Jeremias 38:5

Ang Biblia 2011

Si Hari Zedekias miingon, “Tan-awa, siya anaa sa inyong kamot kay ang hari dili makabuhat ug bisan unsa batok kaninyo.”

Cross References

2 Samuel 19:22

Apan si David miingon, “Unsay labot nako kaninyo, kamong mga anak ni Zeruia, nga kamo niining adlawa mga kabatok nako? Kinahanglan ba nga adunay patyon niining adlawa sa Israel? Kay wala ba ako mahibalo nga ako niining adlawa hari sa Israel?”

2 Samuel 3:39

Ug ako niining adlawa luya, bisan ug dinihogan nga hari. Kining mga tawhana, ang mga anak ni Zeruia lisod kaayo alang kanako. Ang Ginoo magbalos sa tigbuhat ug daotan sumala sa iyang pagkadaotan!”

Mga Panultihon 29:25

Ang kahadlok sa tawo nagbutang ug usa ka lit-ag, apan siya nga nagsalig sa Ginoo layo sa kakuyaw.

Jeremias 26:14

Apan mahitungod kanako, ako ania sa inyong mga kamot. Buhata kanako ang gihunahuna ninyo nga maayo ug matarong alang kaninyo.

Jeremias 37:17

si Hari Zedekias mipakuha kaniya ug gidawat siya. Ang hari mihilom pagpangutana kaniya diha sa iyang balay ug miingon, “Aduna bay pulong gikan sa Ginoo?” Si Jeremias miingon, “Aduna.” Unya miingon siya, “Itugyan ikaw ngadto sa kamot sa hari sa Babilonia.”

Daniel 6:16

Unya ang hari misugo ug gidala si Daniel ug gitambog ngadto sa langob sa mga liyon. Ang hari miingon kang Daniel, “Magluwas unta kanimo ang imong Dios nga imong gialagaran sa kanunay!”

Daniel 6:17

Dihay usa ka bato nga gidala ug gipahiluna sa baba sa langob ug kini gipatikan sa hari sa iyang kaugalingong patik ug sa patik sa mga kadagkoan aron walay mausab mahitungod kang Daniel.

1 Samuel 15:24

Unya si Saul miingon kang Samuel, “Ako nakasala kay ako nakalapas sa sugo sa Ginoo ug sa iyang mga pulong, tungod kay ako nahadlok sa katawhan ug nagtuman sa ilang tingog.

1 Samuel 29:9

Ug si Akis mitubag kang David, “Ako nahibalo nga ikaw walay sala sa akong panan-aw sama sa usa ka anghel sa Dios, apan bisan pa niini, ang mga tigmando sa mga Filistihanon nag-ingon, ‘Siya dili makauban kanato ngadto sa gubat.’