Jeremias 39:8

Ang Biblia 2011

Gisunog sa mga Caldeahanon ang balay sa hari, ug ang mga balay sa katawhan ug gitumpag ang mga paril sa Jerusalem.

Cross References

2 Mga Hari 25:8

Sa ikalima nga bulan, sa ikapito nga adlaw sa bulan nga maoy ikanapulo ug siyam nga tuig ni Hari Nabucodonosor nga hari sa Babilonia, si Nebusaradan nga pangulo sa mga bantay, usa ka sulugoon sa hari sa Babilonia, miabot sa Jerusalem.

2 Cronicas 36:19

Ilang gisunog ang balay sa Dios ug gigun-ob ang kuta sa Jerusalem ug gisunog sa kalayo ang tanang harianong balay niini ug giguba ang tanang mga bililhon nga galamiton niini.

Nehemias 1:3

Ug sila miingon kanako, “Ang mga nahibilin diha sa lalawigan nga nakaikyas gikan sa pagkabihag anaa sa dakong kasamok ug kaulaw, ug ang paril sa Jerusalem nagun-ob ug ang mga ganghaan niini nangaguba pinaagi sa kalayo.”

Salmo 79:7

Kay ilang gilamoy si Jacob, ug ilang gilumpag ang iyang puluy-anan.

Isaias 5:9

Ang Ginoo sa mga panon nanumpa diha sa akong pangdungog, “Daghan gayong mga balay nga mahimong biniyaan, dagko ug matahom nga mga balay, walay magpuyo.

Jeremias 17:27

Apan kon kamo dili mamati kanako sa pagbalaan sa adlaw nga igpapahulay, ug magdala sa bisan unsang palas-anon ug mosulod sa mga ganghaan sa Jerusalem panahon sa adlaw nga igpapahulay, magpadilaab ako ug kalayo sa mga ganghaan niini ug kini maglamoy sa mga palasyo sa Jerusalem ug dili kini mapalong.’ ”

Jeremias 21:10

Kay nakahukom ako batok niining siyudad alang sa kadaotan ug dili alang sa kaayohan, nag-ingon ang Ginoo: ihatag kini ngadto sa kamot sa hari sa Babilonia ug iya kining sunogon sa kalayo.’

Jeremias 32:29

Ang mga Caldeanhon nga makig-away batok niinig siyudara, moabot ug mosunog niini, uban sa mga balay nga ang mga atop gihalaran ug insenso alang sa Baal ug mga halad nga ilimnon gibubo alang sa laing mga dios, aron sa paghagit kanako sa pagkasuko.

Jeremias 34:2

“Mao kini ang giingon sa Ginoo, ang Dios sa Israel: Lakaw ug sultihi si Zedekias nga hari sa Juda, ug ingna siya, ‘Mao kini ang giingon sa Ginoo: Ihatag nako kining siyudad ngadto sa kamot sa hari sa Babilonia ug iya kining sunogon sa kalayo.

Jeremias 34:22

Ako magsugo, nag-ingon ang Ginoo, ug dad-on nako sila pagbalik niining siyudara, ug sila makig-away batok niini ug magkuha niini ug magsunog niini sa kalayo. Ang mga siyudad sa Juda himoon nako nga mingaw, walay magpuyo.”

Jeremias 37:10

Kay bisan pa ug mabuntog ninyo ang tibuok nga kasundalohan sa mga Caldeanhon nga nakig-away batok kaninyo, ug adunay mahibilin lamang kanila nga mga samdan nga mga tawo, ang tanang tawo diha sa iyang tolda, sila mobangon ug sunogon kining siyudad sa kalayo.’ ”

Jeremias 38:18

Apan kon dili ikaw moampo ngadto sa mga pangulo sa hari sa Babilonia, kining siyudad ihatag ngadto sa kamot sa mga Caldeanhon ug ila kining sunogon sa kalayo ug dili ikaw makaikyas gikan sa ilang kamot.”

Jeremias 5:10

“Panaka kamo agi sa iyang mga kaparasan, ug gun-oba kini, apan ayaw hingpita sa pagguba; kuhaa ang iyang mga sanga, kay dili kini iya sa Ginoo.

Jeremias 7:20

Busa mao kini ang giingon sa Ginoong Dios: Ania karon, ang akong kasuko ug ang akong kapungot ibubo niining dapita, ngadto sa tawo ug sa mananap, ngadto sa kakahoyan sa kapatagan, ug sa bunga sa yuta. Mangasunog kini ug dili mapalong.”

Mga Pagbangotan 1:10

Ang kaaway nagtuyhad sa iyang mga kamot ibabaw sa tanan niyang nga bililhong mga butang; Oo, nakita niya ang mga nasod nga misulod sa iyang balaang puluy-anan, kadtong gidid-an nimo sa pagsulod sa imong tigom.

Mga Pagbangotan 2:2

Ang Ginoo milaglag nga walay kukaluoy sa tanang puluy-anan ni Jacob; sa iyang kasuko, gipangguba niya ang mga salipdanan sa anak nga babaye ni Juda; iyang gipukan ngadto sa yuta diha sa kaulawan ang gingharian ug ang mga pangulo niini.

Mga Pagbangotan 2:7

Ang Ginoo nagtamay sa iyang halaran, nagsalikway sa iyang balaang puluy-anan; iyang gitugyan ngadto sa kamot sa iyang kaaway ang mga paril sa iyang mga palasyo; adunay kagubot sulod sa balay sa Ginoo, sama sa adlaw sa gitakda nga kasaulogan.

Ezequiel 16:41

Ug sunogon nila ang imong mga balay ug magpahamtag sila ug hukom kanimo diha sa panan-aw sa daghang mga babaye. Pahunongon ko ikaw sa pagpakighilawas, ug ikaw dili na usab maghatag ug suhol.

Ezequiel 23:47

Ug ang panon mobato kanila ug mopatay kanila pinaagi sa espada, pamatyon nila ang ilang mga anak nga lalaki ug mga anak nga babaye ug sunogon ang ilang mga balay.

Ezequiel 33:21

Sa ikanapulo ug duha nga tuig sa among pagkabihag, sa ikanapulo nga bulan, sa ikalima nga adlaw sa bulan, usa ka tawo nga nakaikyas gikan sa Jerusalem mianhi kanako ug miingon, “Ang siyudad napukan.”

Amos 2:5

Busa magpadala ako ug kalayo ngadto sa Juda ug kini maglamoy sa mga salipdanan sa Jerusalem.”

Miqueas 3:12

Busa tungod kaninyo ang Zion darohon sama sa usa ka uma; ang Jerusalem mahimong tapok sa mga ginuba, ug ang bukid sa balay mahimong bungtod nga kakahoyan.