Jeremias 38:11

Ang Biblia 2011

Busa si Ebedmelek midala sa mga tawo uban kaniya ug nangadto sila sa balay sa hari ilalom sa tipiganan sa bahandi, ug nagkuha gikan didto ug mga nuog ug dunot nga mga bisti nga gitunton pinaagi sa pisi ngadto kang Jeremias didto sa atabay.

Cross References

Jeremias 38:10

Unya ang hari nagsugo kang Ebedmelek nga Etiopianhon, “Pagkuha ug 30 ka tawo uban kanimo, ug kuhaa si Jeremias nga propeta gikan sa gahong sa dili pa siya mamatay.”

Jeremias 38:12

Unya si Ebedmelek nga Etiopianhon miingon kang Jeremias, “Ibutang ang mga nuog ug mga bisti ilalom sa imong mga ilok ug sa mga pisi.” Ug si Jeremias mituman niini.

Jeremias 38:6

Busa gikuha nila si Jeremias ug gitambog ngadto sa atabay ni Malkias nga anak sa hari, nga didto sa hawanan sa mga bantay, gitunton si Jeremias pinaagi sa mga pisi. Ug walay tubig sa atabay kondili lapok lamang, ug si Jeremias naunlod sa lapok.

Jeremias 38:7

Sa pagkadungog ni Ebedmelek nga Etiopianhon nga usa ka yunoko nga diha sa balay sa hari nga ilang gibutang sa atabay si Jeremias—ang hari naglingkod sa Ganghaan ni Benjamin—

Josue 6:19

Apan ang tanang plata ug bulawan ug ang tanang sudlanan nga bronsi ug puthaw, balaan alang sa Ginoo. Iadto kini sa panudlanan sa Ginoo.”