Jeremias 39:1

Ang Biblia 2011

Sa ikasiyam nga tuig ni Zedekias nga hari sa Juda, sa ikanapulo nga bulan, si Nabucodonosor nga hari sa Babilonia ug ang tibuok niyang kasundalohan misulong sa Jerusalem ug gilibotan kini.

Cross References

2 Cronicas 36:17

Busa gipadala niya batok kanila ang hari sa mga Caldeanhon nga mipatay sa ilang mga batan-ong lalaki pinaagi sa espada diha sa balay sa ilang balaang puluy-anan ug walay kaluoy sa batan-ong lalaki o sa ulay, sa mga tigulang o sa may panuigon, gitugyan niya silang tanan ngadto sa iyang kamot.

Jeremias 32:1

Ang pulong nga midangat kang Jeremias gikan sa Ginoo sa ikanapulo nga tuig ni Zedekias nga hari sa Juda, nga maoy ikanapulo ug walo nga tuig ni Nabucodonosor.

Jeremias 34:1

Ang pulong nga midangat kang Jeremias gikan sa Ginoo sa diha nga si Nabucodonosor nga hari sa Babilonia ug ang tanan niyang mga sundalo ug ang tanang mga gingharian sa yuta ubos sa iyang pagmando ug ang tanang mga katawhan nakig-away batok sa Jerusalem ug sa tanang mga siyudad niini:

Jeremias 34:22

Ako magsugo, nag-ingon ang Ginoo, ug dad-on nako sila pagbalik niining siyudara, ug sila makig-away batok niini ug magkuha niini ug magsunog niini sa kalayo. Ang mga siyudad sa Juda himoon nako nga mingaw, walay magpuyo.”

Jeremias 42:18

“Kay mao kini ang giingon sa Ginoo sa mga panon, ang Dios sa Israel: Ingon nga ang akong kasuko ug ang akong kapungot gibubo ngadto sa mga nagpuyo sa Jerusalem, ang akong kapungot ibubo usab nako nganha kaninyo sa dihang moadto kamo sa Ehipto. Mahimo kamong dulumtanan, kalisangan, tunglo ug usa ka talamayon. Dili na kamo makakita pa niining yutaa.

Jeremias 52:1

Si Zedekias 21 ka tuig ang panuigon sa dihang nahimo siya nga hari ug siya naghari sulod sa napulo ug usa ka tuig didto sa Jerusalem. Ang ngalan sa iyang inahan mao si Hamutal nga anak ni Jeremias sa Libna.

Jeremias 6:6

Kay mao kini ang giingon sa Ginoo sa mga panon: “Pamutla ninyo ang iyang mga kahoy; paghimo ug bundo alang sa pagsulong batok sa Jerusalem. Kini mao ang siyudad nga kinahanglang silotan; walay bisan unsa diha kaniya kondili pagpangdaogdaog.

Ezequiel 33:21

Sa ikanapulo ug duha nga tuig sa among pagkabihag, sa ikanapulo nga bulan, sa ikalima nga adlaw sa bulan, usa ka tawo nga nakaikyas gikan sa Jerusalem mianhi kanako ug miingon, “Ang siyudad napukan.”

Ezequiel 4:3

Ug pagkuha ug usa ka palid nga puthaw ug ibutang kini ingon nga usa ka kuta nga puthaw taliwala kanimo ug sa siyudad ug ipaatubang ang imong nawong niini ug kini sulongon ug asdangon nimo. Kini mao ang ilhanan alang sa balay sa Israel.

Ezequiel 40:1

Sa ika-25 nga tuig sa among pagkabihag, sa sinugdanan sa tuig, sa ikanapulo nga adlaw sa bulan, sa ikanapulo ug upat nga tuig human gun-oba ang siyudad, sa mao gayod nga adlaw, ang kamot sa Ginoo diha sa ibabaw kanako, ug gidala niya ako didto.

Ezequiel 5:2

Ang ikatulo nga bahin sunogon sa kalayo diha sa taliwala sa siyudad, sa diha nga ang mga adlaw sa pagsulong matapos na, ug kuhaon nimo ang ikatulo nga bahin ug imong tigbason sa espada libot sa siyudad, ug ang usa sa ikatulo nga bahin imong ikatag sa hangin ug laniton nako ang akong espada sunod kanila.

Zacarias 8:19

“Mao kini ang giingon sa Ginoo sa mga panon: Ang puasa sa ikaupat nga bulan, ug ang puasa sa ikalima, ug ang puasa sa ikapito, ug ang puasa sa ikanapulo mahimo nga kasadya ug kalipay alang sa balay sa Juda, ug mga malipayon nga kasaulogan, busa higugmaa ang kamatuoran ug pakigdait.

Deuteronomio 28:36

“Ang Ginoo magdala kaninyo ug sa inyong hari nga inyong ibutang sa ibabaw kaninyo ngadto sa nasod nga wala mailhi ninyo o sa inyong mga ginikanan. Ug didto mag-alagad kamo sa laing mga dios nga hinimo sa kahoy ug sa bato.