Jeremias 36:21

Ang Biblia 2011

Unya ang hari nagpaadto kang Jehudi aron sa pagkuha sa linukot nga basahon ug gikuha niya kini gikan sa lawak ni Elisama nga sekretaryo. Ug kini gibasa ni Jehudi ngadto sa hari, ug sa tanang mga pangulo nga nagtindog tupad sa hari.

Cross References

2 Mga Hari 22:10

Unya si Safan nga sekretaryo misugilon sa hari, “Si Hilkias nga pari naghatag kanako ug usa ka basahon.” Ug kini gibasa ni Safan sa atubangan sa hari.

2 Cronicas 34:18

Unya si Safan nga sekretaryo misugilon sa hari, “Si Hilkias nga pari mihatag kanako ug usa ka basahon.” Ug gibasa kini ni Safan sa atubangan sa hari.

Jeremias 23:28

Ang propeta nga adunay damgo pasultiha sa damgo, apan siya nga nagbaton sa akong pulong pasultiha sa akong pulong diha sa pagkamatinud-anon. Unsa bay kalabotan sa dagami ug sa trigo? nag-ingon ang Ginoo.

Jeremias 26:2

“Mao kini ang giingon sa Ginoo: Tindog sa hawanan sa balay sa Ginoo, ug isulti ngadto sa tanang mga siyudad sa Juda nga nanganhi aron sa pagsimba sulod sa balay sa Ginoo ang tanang mga pulong nga gisugo nako kanimo nga isulti kanila; ayaw sayloi bisan usa ka pulong.

Jeremias 36:14

Busa ang tanang mga pangulo mipadala kang Jehudi nga anak ni Netanias nga anak ni Selemias nga anak ni Kusi aron sa pagsulti kang Baruk, “Dad-a ang linukot nga basahon nga imong gibasa diha sa pangdungog sa katawhan ug dali ngari.” Busa si Baruk nga anak ni Nerias mikuha sa linukot ug miadto kanila.

Jeremias 36:15

Ug sila miingon kaniya, “Lingkod ug basaha kini.” Busa gibasa kini ni Baruk ngadto kanila.