Jeremias 39:18

Ang Biblia 2011

Kay ako magluwas gayod kanimo, ug dili ikaw mapukan sa espada, kondili ang imong kinabuhi mahimong ingon nga ganti sa gubat tungod kay gibutang nimo ang imong pagsalig kanako, nag-ingon ang Ginoo.’ ”

Cross References

1 Cronicas 5:20

Ug sa dihang gitabangan sila batok kanila, ug ang mga Hagrihanon ug ang tanan nga uban kanila gitugyan ngadto sa ilang mga kamot, kay sila mituaw ngadto sa Dios diha sa gubat, ug iyang gitugot ang ilang gipangayo tungod kay sila misalig man kaniya.

Job 5:20

Sa panahon sa gutom magluwas siya kanimo gikan sa kamatayon, ug sa gubat gikan sa gahom sa espada.

Salmo 147:11

apan ang Ginoo may kalipay diha sa mga may kahadlok kaniya, diha sa mga naglaom sa iyang gugmang walay paglubad.

Salmo 2:12

halok sa iyang tiil, aron siya dili masuko ug mangahanaw kamo diha sa dalan; kay ang kapungot niya dali rang mosilaob. Bulahan ang tanan nga modangop diha kaniya.

Salmo 33:18

Tan-awa, ang mata sa Ginoo anaa sa mga may kahadlok kaniya, sa mga nagsalig sa iyang gugmang walay paglubad,

Salmo 34:22

Ang Ginoo nagluwas sa kalag sa iyang mga sulugoon; walay bisan usa niadtong modangop kaniya nga hukman sa silot.

Salmo 37:3

Salig sa Ginoo, ug buhata ang maayo; aron magpuyo ikaw sa yuta ug mahilayo sa kadaotan.

Salmo 84:12

O Ginoo sa mga panon, bulahan ang tawo nga nagsalig kanimo!

Salmo 91:7

Mangapukan ang usa ka libo sa imong kiliran, ug ang napulo ka libo dapit sa imong tuong kamot, apan dili kini makaabot kanimo.

Isaias 26:3

Ikaw nagbantay kaniya diha sa hingpit nga pakigdait, nga ang hunahuna nagpabilin diha kanimo, tungod kay siya nagsalig kanimo.

Jeremias 21:9

Kadtong magpabilin niining siyudad mamatay pinaagi sa espada, ug sa gutom ug sa kamatay apan kadtong mogula ug moampo ngadto sa kamot sa mga Caldeanhon nga naglibot kaninyo, mabuhi ug makaangkon sa iyang kinabuhi ingon nga ganti sa gubat.

Jeremias 38:2

“Mao kini ang giingon sa Ginoo: Kadtong magpabilin niining siyudad mamatay sa espada, sa gutom, ug sa kamatay, apan kadtong moadto sa mga Caldeanhon mabuhi, ug ang iyang kinabuhi mahimong ingon nga usa ka ganti sa gubat ug mabuhi siya.

Roma 2:12

Ang tanang nakasala nga wala ang Balaod mangalaglag nga wala ang Balaod, ug ang tanang nakasala diha sa Balaod hukman pinaagi sa Balaod.

Mga Taga-Efeso 1:12

aron kami nga mga unang milaom kang Cristo magkinabuhi alang sa pagdayeg sa iyang himaya.

1 Pedro 1:21

Pinaagi kaniya kamo nagsalig sa Dios nga nagbanhaw kaniya gikan sa mga patay ug mihatag kaniya ug himaya, aron nga ang inyong pagtuo ug paglaom maanaa sa Dios.