Jeremias 36:8

Ang Biblia 2011

Ug si Baruk nga anak ni Nerias nagbuhat sa tanang gisugo kaniya ni Jeremias nga propeta mahitungod sa pagbasa gikan sa linukot nga basahon sa mga pulong sa Ginoo sulod sa balay sa Ginoo.

Cross References

Nehemias 8:3

Ug siya nagbasa gikan niini nga nag-atubang sa hawanan atubangan sa Ganghaan sa Tubig sukad sa sayo sa buntag hangtod sa kaudtohon, sa atubangan sa mga lalaki ug sa mga babaye, ug niadtong mga makasabot. Ug ang mga dalunggan sa tanang katawhan namati sa basahon sa Balaod.

Jeremias 1:17

Apan ikaw, pangandam, tindog ug sultihi sila sa tanang gisugo nako kanimo. Ayaw kalisang kanila, aron dili ko ikaw lisangon sa ilang atubangan.

Jeremias 32:12

ug gihatag nako ang kalig-onan sa pagpalit ngadto kang Baruk nga anak ni Nerias nga anak ni Maaseias, sa atubangan ni Hanamel nga akong ig-agaw, sa atubangan sa mga saksi nga mipirma sa kalig-onan sa pagpalit, ug sa atubangan sa tanang mga Judio nga naglingkod sa hawanan sa mga bantay.

Jeremias 36:4

Unya si Jeremias mitawag kang Baruk nga anak ni Nerias, ug si Baruk misulat diha sa linukot nga sulatanan ubos sa pagmando ni Jeremias sa tanang mga pulong sa Ginoo nga iyang gisulti kaniya.

Jeremias 36:6

busa kinahanglan nga moadto ikaw, ug sa adlaw sa pagpuasa diha sa pangdungog sa tanang katawhan diha sa balay sa Ginoo imong basahon ang mga pulong sa Ginoo gikan sa basahon nga imong gisulat ubos sa akong pagmando. Basahon usab nimo kini diha sa pangdungog sa tanang mga tawo sa Juda nga migula gikan sa ilang mga siyudad.

Mateo 16:24

Ug si Jesus miingon sa iyang mga tinun-an, “Kon adunay buot mosunod kanako, kinahanglang magdumili siya sa iyang kaugalingon ug magpas-an sa iyang krus, ug magsunod kanako.

1 Mga Taga-Corinto 16:10

Inig-abot diha ni Timoteo, tan-awa nga dili siya mataha kaninyo kay siya nagbuhat sa buluhaton sa Ginoo sama kanako.