Jeremias 39:4

Ang Biblia 2011

Sa diha nga si Zedekias nga hari sa Juda ug ang tanang mga sundalo nakakita kanila, nanagan sila, nanggula sa siyudad sa pagkagabii agi sa tanaman sa hari latas sa ganghaan taliwala sa duha ka paril, ug mipadulong sila sa Araba.

Cross References

2 Cronicas 32:5

Siya naningkamot sa pagbuhat ug gitukod ang tanang kuta nga natumpag, ug nagpatindog ug mga tore diha niini ug gawas niini nagtukod siya ug laing kuta ug gipalig-on niya ang Milo diha sa siyudad ni David. Naghimo usab siya ug daghang mga hinagiban ug mga taming.

Isaias 22:11

Nagbuhat usab kamo ug mga saluranan taliwala sa duha ka kuta alang sa tubig sa daang linaw. Apan wala ninyo tan-awa siya nga nagbuhat niini, o nagtahod kamo kaniya nga naglaraw niini sa dugay nang panahon.

Isaias 22:3

Ang tanan nimong mga pangulo nangagiw pagtingob, nabihag sila nga dili pinaagi sa pana. Kamong tanan nga nakit-an nabihag, bisan ug sila nangagiw sa layo.

Isaias 29:2

Bisan pa niana sakiton nako ang Ariel, ug aduna unyay pag-agulo ug pagbangutan, ug siya alang kanako mahisama sa Ariel.

Jeremias 32:4

si Zedekias nga hari sa Juda dili makaikyas gikan sa kamot sa mga Caldeanhon, apan itugyan gayod ngadto sa kamot sa hari sa Babilonia ug makigsulti kaniya sa nawong ug nawong ug makakita kaniya sa mata ug mata;

Jeremias 32:5

ug dad-on niya si Zedekias ngadto sa Babilonia ug didto magpabilin siya hangtod nga ako moduaw kaniya, nag-ingon ang Ginoo; bisan ug ikaw makig-away sa mga Caldeanhon dili ikaw molampos’?”

Ezequiel 12:12

Ug ang pangulo nga uban kanila magpas-an sa iyang dad-onon diha sa kangitngit ug molakaw. Siya magbuho sa paril aron mogawas agi niini. Siya magtabon sa iyang nawong, aron siya dili makakita sa yuta pinaagi sa iyang mga mata.

Ezequiel 12:4

Dad-on nimo ang imong mga kabtangan panahon sa adlaw diha sa ilang panan-aw, ingon nga dad-onon alang sa pagkagiw; ug ikaw molakaw sa pagkakilomkilom diha sa ilang panan-aw, sama sa mga tawo nga mangagiw.

Levitico 26:17

Ipaatubang nako ang akong nawong batok kaninyo ug pukanon kamo sa inyong mga kaaway ug ang mga nagdumot kaninyo magmando ibabaw kaninyo ug mangagiw kamo bisan walay maggukod kaninyo.

Levitico 26:36

Mahitungod sa mga nahabilin kaninyo, luyahon nako ang ilang mga kasingkasing didto sa yuta sa ilang mga kaaway ug ang kinanaas sa usa ka dahon magpakagiw kanila ingon sa usa nga mokagiw gikan sa espada ug mangapukan sila bisan walay maggukod kanila.

Amos 2:14

Ang pagdagan mawala gikan sa tawong tulin, ug ang kusgan dili makahawid sa iyang kusog o ang gamhanan makaluwas sa iyang kinabuhi;

Deuteronomio 28:25

“Ipabuntog kamo sa Ginoo sa atubangan sa inyong mga kaaway. Manggula kamo batok kanila sa usa ka dalan ug gikan kanila mangagiw kamo sa pito ka dalan ug mahimo kamong kahadlokan sa tanang mga gingharian sa yuta.