Jeremias 36:2

Ang Biblia 2011

“Pagkuha ug usa ka linukot nga sulatanan ug isulat niini ang tanang mga pulong nga gisulti nako kanimo batok sa Israel ug sa Juda ug batok sa tanang mga nasod, sukad sa adlaw sa akong pagsulti kanimo, sukad sa mga adlaw ni Josias hangtod karong adlawa.

Cross References

Jeremias 30:2

“Mao kini ang giingon sa Ginoo, ang Dios sa Israel: Isulat sa basahon ang tanang mga pulong nga akong gisulti kanimo.

Jeremias 25:3

“Sulod sa 23 ka tuig gikan sa ikanapulo ug tulo nga tuig ni Josias nga anak ni Amon, ang hari sa Juda, hangtod niining adlawa, ang pulong sa Ginoo midangat kanako, ako kanunayng nagsulti kaninyo, apan wala kamo mamati.

Jeremias 1:10

Tan-awa, ako nagpahiluna kanimo niining adlawa ibabaw sa kanasoran ug ibabaw sa mga gingharian, sa paglangkat ug sa paggun-ob, sa paglaglag ug sa pagpukan, sa pagtukod ug sa pagtanom.”

Exodo 17:14

Unya ang Ginoo miingon kang Moises, “Isulat kini ingon nga usa ka handomanan diha sa usa ka basahon, ug sublia sa pagsaysay ngadto sa mga igdulungog ni Josue nga papason gayod nako ang handomanan sa Amalek sa ilalom sa langit.”

Ezequiel 2:9

Sa diha nga mitan-aw ako, nakita nako ang usa ka kamot nga gituy-od ngari kanako ug dihay usa ka linukot nga basahon diha niini,

Jeremias 51:60

Gisulat ni Jeremias sa usa ka basahon nga linukot ang tanang kadaotan nga modangat sa Babilonia, kining tanan nga mga pulong nga gisulat mahitungod sa Babilonia.

Jeremias 36:23

Sa diha nga nabasa ni Jehudi ang tulo o upat ka tudling, giputol kini sa hari pinaagi sa kutsilyo, ug gisugba sa kalayo nga diha sa bagahan, hangtod nga ang tibuok linukot nga basahon nahurot sa kalayo nga diha sa bagahan.

Jeremias 36:6

busa kinahanglan nga moadto ikaw, ug sa adlaw sa pagpuasa diha sa pangdungog sa tanang katawhan diha sa balay sa Ginoo imong basahon ang mga pulong sa Ginoo gikan sa basahon nga imong gisulat ubos sa akong pagmando. Basahon usab nimo kini diha sa pangdungog sa tanang mga tawo sa Juda nga migula gikan sa ilang mga siyudad.

Isaias 8:1

Unya ang Ginoo miingon kanako, “Pagkuha ug usa ka dakong panit nga sulatanan, ug kuliti kini niining mga pulonga, ‘Iya kini ni Maher-shalal-has-bas.’ ”

Salmo 40:7

Unya miingon ako, “Ania karon mianhi ako; diha sa basahon nga linukot nasulat kini mahitungod kanako;

Esdras 6:2

Apan didto sa Ecbatana nga ulohang siyudad sa lalawigan sa Media may usa ka linukot nga basahon nga nakita diin kini nasulat: “Usa ka kasaysayan.

Oseas 8:12

Bisan pa ug magsulat ako ug napulo ka libo ka balaod alang kaniya, kini isipon nga langyaw nga butang.

Jeremias 45:1

Ang pulong nga gisulti ni Jeremias nga propeta ngadto kang Baruk nga anak ni Nerias, sa pagsulat niya niining mga pulonga diha sa usa ka basahon sumala sa gisulti ni Jeremias, sa ikaupat nga tuig ni Jehoiakim nga anak ni Josias nga hari sa Juda,

Jeremias 36:29

Ug mahitungod kang Jehoiakim nga hari sa Juda, ikaw mag-ingon, ‘Mao kini ang giingon sa Ginoo: Gisunog nimo kining linukot nga basahon nga nag-ingon, “Nganong gisulat nimo diha niini nga ang hari sa Babilonia moanhi gayod ug maglaglag niining yutaa ug magpuo sa tawo ug sa mananap gikan niini?”

Jeremias 2:4

Pamati kamo sa pulong sa Ginoo, O balay ni Jacob ug tanang kabanayan sa balay ni Israel.

Jeremias 1:5

“Sa wala pa nako ikaw buhata diha sa taguangkan nakaila na ako kanimo, ug sa wala pa ikaw mahimugso gigahin ko na ikaw; gipili ko ikaw nga propeta ngadto sa kanasoran.”

Job 31:35

O, aduna untay usa nga magpatalinghog kanako! (Ania ang akong timaan! Patubaga kanako ang Labing Gamhanan!) O, ania unta kanako ang sumbong nga gisulat sa akong kabatok!

Deuteronomio 31:24

Sa nakahuman na si Moises pagsulat sa mga pulong niining Balaod diha sa usa ka basahon hangtod sa kataposan,

Mga Hebreo 10:7

Unya miingon ako, ‘Tan-awa, ako mianhi sa pagtuman sa imong kabubut-on, O Dios,’ sumala sa nasulat mahitungod kanako diha sa basahon.”

Jeremias 1:9

Unya ang Ginoo mituy-od sa iyang kamot ug mihikap sa akong baba, ug ang Ginoo miingon kanako, “Ania, ako nagbutang sa akong mga pulong diha sa imong baba.

Jeremias 36:14

Busa ang tanang mga pangulo mipadala kang Jehudi nga anak ni Netanias nga anak ni Selemias nga anak ni Kusi aron sa pagsulti kang Baruk, “Dad-a ang linukot nga basahon nga imong gibasa diha sa pangdungog sa katawhan ug dali ngari.” Busa si Baruk nga anak ni Nerias mikuha sa linukot ug miadto kanila.

Jeremias 36:18

Unya si Baruk mitubag kanila, “Gisulti niya kanako kining tanan nga mga pulong samtang gisulat ko kini pinaagi sa tinta dinhi sa basahon.”