13:3

Busa mahisama sila sa gabon sa kaadlawon o sama sa yamog nga sayong mahanaw, sama sa tahop nga mapalid gikan sa giokanan o sama sa aso gikan sa bintana.

Oseas 4:19

Giputos sila sa hangin diha sa iyang mga pako ug sila maulawan tungod sa ilang mga halad.

Habacuc 1:11

Unya sila mohuros sama sa hangin ug mopadayon, mga tawong sad-an, nga ang kaugalingong kusog mao ang ilang dios!

Habacuc 1:6

Kay akong bangonon ang mga Caldeanhon, ang pait ug madalidalion nga nasod, nga naglatas sa lapad nga kalibotan, aron sa pagpangilog ug puluy-anan nga dili ila.

Mateo 3:12

Ang iyang igpapalid anaa na sa iyang kamot, limpyohan niya ang iyang giokanan ug hiposon niya ang iyang trigo ngadto sa kamalig, apan ang mga uhot iyang sunogon sa kalayo nga walay pagkapalong.”

Lucas 3:17

Ang iyang igpapalid anaa sa iyang kamot aron sa paghinlo sa iyang giokanan ug sa pagtigom sa trigo ngadto sa iyang kamalig, apan ang mga uhot iyang sunogon sa kalayo nga dili mapalong.”